السلام عليكم و رحمة الله و بركاته
***
ازييييكم يا طلاااب عاملين اييييه ف الصيام ؟؟؟؟
بصوا انا جاتلى فكرة كدا كانت متاخدة من موضوعى القديم " هتتتحل المشكلة ع الهوا "
لكن موضوعى دا عبارة عن ان احنا هاختار عضو/ة متفوقة و ممتازة و ما شاء الله مجتهدة و هانسالها كدا شوية اسئلة و هانشوف هاتجاوب عليهم ازاااى و يمكن نستفيد منها.. و ياريت كل عضو يدخل و يقول رقم جلوسه ( طبقا لطلبات الاعضاء :d)
و الاسئلة ..
أولا ... ولو إنى مش بحب أدى رقم جلوسى لحد بس يللا نور أمرت و أنا ما عليا غير إنى أنفذ
رقم جلوسى 1514137
ايه اكتر مادة بتحبيها و ليه ؟
الانجلش ... عادى الحب مش يتقال له ليه ههههههههه
انا بحب الانجليزى من الطفوله وطبعا مكانش بيتذاكر غير يوم الامتحان الا اما طلعت ثانوى وخاصه فى تانيه ثانوى بقيت بذاكره كتير لأنى مكنتش بذاااكره خالص قبل كده وكنت بعوض اهمال السنين
ايه اكتر مادة بتكرهيها و ليه ؟
الفرنساوى ... ماده كانت غلسه بجد ... كلماتها كتير وبتتنسى بسرعه جدا جدا جدا ... اخطائها كتير برده ... وطبعا كانت الخطوط بتدخل ف بعضها الانجليزى مع الفرنساوى وكان الموضوع ده بيضايقنى جدا
نفسك تطلعى ايه و ليه ؟
نفسى اطلع دكتوره وده لأسباب كتيره اللى ممكن اقوله منها انى نفسى اهلى يفرحو بيا وعيلتى يكون فيها اول دكتوره بشريه
بتأيدى موضوع السهر ؟
لالالالالالالالالالا ... سهر ايه اللى انت جاى تتكلم عليه ... اقولك بنام الساعه 9 ... تقوليلى سهر ........ بس بصراحه ومن غير لؤم اما الواحد كان ربنا بيهديه ويسهر ( وهو صاحى ومركز ) كنت بذاكر افضل من مذاكرة الصبح بدرى واللى برده كان بالنسبالى صعب انى اذاكر الصبح
بتذاكرى على حوالى كام ساعة " ماتخافيش احنا هنا اخواتكمش هانحسدك " ؟
والله بجد بجد انا مكنتش بحسب انا بذاكر كام ساعه ... اهم حاجه التحصيل ... انا بزهق بسرعه من المذاكره ... بس التركيز كان بيساعدنى انى احصل ف وقت قليل ( ف اغلب الاوقات يعنى مش كلها برده كانت دماغى بتبقى قافله خالص ساعات )
ايه اكتر وقت بتحبى تذاكرى فيه ؟
هو انا معنديش وقت محدد بحبه بس الوقت اللى كنت بذاكر فيه والنوم ( شبح المذاكرة ) بعيد عنى وبركز فيه من الساعه 8 الصبح لغاية الضهر ومن العصر للعشا ... طبعا ف الايام اللى مش بيكون فيها دروس ف الوقت ده
ايه اكتر مشكلة بتواجهك اثناء المذاكرة ؟
النوووووووووووووووم
مكان الامذاكرة عندك مناسب ؟
مناسب الحمد لله ... بسيب المكتب واذاكر ع السرير ههههههههههههههههه ( هتقولى عليا بكدب انا عارفه بس والله دا اللى كان بيحصل ههههههههههه) بس اما اكون عايزة اركز طبعا المكتب ... اوعى حد يعمل زيى ....... انا قلت خلاص ان شاء الله وداعا للسرير ( خليه للشتا بس هههههههههههههه )
ايه اخبار اصحابك بيشجعوكى و لا ايه ؟
لالالالالالالالالالا ...... بصراحه نادرا وقلما حد من اصحابى بيشجعونى ... احنا ساعات بنتكلم مثلا على ميعاد النوم وكدا وكانو بيحبطونى ف بعض الحاجات والله
ارتاحى شوية كدا و خدى دوول :d
ربنا يخليكى يارب .... وميحرمناش من عطف وكرم سيادتك على عامة الشعب اللى زينا
* ايه هى هواياتكـ ؟
الكمبيوتر بحب كل حاجه تخصه على الرغم انى مش مبرمجه مثلا او كدا
بحب السفر والرحلات
بحب اتفرج على برامج مفيده
* ايه طموحكـ ؟ و ايه هوا حلمكـ ؟
انى ابقى دكتوره ناجحه ونافعه للمجتمع ان شاء الله ( هو الطموح هو نفسه الحلم انتى هتحيرينى ليه يا نور )
*ايه اقتراحاتكـ عشان التعليمـ ف مصر يتغير ؟
الله يسترهم ياريت يغيرو التعليم من ( ساسه لراسه ) كل حاجه ف التعليم مش عاجبانى
اقتراحاتى مثلا للدروس الخصوصيه
احنا عندنا الاطفال من kg بياخدو دروس ( ألضم يامه ) مش لازم علشان نقضى ع الدروس نعمل فالحين ونبدأ بالثانوى لأ المفروض نعمل خطه تقضى ع الدروس على المدى البعيد نبدأ بالحضانه وبعدين اولى ابتدائى وتانيه وهكذا ... لغايه ما نوصل لجيل يرفض بنفسه الدروس اللى بقت عامله زى المخدرات اللى الواحد مش عارفه يستغنى عنها
والله عندى اقتراحات ف حاجات تانيه بس هو اساسا عندنا مؤسسة التعليم عايزة مؤسسه من اول وجديد
*ايه اللى نفسكـ يتغير ف مصر ؟
نفسى مصر تبقى فوووووووووق تبقى اقوى من امريكا ... يهتم فيها الراعى بالرعيه ... يهتم بالفقير .... التعليم اول حاجه لازم نغيرها علشان نفوق من الغفله والجهل اللى احنا فيه
ثم اختارى العضو/ة اللى بعدك ..
اختارك انتى يا نور ( كما تدين تدان )
.
