ممكن تكونى نقلتى الكلام بغرض النصيحة لكن الدين امر بالامر بالمعروف وحطى مية خط تحت كلمة المعروف لان بجد احنا ممكن باسلوبنا نكره الناس فى الدين من غير قصد لاننا لما نتكلم بالطريقة دى هايقولوا اننا بنمنع حريتهم ومش هايقدروا يشوفوا الصح فين لكن لما نتكلم بالحسنى ممكن يسمعوا ممكن فى ناس عملت الغلط وندمت وبتفكر تتوب تشوف الكلام ده تتعب نفسيا وتحس بالياس صدقينى الامر ده كبير جدا فعشان كده لازم نفكر كويس وبعدين انا مش عاجبنى فكرة ان اى حد من الناس اللى بترتكب ذنوب نعتبر الغلط فيه مباح لانهم كلهم بشر وممكن فى اى وقت يعودوا عن ذنوبهم فلايصح اننا نجرح فيهم المفروض ندعيلهم بالهداية

كل انسان لازم يبحث عن عيوبه اولا وبالنسبة للموضوع الرئيسى اللى هو عن الطالب محمد عمرو فانا سمعت عنه من بداية المسابقة بس المصريين كانوا مشغولين جدا وقتها ومافيش حد ادى اهتمام اما حاليا فانا عن نفسى كتبت الخبر وحطيت الفيديو فى اكتر من جروب يوم الجمعة لكن انا رافضة فكرة الغلط فى اى حد كل انسان عنده عيوبه اللى لازم ينشغل بيها عن عيوب الناس

اختى الكريمه
ارررجوووووووك لاتضيقى النظرة او تكبرى الموضوع
حضرتك قلتى الامر بالمعروف وكماااان فى نهى عن المنكر
وانا مخضتش فى عيوب حد واذا كان الكلام دايقك فانا بعتذرلك
بس ده كان مجرد خبر أحزنى ومكنتش متصوراه بيحصل دلوقتى فنقلته كتعلييييق على الموضوع
وانا متفقه تماااما معاكى فى كل كلامك بس حضرتك فهمانى غلط
وعلى العموم حصل خير لو عندك رساله فهى وصلت
وهنفضل اخوة فى الله :friendsxs3:
وياريت نقفل الموضوع ده لاننا غيرنا مسار الموضوع الاصلى