انا لما بحس ان ده صعب بخاف ان ده يكون ياس وبعدين باقول ايه قيمة طموحاتى واعمالى اذا كنت مش هغير حاجة انا حتى شايفة ان كل العلماء والمفكرين ماقدروش يوصلوا لانهم يغيروا حاجة هم فعلا عملوا مخترعات كتير لكن للاسف المخترعات دى كانت نقمة لان كل حاجة فضلت زى ماهى وعلى العموم انا فهمت ان كل اللى عليا انى افضل تقليدية اعبد ربنا عشان يرضى عليا واذاكر عشان ارضى ربنا وكمان افرح بابا وماما وكمان ادخل الكلية بس يارب احقق ده وان شاء الله لما خلص بفكر اخد كلية تانية بس دى مش متاكدة منها بصراحة لكن الحاجات الكبيرة اللى كنت بفكر فيها دى طلعت مستحيل يبقى ليه دايما بنقول مافيش مستحيل؟

انا سمعت كلام النهاردة اعتقد ان الناس اللى بتدرس فلسفة فاهمينه كويس والكلام ده كان بيتكلم عن دراسة الانسان وان العصور اللى بيطغى فيها العلم على دراسة الانسان بيعقبها عصور ضعف ايه رايكوا فى الكلام ده؟

وكمان سمعت ان الشعوب العربية ماينفعش تعتبر ان التخلف اللى وصلنا له ده قدر ومش ممكن يتغير لاننا كده بنساهم فى تدهور احوالنا فلازم تكون عندنا رغبة حقيقية فى التغيير