|
اقتباس:
عرفت منين حضرتك ان صيدله هتعلى عن 402 وعرفت منين ان انهم كل سنه بيقللوا الاعداد عن السنه الى قبلها ليه بيقللوا يعنى ؟ممكن تشرحلى حتى اقتنع وتتوقع صيدله تاخد من كام السنه الجايه |
بص نصيحة منى متسمعش كلام الناس اللى تقد تعقد فيك وتقولك رياضة اضمن والكلام الفاضى ده انت شوف مستواك يوصلك لغايه ايه .ولازم تشد حيلك على الاخر يعنى مسألة حياة او موت وانت ادرى بنفسك تقدر تجيب كام فى السنتين. اما الاستاذ اللى بيقولك الصيدلة مش هتبقى 402 وهتعلى مش عارف هو جاب الفتوى دى منين واعتقد ان اللى حصل السنادى كان بسبب ان الوزير شكله كوش شوية من الجامعات الخاصة ملحوظة كمان.الصيدلة هتقل عن السنادى ممكن توصل 401 وده كويس فى صالحك. ثم لازم تحط فى دماغك 10 مستوى مش 9.5 وموضوع ازاى عرفت ان الصيدلة هتبى 401 كلام اكيييد( فى حالة ان الامتحانات كانت زى السنادى) ادخل على موقع الاستاذ 2011 اللى كان جايب 201 كان ترتيبه 20000 2012 اللى جاب 201 ترتيبه 11000 اللى جايب 200.5 ترتيبه 14000 اللى جايب 200 ترتيبه 18000 شايف فيه فرق كبير اوى وده هيفرق درجة على الاقل فى التنسيق باذن الله ملحوظة_ الامتحانات ممكن تتيجى اصعب من السنادى علشان التنسيق يبقى مرة فوق ومرة تحت فدا كويس جداا الخلاصة لو شايف نفسك تقدر تجيب فى السنتين 402 او 401 كمل ثم كمل ثم كمل علمى علوووم |
حسب ميولك
و مجموعك حلو مش وحش خالص بس لو مستواك في الرياضة مش قد كده و بتعتمد عالحفظ اكتر او بتحل المسائل بالشبه ولو جه مسألة فهم في الامتحان متعرفشي تفكر فيها(طلبة كتير كده) يبقى ابعد عن الرياضة خالص لان الامتحان لازم يكون فيه جزئيات و مسائل جديدة و للطالب المتميز و قدامك فرصة في علمي علوم كبيرة و ادبي اكبر و اكبر و القرار في الاخر يرجع لك لانه مستقبلك |
اولا شوف انت حابب ايه وحكاية الكليات دى بأرادة الله وتنسيق السنة دى مش مقياس يعنى
وكل حاجة بمجهودك وتعبك هتلاقى ان شاء الله ومفيش حاجة اسمها مستحيل ثانيا موضوع الستوى الرفيع فى عربى كويس جداا او انجليزى بس العربى افضل بيجيب درجات |
ريااااااااااااااااااااااااااااااااضة من غير تفكير
|
بص انا كنت فى تانية جايبة 92.9
و كملت علوم لنفس السبب بتاعك إنى مبحبش رياضة و الحمد لله شديت و فى تالتة عوضت جدا و دخلت الكلية الطبية اللى أتمنيتها و هى كلية علاج طبيعى فشوف الفرق بقى أنت بسم الله ما شاء الله جايب 95.5 شد حيلك أنت بس انا اه تنسيقى كان معقول (سنة صغيرة بس كان أحسن من بتاع السنة ديه و أه بالمناسبة انا السنة اللى قبل السنة ديه ع طول) لكن برضه تنسيق السنة ديه مش مقياس ابدا ابدا لأن كل الكليات طلعت أوى بسبب حاجات كتير إن شاء الله تتعالج و كمان انت أديك حسبتها إنك ممكن تجيب مجموع صيدلة السنة ديه اللى هو أعلى تنسيق كمان و ع فكرة تقدر تجيب أعلى سنة تالتة بتجيب دررجات لو شديت حيلك عشان بتبقى عرفت نظام ثانوى كله عن تجربة فبتبقى عارف اكتر انت غلطت فى أيه و صح فى أيه فتكتر منه و كدا أما التحويل لرياضه فده حاجة ترجعلك انت...لو شايف إنك ممكن تحب رياضه يبقى فكر فيها و خلى بالك إن حياتك كلها هاتتبنى ع القرار ده و ع فكرة يا حافظ يا رب لو حتى ملحقتش صيدلة فى علوم فيها أقسام نفس تخصص صيدلة و شغلها و أكتر فمتحولش لخوفك من التنسيق لأن كرهك للرياضة ممكن يا حافظ يا رب يقللك مش يزودك و بالتوفيق يا رب و تخش الكلية اللى تكون خير ليك و تحبها |
اقتباس:
اقولك بقى وجهة نظرى ودى وجهة نظرى مش فتوى زى البنى ادم التانى دة ما بيقول حكايه ان الصيدلة ممكن تزيد عن 402 دى توقع لانى بقول انهم هيجيبوا الامتحانات سهلة عشان يخلصوا من كل الطلبة بتوع النظام القديم ويبقى كله نظام الثانوية الجديدة اللى هو السنة الواحدة ودة هيجى على دماغ الطلاب ف التنسيق وهيتظلموا زينا ودة مش هيفرق معاهم زى ما مش هيفرق معاهم السنة دى بردة وموضوع بيقللوا الاعداد دة فدة نظام متبع من 2007 بقرار من مجلس الجامعات ان كليات القطاع الطبى والهندسى تقل كل سنة عن السنة اللى قبلها بنسبة 12.5 % ودة بعد ما نقابات الاطباء والصيادلة واطباء الاسنان والاطباء البيطرين والمهندسين اشتكت من زيادة اعدادهم وممكن تدخل ع النت وتعرف كل دة لكن انا ما اعرفش صيدلة ممكن تاخد من كام الغيب لا يعلمة الا الله والكابتن اللى بيقولك ع التريبات دة مش واخد باله ان الترتيب بيتغير من تانية لتالتة زى الفرق بين السما والارض لانك ما تعرفش مين مجموعة هيزي ومين مجموعة هينقص ومين هيفضل زى ما اهو وهقولك تجربتى انا كنت جايب 96 ف تانيه وترتيبى كان 48 الف وجيت ف سنة تالتة زيدت شويه لحد ما وصل مجموع السنتين 97.5 وترتيبى وصل 21 الف وشوية ومالحقتش الا طب بيطرى بردة واحد صاحبى بقى كان جايب 97.8 ف تانيه وترتيبة كان 21 الف ونقص ف تالتة ومجموع السنتين بقى 95.8 وترتيبة 40 الف ودخل علوم بالقوة كدة انا قلتلك كل دة ليه عشان بس افهمك ان الموازين هتتقلب خالص ف تالتة الله اعلم مين هيزيد ومين هينقص لكن انا بنصحك تخليك ف المضمون ودى نصيحة مش امر يعنى تعمل بيها انت حر ما تعملش بيها انت حر وانا اسف اصلا انى ادخلت ف الحوار ورديت من الاول |
اقتباس:
ربنا يستر علينا بقى:( و بيطري حلوة جدا انا اخويا فيها و داخل تالتة |
توكل على الله وكمل رياضه
هى افضل بكتير على فكره معدش حاجه اسمها بحبها وبكرها التعليم دلوقتى كله تلقين حتى المواد العمليه لما تدخل هندسه ان شاء الله هتقول ازاى مكنتش عاوز ادخل الكليه ى ولو سألت اى صيدلى دلوقتى هيقولك لو الزمن رجع بيا مكنتش دخلتها مش تربط الدرجات بتاعت تانيه بتالته خالث انا مثلا كنت جايبه فى رياضه تانيه 40 مع انى جايبه فى رياضه تالته 50 توكل على الله وكمل رياضه اضمن وافضل بالنسبه للمستوى اضمن حاجه العربى اقل حاجه ضامن درجات النحو والبلاغه وتذاكر كام درس تجيب فى 10 او9 حد ادنى بالتوفيق ان شاء الله .., |
اقتباس:
طيب ربنا يطمنك وتكون حلوة فعلا |
مش معني اننا مش بنحب الصعب يعني اننا مش قادرين عليه لأالصعب عاوز التركيز والهمة والرياضة مادتي المفضلة بس انت حبها وركز فيها وحل اكتر كمان الاستاذ بتاعك مش هيسيبك كده ساعات بيبقي فيه حاجات خارجه عن ارادتنا يعني انا مجموع بنت خالي 401ومش جالها غير بيطري والله مأساة فانت من سكات حول رياضة انا مش بضغط عليك بس انا باقولك الي فيها وكمان التنسيق ذبح الكل يعني اختي وبنت خالي جالهم بيطري
|
انا مش عارف ليه الناس بتخاف من الرياضة2 دا مادة لذيذة والله
|
| جميع الأوقات بتوقيت GMT +2. الساعة الآن 11:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.