المشاركة الأصلية كتبت بواسطة حبيبي يا رسول الله (المشاركة 384870)

أخي الفاضل بارك الله فيك وأشكر حضرتك جدا على هذه الكلمات الرائعة ليس هناك أجمل من ان تجمع بين الناس مرة أخرى وان تحل الخلاف بينهم و بالطبع اقامة الحق مهمة جدا لكن من وجهة نظري أنا أفضل ان أصلح بين الناس وبعد ذلك أقيم الحق بينهم لأن هذا سيكون اسهل بكثير . أشكر حضرتك جدا بارك الله فيك وجعلك من المكرمين دنيا ودين وجعلك قرة عين لوالديك .

المشاركة الأصلية كتبت بواسطة الاسطورة (المشاركة 384994)

اكيد كلامك صح يا درش
بس ده لا يمنع تهدئة الاوضاع فى الاول
يعنى تكون حاجة زى مخدر عشان نقدر نقعد مع بعض وكل واحد ياخد حقه
اصل مافيش اتنين مش طايقين بعض يقعدوا مع بعض يصفوا الخلافات
لازم ولو اصلاح مؤقت لتهدئة الاوضاع
وشكرآ على الموضوع يا مصطفى

المشاركة الأصلية كتبت بواسطة طمعانه في رضاك يارحمن (المشاركة 385223)

انا معاك يامطفي في كلامك ده لانه تمام صح
لما بيكون ( ا ) مثلا زعلان من (ب)
اكيد حد بدأ في الزعل ده مش جم فجاه وقالوا حنزعل من بعض
لما مثلا انا بقي اصلحهم علي بعض فين حق المظلوم بنهم فين حق المخدوع بينهم
ايه الحق هيه كلمه اسف
كلمه اسف مهما كانت طالعه من القلب لا تمحوا ما فعله
طب ليه هو مفكرش ان ممكن ده يزعل او يجرح

لازم الاول قبل مقول صافي يالبن
لا لازم اقعد مع الاتنين واسمع من الاتننين واعرف مين فيهم الغلطان
واصفي بنهم صح مش كلام وحورات ملهاش لازمه
واللي غلط في التاني يعرف قيمته صح مش هو ملطشه كل شويه يغلط وحد يصلحهم

كلامك كله صح مصطفي
شكرا جزيلا علي المووضوع

المشاركة الأصلية كتبت بواسطة mr semsem (المشاركة 386469)

السلام عليكم ورحمة اللة وبركاتة
اولا انا بحب اشكرك على الموضوع الجميل دة
وانا متفق معاك فى ان لازم اصالحهم بس ارجع لكل واحد حقة
بس انت عارف للاسف فى بعض الاوقات بتطلع انت الوحش لو حاولت تعمل دة
انما لو حاولت تقول صافى يا لبن حليب يا قشطة
هتبقى حلو فى نظر الجميع انا معاك ان الاسلوب دة غلط بس صدقنى هوة دة الى ماشى
وعلى فكرة الى بيدور على حق الناس اليومين دول بيزعلوا منة
وفى النهاية يا رب ردى ما يضيقش حد وشكرا ليك مرة تانية يا درش على الموضوع
وجزاك اللة كل خير

المشاركة الأصلية كتبت بواسطة صوت الحق (المشاركة 389643)

طب انا هجيب كلام منين
بعد هذا الكلام الجميل
خلاص راحت عليه اصلى
انا عجوز وانتم الشباب
شكر على هذا الموضوع
اخى الفاضل

المشاركة الأصلية كتبت بواسطة بورسعيدى (المشاركة 389765)

والله كلامك هو الى صح

وخطوتك دى هى الإيجابية

شكرا

المشاركة الأصلية كتبت بواسطة تمر حنه (المشاركة 390316)

بصراحه كده الموضوع ده عجبنى اوى وده فعلا موضوع مميز وانا رأى زى حضرتك بالظبط اصلا انا لو حبيت اصلح بين اى حد لازم اعرف مين اللى غلطان عشان يعرف غلطته علشان انا لما اكون زعلانه محبش حد يجى يقولى خلاص بقه دا احنا خوات والكلام ده
اصل عشان نقدر نرجع صحاب تانى لازم مانكونش شيلين من بعض عشان مانوقفش لبعض على الوحده

ولاايه رايكم ياجماعه

المشاركة الأصلية كتبت بواسطة عاشق الاسلام (المشاركة 390324)

كلامك جميل بس
ما تنساق حديث النبى
انه لا يجوز الكذب إلا فى حالتين الكذب على العدوو او الاصلاح بين الناس

المشاركة الأصلية كتبت بواسطة ملكة زمانى (المشاركة 390352)

كلام جميل اوى مشكور يا ~ mostafa fathi
بس على فكرة الطريقة دى بتنفع ساعات بس احنا بنقولها بطريقة خفيفة شوية نقول صافى يا لبن حليب يا انجوى
فاللى زعلانين بيضحكوا دايما والحمد للة بنرجع احتن من الاول كمان
وعلى فكرة اوقات بيكون الزعل حلو اصل مش معقول تكون الحياة كلها حلوة هتبقى روتين ومملة
مشكووووووووووووووووووووووووووووووووووووووووووووووو ووووووووووووووووووووووووووووووور