بوابة الثانوية العامة المصرية - بالنسبة لطب المنصورة

بوابة الثانوية العامة المصرية (https://www.thanwya.com/vb/index.php)

- كليات المجموعة العلمية (https://www.thanwya.com/vb/forumdisplay.php?f=159)

- - بالنسبة لطب المنصورة (https://www.thanwya.com/vb/showthread.php?t=448122)

اقتباس:

المشاركة الأصلية كتبت بواسطة المؤمن الصغير (المشاركة 4699365)

وعليكم السلام ورحمة الله وبركاته

أولا: شكراً على الدقة في مراعاة اللقب، بس ده معناه إن حضرتك مش هتقوليلنا يا دكاترة إلا بعد حوالي 20 سنة، بس ماشي.
ثانياً: ألف مبروك لأخو حضرتك، أنا ليسا مخلص أولى طب المنصورة، ومعتقدش إن الكلام اللي مكتوب صح خالص، الامتياز للطالب المتفوق المكافح اللي بيتعب بجد وعمره ما كان حصري لأولاد الدكاترة، طب المنصورة معروفة محليا وعالمياً، وبسؤال دكتور عندنا في قسم الأناتومي عن عين شمس قال إنها زيها زي المنصورة لأنه خد هناك أولى وتانية.
ثالثاً: بالنسبة للتحويل بما إنه مش لتقليل الاغتراب يبقى لازم وصل النور والعقد والحاجات اللي بيقولوا عليها دي.

انت سألت دوك ممدوح بشير ولا ايه؟؟؟
انا سألأته بردو علشان عاوزة احول المنصورة ان شاء الله وقالى نفس الكلام
بس سؤال صغنن برا الموضوع
انا لو حولت ف تانية هاخد ابدومن تااااااااانى هو سهل يعنى ممكن اذاكره مع المنهج ولا هيتعبنى ؟؟؟؟

ونصيحة لصاحبة الموضوع اخوكى يددخل الاقرب ليييييييه
الغربة بهدلة واسأل مجرب

اقتباس:

المشاركة الأصلية كتبت بواسطة Free angel (المشاركة 4699976)

أيوة طبعاً هو الدكتور ممدوح بشير لأنه قضى أول سنتين هناك.
هو إحنا خدنا الabdomen خلاص فعلاً في أولى، فمعتقدش إن حضرتك هتخديه في تانية لكن لو مكنتيش هتخديه في أولى هناك يبقى فيه كلام تاني، لو حضرتك رحتي هناك يبقى أعتقد التحويل يبقى بعد تانية وبعدين حضرتك هتحولي خلاص وتوكلي على الله.

اقتباس:

المشاركة الأصلية كتبت بواسطة المؤمن الصغير (المشاركة 4700978)

انا اخدت ف اولى لور وانتوا اخدت ابدومن فلو حولت هاخد ابدومن تانى ان شاء الله ف تانية بالاضافة لمنهجككم
بس المشكلة بقى الابدومن صعب ولا سهل ؟؟؟؟

اقتباس:

المشاركة الأصلية كتبت بواسطة Free angel (المشاركة 4701619)

أنا كنت فاهم إن حضرتك ليسا هتخشي أولى، لكن الأبدومن كويس مش صعب خالص إن شاء الله وكله قائم على الrelations . وكمان حضرتك هتكوني واخدة L.L فده هيسهل على حضرتك.

اقتباس:

المشاركة الأصلية كتبت بواسطة المؤمن الصغير (المشاركة 4701754)

أنا كنت فاهم إن حضرتك ليسا هتخشي أولى، لكن الأبدومن كويس مش صعب خالص إن شاء الله وكله قائم على الrelations . وكمان حضرتك هتكوني واخدة l.l فده هيسهل على حضرتك.

اصل د/ ممدوح قالى الابدومن سهل جداا ويتذاكر ف اسبوع بس طبعا نظرة المعيدين للمنهج بتكون غيرنا خااااالص
لغاية دلوقتى هحول ان شاء الله ربنا يعمل اللى فيه الخير
جزاك الله خير

اقتباس:

المشاركة الأصلية كتبت بواسطة dr/sherief (المشاركة 4686627)

وعليكم السلام ورحمة الله و بركاته

اهلا بحضرتك وكل سنة وانتي طيبة
رمضان كريم ان شاء الله

والله بصي انا في طب المنصورة اهو

بس عشان احدد مين اصعب ومين الاحسن لازم اكون درست ف كل من القصر العيني والمنصصورة

بس عامة اسمه طب يعني بيدرس طب حتي لو طب طلخا :)

وعمرك ما تسمعي كلام حد يقولك ده الطب ده اصعب من ده
انسي كل ده

بس انا من خلال خبرتي في المنصورة
المشكلة في المناهج شوية فيها حشو كتير والدكاترة صعبين

و اي طريق لازم تلاقي فيه صعوبات شوية
بس توكلي علي الله وادخلي اي طب قريب ليكي

و شدي حيلك و زاكري كويس من اول السنة ده اهم حاجة

و ربنا يكرمك يامتياز باذن الله

ملحوظة بجد...ياريت متقلليش من اي طب في حياتك او من اي كلية تانية بغض النظر عن المكان لان العلم واحد والخبرة محدودة

ولو احتجتي اي استفسارات انا موجود باذن الله
بالتوفيق

ربنا يوفقك يا دكتور واكيد هنحتاج مساعدتك خصوصا اني باذن الله اذا كان لي نصيب في طب بشري باذن الله هيكون طب المنصورة

والاستفسارات جاية جاية وباذن الله من حضرتك هنستفيد

السلام عليكم
شباب أنا سمعت عن دسكان ( GALAXY MEdicine ) للفرقه الأولي في طب المنصوره هل يستطيع أحد أن يرفعها علي رابط لكي أقوم بتحميلها ........ وشكراا