|
منوره بحضرااتكم اكيد اان شااء الله جزااكم الله خيرا |
هيا الدراسة بكره السبت ولا اتأجلت :( |
اول اسبوع في الكليه مفهوش دراسه الدراسه بتبدا من الاسبوع التانى
وبكره التسجيل ولازم يكون معاكى الاستماره الى هتخديها من المرشد |
انا معرفتش اخد الاستمارة انهاردة لان المرشد بتاعي مكنش موجود وفضلت مستنياه من الساعة 9 الصبح للساعة 1 ومجاش ومش عارفه اعمل ايه كده هتأخر عقبال ما اسجل بكره عقبال مااخد منه الاستمارة واملاها ويمكن كمان اروح بكره بدري وميجيش :( انا كرهت الكلية من قبل ما ابدء دراسه :( |
ان شاء الله تلاقيه بكره والتسجيل بيستمر لحد يوم الخميس بس الفكره عشان تلحقى المواعيد قبل ماتقفل
ومعلش كده كده المرشد ده تاخدى منه الاستماره وتسجلى المواد وتديله نسخه ومش هتعرفيه تانى :d ألكليه جميله اوى هي بس الصعوبه في اول اسبوع وبس |
اه عارفه بس انا خايفة لا ملحقش اسجل وبالذات ف ال كيميا عضوية علشان في ناس قالولي انها بتخلص بسرعة :( طيب يعني اروح بكره الساعة كام ,يعني اروح علي 8 ونص ولو ملقتش المرشد اعمل ايه :( الانجليزي بيتسجل فين ؟ |
انا بشكرك جدا يا عمرو على الموضوع التحفه ده بس برضه مش هنتنازل عن قسم محدد للكليه هنا فى المنتدى انا كنت عايزه اخد رأيك فى كذا حاجه اول حاجه انا اخترت مواد (رياضه وحيوان زراعى ونبات زراعى وكيمياء عضوى وفزياء ومقدمه فى الاجتماع الريفى ) تانى حاجه بخصوص الورقه اللى جبتها من المرشد الخاص بيا السؤال هى الخانه بتاعت الوقت دى اسيبها فاضيه فى المحاضرات واكتبها فى وقت السكشن بس ؟ تالت حاجه " افتكر ان الانجليزى فى مبنى شؤون الطلبه " |
انا اسف جدا على التاخير بس بجد الايام الى فاتت كنت مشغول جدا والنت كان فاصل معرفتش ارد
واعتقد احنا كاتحاد طلبه في الكليه اعتقد ان كان اي حد مش فاهم حاجه كان بيفهما اما بخصوص الاسئله دى فاظن انها اتحلت وهرد عليها برضه اقتباس:
واسف اوى على انى مرديتش عليكى وياريت تتطمنينى عملتى ايه واختى ايه ومنوره الكليه والانجليزى مش بيتسجل ---------------------- اقتباس:
والانجليزى مش بيتسجل والمحاضرات بتاحته بتبقى في المدرج الى قدام سيد جلال اما الورقه بتاعت الارشاد الاكاديمى اكيد سلمتيها خلاص ياريت تردو عليا تطمنونى عملته ايه |
انا سلمت الورقه النهارده الحمدلله للدكتور احمد احمد عثمان
|
الحمد لله واى مشكله او اي حاجه عايزاه كلمنى هنا او على الفيس
وهحاول احلهالك وعندك لحد يوم الثلاثاء ممكن تغيرى المواعيد او تشيلى ماده وتحطى ماده |
لا عادي ولا يهم حضرتك :022yb4: انا خدت فزيا وارصاد جوية نبات زراعي رياضة اساسيات انتاج حيواني وداجني كميا عضوية انجليزي بـ 16 وحدة اذود عليهم مادة كمان زي تفكير علمي واعداد تقارير ولا كفاية كده علشان الترم ده صغير اوي ولا ايه ؟؟ |
لا كفايه اوى كده وعلى فكره انا معاكى في سكشن الرياضه
لو حضرتى النهارده انا كنت قاعد ورا مع المجموعه الى الدكتور ههههه قعد يقول محدش ليه دعوه بيهم بس انا اول مره رياضه والله اتظلمت :d |
السلام عليكم
انا جالي زراعه القاهره في التنسيق يعني ومجموعي اعلي من تنسيقها ومش عارفه اعمل ايه ممكن حضرتك تقولي احسن اﻻقسام واماكن الشغل والدراسه ايه نظامها |
| جميع الأوقات بتوقيت GMT +2. الساعة الآن 11:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.