ياجماعة لازم وقفة اللى لم يمتحن الكادر حاياخد اكتر من اللى امتحن ازى داه ايه العبط داه لازم كلنا نعمل شكاوى ووقفة جامدة حانفضل طول عمرنا سلبيين
لازم وقفة ضد الظالم احمد الطيب
حسبى الله ونعم الوكيل

ياريت الناس اللى عندها صيغه للشكوى ينزلها على المنتدى وكل محافظه يجمعوا بعض ويبعتوا شكوى

لا حاجه للشكوى وصل لدينا شيك للصرف من 29-9-2011 وحتى 30-4-2012 50% بدل الاعتماد

ودا من تاريخ التثبيت حضرتك عاوزه من تاريخ الاختبار ودا غير ممكن لان كنا متعاقدين ولم يكن هناك كادر يصرف لمتعاقد وانما من تاريخ التثبيت
ارجوا اغلاق الموضوع لان دا الكلام النهائى

يعنى لما امتحنا كانوا مش عارفين ان احنا متعاقدين حضرتك ولا ايه وبعدين اغلاق الموضوع ليه حضرتك كل واحد له راى

حد من المنيا يعرف حاجة جديده عن الموضوع دا؟

يا جماعة
احنا في منطقة الشرقية
لسه نايمين
لغاية دلوقتي في ناس مش خدت جوابات التثبيت
فحكاية بدل الاعتماد دي مش يعرفوا عنها حاجة لسه
على العموم
ممكن نعمل شكوى
على موقع الجهاز المركزي للتنظيم والإدارة
وهما اللي هيجبروا الازهر انه يرجع حقوقنا

اللى لاحظته ان التنظيم والادارة بيتجاهلونا احنا مدرسين الازهر تماماااااا
جربى تروحى كده القاهرة واتعاملى معاهم حتحسى انك معلمة درجة تانية

يا اخ احمد احنا صرفنا فلوس الكادر الاسبوع دا وكانوا 50% ل 7 شهور من 29-9-2011 الى 30-4-2012 وشهر 5 و6 بيتعمل الان فى استماره منفرده

القانون بيقول ان الكادر بيصرف لمن على درجه ماليه القانون بيقول كده حكمه ربنا كده ان المتعاقد مش كان له كادر والتربيه والتعليم الى امتحنوا معانا فى نفس اليوم لم يصرفوا لا بعد تثبيتهم وربنا شاء ان يتثبتوا فى شهر 3 2011 قبلنا وصرفوا من تاريخ تثبيتهم طيب امتحنا ليه امتحنا على اساس ان كنا هنتثبت فورا لكن نصيبنا مش اتثبتنا فا مش هيدونا وسالنا ميت مره قالوا كده يبقى بلاش نتكلم فى حاجه مش مفيده
انا بقول اغلاق الموضوع ليه؟ لان الموضوع مفيش فيه وجهات نظر هو قانون ودا الى تم فيه واحنا خلاص اخدنا حقنا وصرفنا من تاريخ تثبيتنا والى مش صرف هيصرف

الاولى ان نشوف موضوع ال 80 جنيه الى بيتخصموا شهريا لحساب العلاوت الخاصه على الاساسى المجرد 48 بدلا من الاساسى الفعلى 219 وذلك لان الازهر يعتبرنا معينين على الدرجه الثالثه من اول وجديد