![]() |
اقتباس:
الأكواد والرموز هتفهمها مع الاستخدام وبعدين مش مطلوب منك تحفظ الحاجة أمال هما عملوا ال reference ليه ؟ وبعدين يا سيدي لما تحتاج حاجة اسأل :) والناس كلهم في الكلية بيرحبوا بأي سؤال وأي حد بيسأل على حاجة بيلاقي الإجابة يعني :) أنا في خلصت أولى ورايح تانية أنا ممكن أكون مثلا داخل الكلية دي عشان أنا بحبها بس صدقني في ناس كتير دخلوا الكلية دي وكانوا نفسهم في هندسة و لما عرفوا الكلية حبوها هو أنا معرفش والله التقديم امتى بس هو غالبا مش دلوقتي لأني مشوفتش ورقة الطلبات متعلقة لسه وبعدين التقديم بيفضل مفتوح لغاية أول يوم في الدراسة حتة اللاب توب دي مش مهمة أوي لأن مثلا الكلية فيها أجهزة عشان تشتغل عليها في السكاشن وكده و أنت أكيد عندك جهاز في البيت عشان تذاكر عليه فاللاب توب مش هتحتاجه أوي في أول سنتين مثلا طبعا ممكن يكون اللاب توب مفيد في حتة المشاريع بتاعت كل ترم عشان تقعد مع الفريق بتاعك يعني في الكلية وتشتغلوا مع بعض بس هو عموما اللاب توب مش هيفرق جامد وبعدين أنا مش عايزك تنكد على نفسك كده حاسبات كلية كويسة وهتعرف الكلام ده كويس لما تدخل الكلية أنا لما كنت قدمت التنسيق وجاتلي حاسبات كان لما حد يسألني ويقولي جتلك كلية ايه وأقوله حاسبات عين شمس يقولي هي دي معهد ساعتها كنت بزعل بس دلوقتي بفتكر الكلام ده وأضحك عليه :) وشد حيلك بقى عشان عايز أشوفك إن شاء الله من الناس الكويسة في دفعتك ولو عايز أي حاجة تقرأها في البرمجة والمجال عموما اطلب مني :) وآسف إني طولت عليك في الكلام :) |
جميع الأوقات بتوقيت GMT +2. الساعة الآن 11:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.