بوابة الثانوية العامة المصرية - مرتب المدرس المتعاقد في سلطنة عمان ومميراتها وعيوبها

بوابة الثانوية العامة المصرية (https://www.thanwya.com/vb/index.php)

- منتدى معلمي الأزهر الشريف (https://www.thanwya.com/vb/forumdisplay.php?f=306)

اقتباس:

المشاركة الأصلية كتبت بواسطة khaledelsaed (المشاركة 4757988)

[color="teal"]السلام عليكم ورحمة الله
اولا الف مبروك للاخوة اللي ربنا وفقهم ونجحوا في مقابله سلطنه عمان
ثانيا :
ياريت يكون موضوعنا هنا بيتكلم عن راتب الدرسين المتعاقدين في سلطنه عمان
وهل هو كافي لحياه كريمه فعلا ؟؟؟
وخصوصا لو فيه اسره
لاني قرات كثيرا على النت عن ارتفاع مستوى المعيشه بشكل كبير جدا هناك
لدرجه واحد كان جايله وظيفه ب 500 ريال عماني . لكن الاخوة قالوله ده قلييل جدا ومش مناسب مع ارتفاع مستوى المصاريف والمعيشه عموما
كان احد الاخوة هنا وضع معلومات عن المرتبات هناك
استسمحه اني هنقلها هنا عشان تكون المعلومات كامله امام الجميع
ونفكر كلنا سوا مع بعض
لسلام عليكم اخوانى الكرام
كل عام وانتم بخير
طبعا الاعلان فيه اخوان نزلوه مشكورين من امس وانا حبيت انزل صوره اعلان الجريده مع توضيح بعض النقاط لعل وعسى تكون فيها اجابه لبعض الناس وهي
1- راتب المعلم هناك ينقسم حسب الدرجه التى سيعين عليها وان كان معظم المسافرين بنسبة 90% يتم تعينهم على الدرجه السادسة
- راتب الدرجة السادسة 345 اساسي + 60 بدل غلاء معيشه + 20 بدل مياة وكهرباء = 425 ريال
- راتب الدرجة السابعة 305 اساسي + 60 بدل غلاء معيشه + 20 بدل مياة وكهرباء = 385 ريال
- طبعا ممكن المشرفين ومديره المدارس تكون درجتهم الدرجة الخامسة بس صراحه ما متأكد من راتبهم
2- تقوم الوزارة بتوفير تذاكر طيران ذهاب وعوده للمدرسين او اعطائم بدل بنسبة 75 % ولك حرية الاختيار بين البدل او التذكره
3- تقوم الوزاره بتوفير سكن اعزب مؤثث وغالبا ما يكون السكن غير لائق ولكن مع اعتراضك وتمسكك بحقك يتم توفير السكن اللائق بك ولا توفر سكن للعائله وانما بعد مرور غالبا اكثر من عامين من الممكن ان يوافقوا لك على استقدام العائله على حساب الوزاره وفى هذه الحاله يتم اعطائك بدل سكن حسب المنطقه ويتراوح بين 50 : 100 ريال مع توفير تذاكر طيران للزوجة و3 من الاولاد وصرف بدل تأثيث يقدر ب 750 ريال وفى حاله استقدامك للعائله دون الموافقه لك يتم استقدامهم على حسابك الخاص الى ان يأتى دورك وتصرف ما سبق ذكره
4- بعض الاماكن التى يتم التوزيع عليها تكون قاسيه ولا تناسب الكثير من الناس فمن الناس من يتحمل المعيشه ومنهم من يضجر وسريعا ما يقدم استقالته وده حصل العام الماضى بكثره
5- مسأله الدروس دى نصيب ورزق وعلى حسب المكان بس متحطش امل فيها كبير الا اذا كنت فى مناطق حيويه مثل مسقط - بعض مناطق الباطنة - صلاله وفيه معلمين من اول سنه بيشتغلوا دروس كويس وفيه غيرهم بيغيبوا سنين ولا بيحصلوا 5 ريال من الدروس
6- اهل عمان وطلابها من اكثر الشعوب العربيه احتراما وطيبه وتقديرا للضيوف وبالهم طويل اوى بس ده ميمنعشى ان المعلم يفرض شخصيته على الطلاب والا ممكن القله من الطلاب يسيئوا الى هيبته اذا كان ضعيف الشخصيه
7- متوسط معيشه الفرد الاعزب اكله وشربه واتصالاته فى الشهر ممكن لا تتعدى 60 او 70 ريال ده لو الاخ من المسرفين وومكن لو وسطى فى حدود 40 وطبعا ده لو بياكل لوحده لكن لو مشترك مع بعض الزملاء وهذا ما لا انصح به طبعا التكلفه بتقل
8- متوسط معيشه الاسره طبعا بتعتمد على عدد افراد الاسره بس ممكن متقلش عن 110 ريال
9- الايجارات لمن سيستقدم اسرته على حسابه من اول عام فيه اماكن ب 60 او 70 و 80 وفيه اماكن نائيه ب 40 و 45 وفيه فى مسقط توصل 250[/color]

يا اخى ارى فى كلام حضرتك تنافض فانت فى البداية ذكرت ان الراتب قليل وبعد ذلك بعد حساب المصاريف يعنى ممكن الواحد يحوش مبلغ مش وحش
ارجوا توضيح رايك اكثر بارك الله فيك

تحديث لبعض البيانات الموجودة مني و انا موجود الان بالسبطنة (30/5/2014 )
1- انا من دفعة 2011 و حتي الان لم يتم الموافقة علي الاستقدام الرسمي لاسرتي .
2- الحياة الشخص لوحده (كأعزب ) تكلف من 65 الي 80 ريال شهري .
3 - الحياة للاسرة تكلف 120 : 150 ريال كمعيشة فقط
4 - الايجارات ارتفعت جدا و تبدأ ب 120 ريال و حتي 200 انا استقدمت الاسرة علي حسابي هذا العام و حصلت شقة متوسطة لعائلة زوجين وطفلين ب 130 ريال
5- الشعب طيب جدا هنا لكن لا تعتمد علي اي حد منهم للحصول علي وظيفة خارجية ( نادر ان حد يساعد)
6 - الدروس هنا قليلة جدا لعدم الاهتمام الا بالنجاح و هو تقريبا تحصيل حاصل فمش بيفكرو في دروس
7 - بالنسبة للاستقدام الرسمي اصبح بيتاخر جدا السنة الثالثة انتهت و لم يوافقوا لاي احد من دفعتي كامل و في نهاية السنة الرابعة يبتوا في امر الطلبات الجديدة ممكن و ممكن لا
8 - الحياة العائلية بمرتب 450 ريال بدون استقدام رسمي ممكن توفر 50 الي 100 ريال شهريا مع الاقتصاد حيث هناك مصاريف اصلاحات في المنزل و السيارة بكل دوري تضاف الي مصاريف المعيشة بحيث لا يتوفر من المرتب الا كما قلت و احيانا مفيش
9 - الاستقدام الرسمي يوفر بدل سكن 50 ريال في كل السلطنة للدرجة السادسة ماعدا في 4 محافظات منهم مسقط يصرف لهم 100 ريال و في الحالتين بتضيف مبلغ اكثر من الضعف للسكن . (في اشاعات عن رفع بدل السكن للوافدين)
10 - افضل ما يوفره الاستقدام الرسمي بدل التذاكر لزوجة و 3 ابناء .( احتمال متقدرش توفر ثمن التذاكر في اول سنة ل 4 افراد)

في النهاية اللي بيسافر لغرض التوفير يسافر لوحدة سنتين او 3 و يرجع ( لو يقدر يعيش بدون الاهل الفترة دي) لانه مع الاهل مش حيوفر كما يعتقد.

مصاريف المعيشة هي اكل و شرب 120 ريال
مصاريف اضافية للسيارة متوسط 50 ريال شهري بنزين و اعطال بسيطة ( للسيارات القديمة ممكن توصل الي 100 اواكثر شهريا )
مصاريف للملابس و التنقل ممكن 30 الي 50 شهري ( في شهر فيه و شهرا لا بس اما بتشتري بتجيب بمبلغ كبير -فكده تقسيمته علي الشهور وانت و شطارتك)
مصاريف البيت من اعطال او تصليحات من 20 الي 30 ريال شهري

شوف حسبتك تاني

جززززززززززززززززززززززززززززاكم الله خيرا على هذه المعلوماااااااااااااات

جزاكم الله خيرا علي الملعلومات دي لكن انا عاوز اقدم يا جماعة وامامي مكتب بياخد 20 الف جنيه يا تري اقدم ولا لأ بس قالولي انت هتروح مدرسة حكومي لكن لسه معرفش كل التفاصيل افيدوني جزاكم الله خيرا

وفق الله الجميع و هدانا لما فية الخير وصلاح امورنا يا رب العالمين

اقتباس:

المشاركة الأصلية كتبت بواسطة مستر أيمن كركيت (المشاركة 5876429)

بسم الله
اولا العقد الحكومي ممتاز بس بيتأخر الاستقدام للاسرة شويتين لحد دورك ما يجي هما تقريبا مخلصين دفعة 2010 و لسه مبدؤوش في 2011
ثانيا لو حتعيش لوحدك عازب في لك سكن بتوفره الوزارة و كمان بدل نقل 20 / 30 ريال او توفر هي باص ينقلك (تقريبا اتلغي موضوع الباص و حيبقي بدل للكل بدأً من العام القادم)
انت بتقبض فعلا 345 اساسي + 60 غلاء + 20 نقل = 425 ريال
ملحوظة لو الوزارة مستأجرة لكم شقق بتصلاف لكم 20 ريال بدل ماء و كهرباء و لو السكن حكومي مفيش بدل

يبقي المجموع كله 445 ريال بكل بدلاتك
انت حتصرف شهري متوسط 75 ريال يبقي لك 370 ريال
سعر الريال تقريبا 18 جنيه
يبقي حتوفر 370 * 18 = 6660 جنيه

لحد هنا اقدر اساعدك

شوف انت بقي حتدفع كام و حتسدد ازاي و هل يستحق و لا لاء
و تذكر انت لوحدك لان كل ده يبقي بخ لو معاك اسرة علي حسابك الخاص
ربنا يوفقك للصالح و طبعا عليك بصلاة الاستخارة

للرفع ليستفيد منه جميع من يسال عن المعيشة في عمان

في بس تعقيبين صغيرين الاستقدام الحكومي بيكون بعد اربع او خمس سنين مش اقل من كده
ايجار السكن مبيقلش عن 100 ريال واكتر
لو مسافر معاكاسرتك صعب انك توفر بس لو لوحدك هتقدر توفر وكله طبعا ارزاق من الله

اقتباس:

المشاركة الأصلية كتبت بواسطة أ/ سعيد موسى (المشاركة 4758016)

جزاك الله كل الخير على هذه النصائح المفيدة للزملاء الذى وفقهم الله فى السفر
لكن من كلامك هل تنصح بالسفر لمن وفقه الله ؟؟؟؟
وكل عام وانت بخير اخى الفاضل

رد عليا لله يامستر سعيد لله ضرورى