طب احنا عايزين نحتج عشان صوتنا يوصل
احنا لو نقدر نغير في صمت كنا غيرنا
لكن لان التغيير دة مش بايدينا فعايزين نوصل صوتنا للي مسئول انه يغير
غير كدة يعرفو ان الكترة تغلب الشجاعة
وياما حكومات سقطت وحكومات غيرها اتحطت باصوات الناس واحنا عارفين من دة كتير

شكرا لمرورك ولرايك :) انا محبطة من غير حاجة
على فكرة انا مش اقصد المظاهرات الهمجية دي والضرب والزعيق

ممكن نعمل احتجاج او اضراب منظم زي اللي عملوه الاطباء ف القاهرة تقريبا ونادي المحامين ف اسكندرية بتكون متنظمة وهادية والشرطة متقدرش تتدخل

والوسايل اللي ممكن نوصل بيها صوتنا زي ايه ياريت لو توضحي اكتر

وبالنسبة للمقاطعة والله انا مستعدة وبابا وماما اساسا هما اللي اقترحو فكرة المقاطعة
لاننا لو قاطعنا المنتجات دي هيحصل كساد فهيضطر البياعين والتجار انهم ينزلو سعرها
اهي وسيلة تساعد ف خفض الاسعار برضه
بدل مايخزنو المنتجات عندهم بما انها بتغلى كل يوم فبيستفيدو

حضرتك فكرتني بنظام التسعيرة بتاع زمان اللي اتلغى طبعا دلوقتي
بس ليه يا جماعة محدش مقتنع ان الاضراب مش هيفيد بالعكس
عندهم حق بقى يدونا على دماغنا اكتر
مدام احنا ف كل تعدي وظلم بيحصل بنقولهم (كمان)
شكرا لمرورك :)

ههههههه
متخافيش موصية ع العيش والحلاوة من دلوقتي
قبل ما تغلى :D

ليه يامي
احنا مش عملنا مقاطعة
عشان نصرة الرسول (عليه الصلاة والسلام)
ولو ع الورق اتعمل كتير وبشوفه هنا ف جامعة اسكندرية
غير رسايل النت

وبعدين مين قاللك ان اهلى مش هيرضو اني اعمل احتجاج او اضراب
لو الموضوع متنظم عادي مفيهاش اي مشكلة لانه هيكون سلوك حضاري جدا
انما لو مظاهرة تدميرية والهجص دة فعلى راي ارق ملاك دي بلدنا برضه مش هنقعد نبوظها ، ده احنا عايزين نصلحها

شكرا لمرورك :)

يا مساء الاحباط
بس كويس اوي ان كلمة الحق طلعت
البلد مش حطانا ف دماغها ليه
عشان احنا ساكتين للي بتعمله فينا
ماشية بمثل اللي يلاقي دلع وميتدلعش هيحصله حاجة
بالنسبة للفيزيا بقى متفكرنيش
ربنا ينتعنا منها بالسلامة هي واختها (الاحياء)
قبل الشعرة اللي فاضلة ماتضرب

حاجة يااااااه ربنا ينعم بيها عليا
بس معنى دة ان لما الاسعار كانت رخيصة (ايام زمان)
كانت الناس كلها ملايكة
مش بترتكب ذنوب
دة بالعكس يمكن ربنا مصبرنا لحد دلوقتي عشان بيحبنا
كان زمان المواطن المصري انقرض من زمان
شكرا لمرورك

ماشي اتريق اتريق
ماشي ليه
انت مشربتش من نيلها
والاحياء كويسة وبتسلم عليك كمان

لا مش قصدي حاجة والله على فلسطين
انا قصدي انه منطقي مش هاقدر اغير ولا اصلح حاجة ف اي حتة
غير لما حالنا يتصلح الاول
يعني مثلا مش هطالب الحكومة ولا الرئيس بتوحيد صفوف العرب لنصرة فلسطين وباقي الدول المحتلة
وهما حتى مش قادرين يوفرولي اللقمة اللي باكلها
او بمعنى ادق (يحموهالي من السرقة لحد ما توصلي)

ايه ياست عروبة بالراحة علينا شوية ;)
كفاياكو احباط بقى
وكمان عايزين تلبسوني تهمة بالعافية
مقلناش مظاهرة ، فقط اضرررررررراب او احتجاج
تفرق

مش الاخت برضه ف ثانوية عامة
عاتي يعنى كلنا ف الهوا سوا :D
ربنا مايجيب عياط ان شاء الله تفاءلي خير

لا عادي يابنتي التعبان بيرزق في الشجره:D

بجد والله كان فيه اضراب
محدش قاللي :d

على فكرة العياط بيبقى فى الكلية بس:d