|
انا عندى نفس المشكله دى طول الوقت ومش من صحابى بس لالا من اى حد اعرفه تقريبا على ايه مش عارف المهم كبر دماغك خليك صريح يعنى لما ييجو يقولو انت بتذاكر طول النهار وبتاع قولهم اللى حصل وخلاص اتصرف عادى اقصد يعنى بس على فكره المشكله دى ملهاش حل للاسف يعنى متهياقلى انت لو مستوال قل بعد كده هيفضلو يعايروك برضه ومش هيسيبوك فى حالك ههههههههه
|
اقتباس:
يا سلام على افكارك النيرة يا أحمد :rolleyes::pفكرت فيها بس خلاص بقى إللي حصل حصل :078111rg3: اقتباس:
يعني احول بعيد بقى واتكل على الله ؟ اقتباس:
الواحد ينتحر اسهل بقى :stickjo4::rolleyes: |
لو شايف ان كلامهم بيأثر عليك ومش قادر تتحكم انك تفكر فى كلامهم يبقى لازم تنقل مجموعة تانية
لو المجموعة التانية نفس النظام يبقى خليك فى القريبة وخليــــــــــــــــك بارد عشان هو دا ال بينفع مع الناس دى واهم حاجة احرجهم بالكلام خليهم يحسو على دمهم لما حد يجاوب على حاجة قولة نفس الكلام ال بيتقالك وحسسة نفس الاحسااس لحد ماهيجى عليهم وقت يزهقو ويسكتو خالص واكيد انت شايف الافيد ليك فين واعملة بس خليك فاكر اهم حاجة راحتك ثم راحتك ثم راحتك النفسية |
خلاص غير المجموعة وتوكل على الله عز وجل
والله على فكرة دول تلاقيهم بيذاكروا هما كمان بس شغل خباثة الثانوية شغال معاهم جاامد |
صدقني متغيرش مكان درسك علشانهك -- يعني هتضيع وقتك أكيد
و اانت اللي غلطان من الأول المفروض تتاني في اختيار اصحابك حتي لو كانوا زملائك فمتخليهمش ياخدوا عليك بالبلدي كده و اقرا دايما في وشهم ( الفلق ) و ممكن يكون انت اللي عندك وسوسة من الحسد فخايف من أي كلمة هم يقولوها و اكيد شخصيات من النوع ده متستحقش انك تكون معاهم اصلا و حاول تكون خبيث معاهم و لو ذاكرت متقولهمش انك ذاكرت و حاول تكلم المدرسين و تتفق معاهم انك في الامتحان تسيب سؤال مثلا بس تكون عارف اجابته علشان درجتك متبقاش ملفتة و علي فكرة مفيش حاجه بتجيب الارض قد الحسد و ربنا بيدي كل واحد علي قد نيته |
اقتباس:
خلي بالك من نفسك يا بني بلاش تغير المواعيد وبصراحة أنا شايف ان الموضوع ماشاء الله اتملى نصايح كافية تحليك أحمد زويل وبعدين انت عامل نفسك شاطر أوي وخايف من الحسد يا عم روح كده انت شكلك ولا عارف حاجه أصلاً اثبت لنفسك انك قد كلامك الأول وتعالى قولنا انت أخدت بالك من الأسلوب اللي اتكلمت بيه ؟ وبخ نفسك واتهم نفسك انك دايماً مش ده اللي مطلوب منك يعني متظنش بنفسك انك أشطر واحد في العالم عشان مترميش حجتك على الحسد احنا كلنا بلا استثناء جربنا بس بكل بساطة دوسنا على دماغ اللي بيحسد بالجزمة (أعزكم الله) وعدينا عليهم وكانوا أجمل معبر عدينا عليه في حياتنا معبر ثانوي الى الجامعة والنفخ الحقيقي على فكرة : كتر التفكير في الحسد هينسيك منهجكك (تعرف فضلت أفكر بتتكتب ازاي الكلمة دي) واسمع كلامي زي ما الدكتورة هاي لايت نصحتك أخليك دكتور ميكانيكي و أجدع شكمان يفرقع في وشك |
اقتباس:
والله أنا في طبيعتي اصلا بارد بس تعبولي اعصابي الفترة الاخيرة وشكرا لكي على النصائح ربنا يكرمك و يحفظك يارب أنا هشوف إيه النظام أسبوع كمان كده كأخر فرصة يعني اقتباس:
هجرب آخر أسبوع ماكانش بقى هاغير إن شاء الله اقتباس:
أنا لو استمريت في المجموعة ديه هتبع الاسلوب ده فعلا ربنا يحفظنا يا رب وشكرا لك يا دكتور على النصائح ربنا يبارك فيك ويحفظك اقتباس:
معاك حق يا باشمهندس أنا لازم ابطل تفكير في الموضوع ده فعلا لإنه فعلا اثر على مذاكرتي خلاص لو فضلت في الموال ده أسبوع كمان ححول حتة تانية علشان لا الواحد يتغر بنفسه ولا حتى تتعب اعصابه النفس دايما أماره بالسوء وفي الاخر بجد يا جماعة شكرا لكم على كل نصايحكم بجد أنا لو قعدت اشكركم من هنا لبعد الامتحانات مش هوفيكم حقكم وبجد أنتم اكتر من اخوات ليَّ أنتم مش عارفين قد إيه أنتم غيرتوا نفسيتي أنا كنت في حالة بجد ربنا لا يوريكم ربنا يكرمكم يا رب ويحفظكم |
احنا تحت أمرك يا باش مهندس كوكوواوا هههههههه حلو اللإسم
شد حيلك بئه وورينا الهمة يا بطل بس بجد شد حيلك جامد أوي ومتكسلش |
وانا كمان صحبتى شغاله عليا كده بس السنه ال فاتت الكلام دة وال يغيظك بقى انها بتعقدك من حاجه انت متفوق فيها جدا وهى مش تعرف اى حاجه فيها بس بتحسسنى انها دايما صح وانا ع طول غلط فده حاجه زخمه جدا جدا جدا
|
انا كمان والله نفس المشكلة ...حسبى الله ونعم الوكيل
|
فعلا دي مشكلة وانا بمر بيها الان وبصراحة انا مش عارفة ليه الناس بقيت بالشكل ده .الزمن ده صعب انك تلاقي صديق بجد ..بس مشكلتك دي منتشرة مع كتير من الناس وانا اولهم لان صحابي فاكرين اني بذاكر لدرجة اني مش بنام الليل من المذاكرة وانا ربنا يعلم اني كل يوم ببكي من قلة مذاكرتي وده كله بسببهم وياريت كل ده وبس هما كمان بيحاولوا يحبطوني من المذاكرة زي مايكون احنا في حرب ..ربنا يهدينا ويهديهم
|
اقتباس:
السلام عليكم ياريت تتقبل مني الكلام حتى لو فيه لوم على رأي حضرتك في كلام اصحابك لكن انا شايفة ان كلامك كله مفيهووش ذرة توكل على الله ياااااه فين راح ربنا من كل الكلام دا ؟؟ فين التوكل على ربنا اللي هو اساس اصلا كل حاااجة ؟؟ اللي يقول يقول واللي يتكلم يتكلم وطول ما انت خاييف من الحسد ومن كلام الناس وحاطه في دماغك يبقا هو دا اللي هيتحقق ربنا عند ظن عبده فيه فمذا تريد ان يتحقق حتى تظن به ؟؟ توكل على ربنا واقرأ الأذكار وربنا الحفيظ .. والسلام عليكم |
| جميع الأوقات بتوقيت GMT +2. الساعة الآن 01:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.