بوابة الثانوية العامة المصرية - اا .. خلاص بترت صُحِبتِك .. اا

اقتباس:

المشاركة الأصلية كتبت بواسطة رحييق (المشاركة 4779741)

........
خلاص بترت صُحِبتِك

********
الزاي تقولي دي حبيبتي
وصحبتي
وجواكي حقد مليكي
من ناحيتي
قلتلك من زمـــــان
وكتير قالولك عني ابعدي
حبايبي صحباتي وأسرتي
فوقي يا بنتي وافهمي
أنا خلاص عرفتك
وبترت صحبتك

إنتي متعرفيش معنى
الصداقــــة
مفهومها عندك
من نوع غريب
عبارة عن مصالح
كل مرة لابسة فستان جديد

مش صاحبتي ولا أعرفك
ما دام سعادتي بتجرحك
وابتسامتي بتوجعك
وفرح قلبي بت***يه
وتظهري إنك بريئه
ووشك الحقد باين عليه
خلاص عرفت شهرتك

كل مرة ترجعي وتقولي سماح
وآسفه على كل اللي راح
ومن النهاردا معدش جراح
لكن للأسف كتير لي بتحلفي
كــذب ،
ما هو صنعتك
وفمواعيدك تخلفي
فالزاي قوليلي أصدقك ؟!!

كتير منك حرصوني
من خباثتك من بجاحتك
من نفاقك نبهوني
ما يهمكيش غير مصلحتك
وعيونك عرفوني
مواقفك برده أثبتوا لي

ليه كل مرة بتكذبي
وبالحجج تهربي
وتتفنني
وبالفتن تصنعي
وتفرحي وتتلذذي
لما بين صحابك توقعي
حرام عليكي ربنا
في يوم هيجيب لنا حقنا
ساعتها هتقولي دا ذنبنا

وقفت جانبك بالنصـــايح
قلت يمكن تاخدي بيها
لقيتك قافلة ودنك
وأي نصيحة بترفضيها
هقولك حاجة أخيرة
واسمعيها
يمكن تقدري تفهميها !
وغيظك تقدري تبلعيه
الحقد اللي عايش جواكي
كاشف حبك اللي بتدعيه
مهما كان غرضك وهواكي
شوفيلك حد تاني
تحقدي عليه

أنا خلاص بترت صُحبِتِك
أنا خلاص بترت صُحبتِك
.........
بقلمي :: رحييق

******

تسلم ايديك

تحياتي