|
يلا فين الشباب ؟ مقالوش و لا قصة لحد دلوقتي
|
ده موقف حصل معايا وانا ف اولى اعدادي :
مرة كنت ف بلد بابا عند جدو و كده يعني فبيت جدو كان بينه وبين بيت عمو طريق بسيط يعني فأنا كنت ف بيت جدو وكنت عايزة اروح بيت عمو فبخاف امشي لوحدي ف الطريق عشان الكلاب فإيه قلت هتشجع وهمشي الطريق بأى فأنا وبمشي فيه كلب جمب بيت عمو فقعد يهوهو عليا انا اتفزعت وايه بقى قلت : اجري يا مجدي ههههه خدتها جري والله نزلت عليا سرعة غريبة كئني سونيـــك وجريت وانا شغالة اعيط و بالصوت العالي لغاية ما فيه شوية عيال طلعو ف بلكونة من صوت الزعيق بتاعي جه عيل أد ركبتي شال مني الكلب وشبشبي كان اتقلع جابهولي ووصلني بيت جدو فإيه بعدين بتصل ببيت جدو أبو ماما فبقولهم اللي حصل معايا اكتشفت ان كلب جيرانهم بردو جري ورا ابن خالي الصغير :) |
اقتباس:
معلش أزمة و عدت يلا بانتظار المزيد من حكايتكم الجميلة :) |
أنا عايزة احكي موقف حصل معايا النهاردة ف الملاهي :( :
انا كنت واقفة مستنية اركب الساقية فإيه الستات فوق بعض والله ففيه وحدة منتقبة معاها بنتها الصغيرة الست دي قعدت تزق ف الستات لغاية ما طلعت ووقفت ف اول الطابور ونسيت بنتها انا فجأة ببص جمبي ملقتش البنت والله دورت عليها وسط الستات وانا معرفهاش البنت دي لغاية ملقتها وقعة ومش باينة وكانت هتموت والله من كتر الخنقة والزحمة فشديت البنت وشلتها رغم انها تقيلة وانا بدوخ لما بشيل اي حاجة تقيلة شلتها والله كئني سوبر مان عشان مامتها تتشوفها اصلها كانت بتدور عليها فجأة امها تلاقي البنت طلعت من غير الشبشب فقعدت تزعق وتوجه كلامها وزعيقها ليا كئني ضيعتهولها ونسيت خالص ان بنتها كانت هتموت والله فأنا لقيت فردة شبشب وطيت وجبتهالها رغم ان كان ممكن يدوسوني الستات دول والله واديت الفردة لمامتها راحت قلتلي فين الفردة التانية بزعيق قلتلها وانا مالي دي بنتك انتي و انتي سيبتيها ده كفاية ان انا طلعتهالك راحت اشتغلت تزعق يعني هتروح بفردة وحدة لو سمحتي شوفيهالها قلتلها لأ مش هوطي واموت عشان خاطر شبشب حضرتك وبعدين اشتغلت تزق فينا و ف الستات وتوسع بقوة وتقول حاسبو الشبشب ايه مفيش ف قلوبكو رحمة !!!!!!!!!!!!!!!!!!!! ما انتي اللي سيبتي بنتك ؟؟!!!!!! اللي غاظني انها منتقبة؟؟!!!!! انا مكنتش مستنية منها كلمة شكر بس على الأقل مكنتش مستنية كلمة بجاحة :( :( |
مستنيين صاحب التوبيك يحكي ؟!!!!!!!!!!
|
اقتباس:
|
اقتباس:
|
| جميع الأوقات بتوقيت GMT +2. الساعة الآن 08:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.