حد يفهمنا يا جماعه هل انا غلطان ياريت النس تعمل خييييير :( وتساعد بالمعرفة والفهم لأخوتنا

انا بس عايزة افهم
تقسم على اتنين ليييييية دة بتاع ايييييييييية
يعنى اية 205 على اتنين يدينى 102.5
يعنى اللى يجيب الدرجة النهائية يبقى جايب 102.5 دة اية دة بقى ان شاء اللة ؟؟؟؟؟؟؟؟؟؟
كلامك اول مرة اسمعة ومش منطقى
وانا عايزة اسال انت فى ثانوية عامة اصلا ولا بتتكلم على اى اساس

والله انا عمالة اقول اللهم لك الحمد والشكر بص مصدومة
ازاى مجموعى دة ميدخلنيش حتى طب اسنان؟؟؟؟؟؟؟؟؟؟!!!!!!!!!!!!

انتى عملتى اية
دخلتى طب ولا اية
ربنا يوفقنا كلنا ان شاء الله

انا عارف من زمان كده المجموع بيتقسم علي اتنين مش بيتقسم ع الاساسي ويتضرب في 100 طيب ودرجتك دي بالمستوي الرفيع ولا من غير المستوي؟

انتو فعلا مجاميعكم عاليه جدا و دى عمليه نسبه و تناسب
انا اعرف واحد جايب 97.5 و جاله بيطرى فاحمدى ربنا و عسى
ان تكرهو شيئا و هو خير لكم :friendsxs3:

هوضحلك ابسط أهو مش احنا في الثانوية الدرجتين بتاعتنا من المجموع الكلي بدرجه واحده في المية يبقي ازاي 50 كيمياء و 50 رياضه و50 فرنش او لغة ثانية و 30 عربي و 20 انجلش يبقي 50+50+50+25+30=205
اذن هنقسم المجموع كله علي اتنين علشان يدينا مجموع الاساسي مش الكلي اذن درجتين المجموع الكلي بدرجه من الاساسي صح ولا غلط بجد راجعي نفسك تاني علشان مش تدخلي اي كليه وخلاص

هههههههههههههههههه انت بتقول اييييييييييييييييييييييييييييييييييييييييييييييييي ييه؟
ياعم بص الموضوع كله انك مثلا جيبت ف امتحان شهر مثلا 9 من 10
عشان تعرف نسبتك المئوية تروح تقسم الدرجه ال جيبتها على الدرجه العظمى ال هي 10
هتديك 9 من عشره وتروح تضربها ف ميه تديك 90% وهي دي النسبة المئوية
فانت مثلا مجموعك من 205 انت جيبت مثلا 200 من 205
عاوز تعرف نسبتك كام تروح تقسم ال 200 على 205
هتديك 9756. وتروح تضربها ف ميه
تبقى 97.56% وهي دي النسبه المئوية

ياعم الواحد ف الميه مش بدرجتين
الواحد ف الميه ب 2.05 درجه يعني درجتين وخمسه من ميه
بس عشان الخمسه من ميه دي صغيره اوي فاحن بنهملها بس دا ف حالة فقط
لما تكون مثلا انت جايب 201 من 205 يعني ناقص 4 درجات فبنحسب ال 4 درجات دول باتنين ف الميه فيبقى المجموع تقريبا 98%
انما مينفعش احسب ال 201 لأنّها كبيره فهتأثر فيها ال خمسه من ميه
ولو حسبتها على حسابك هتلاقيها بقت بدل 98% بقت 100.5% ودا غلط جدا ومستحيل جدا
لأن معروف اصلا الدرجه العظمى هي 100% مفيش اعلى منها

يالهووووووووووي انا دماغي اتلحست بجد انا مكسوف من نفسي اوي ازاي انا معرفش النسبة المؤية انا اسف والله يا جماعه كان نفسي اساعد وشكرا لكم جميعا واسف مره تاني :)

بصي يا دكتوره
قدر الله وما شاء فعل
المجاميع بجد كانت عاليه
يعني هم مش بيعلوا التنسيق وخلاص
بس الامتحانات جتلكم سهله فكان لازم التنسيق يرفع
واحمدي ربنا اوي الحمد لله إنّك لبستي ف لقب دكتوره :d
غيرك طار منه اللقب دا خالص وملحقش حتى بيطري وبيتمنى يكون ف المكان ال انتي فيه
وكل ال فات انتهى خلااااص وركزي بقى ف بكرا وفي كليتك ربنا يوفقك فيها يارب
واناا عن نفسي مش شايف اي حاجه تزعلك خصوصا إنّي طول حياتي بحب صيدلة عن طب وطب اسنان بشوفها كليه راااائعه وقيمه وراقيه جدا ربنا يوفقك فيها يااااارب يابختك :)