ميرسي على ردك ومنور موضوعى
بس عاوزة اقولك رايى فى المثل دة انة غلط مية فى المية ودا من وجهة نظرى
تقبل تعقيبى

الاخت شروق في هذه الايام وفي هذا الزمان لا يوجد حب وان وجد يكون مبنى علي مصلحة

وبلاش بقي نتكلم في كلام لا بيودى ولا بيجيب

طيب هسألك سؤال ؟

لو انتى بتحبي او انا بحب شخص

والشخص دة عارف ومتأكد انك بتحبيه
وبالرغم من ذلك رافض انو يصرحلك عن حبه

او بمعنى اصح مش حاسس بيكي او مش حاسس بيك

ومش حاسس بالعذاب اللي بتتعذبه

هتعملى ايه او هتعمل ايه ؟؟؟؟؟؟؟؟؟

الحب موجود بس قليل فى الزمن ده فيه ناس كتير بتاخد الحب وسيلة او سبيل لحاجات شخصية ومصالح لكن الحب الصادق بقى قليل اوى اوى بس الحب موجود وحيفضل موجود لان الحب غريزة فطرية فى الانسان والحب الاول ممكن لو حب صادق لازم اكيد بيسيب علامة فى القلب وبيبقى له ذكرى معاك لانه اول مرة تعرف الحب وتحس بيه وبعا له طعم ومذاق مختلف عن اى حب بعد كده

الله عليك يا محمد صح كلامك دة

صعب جدااااااااااااااااااااا ننسى اول حب فى حياتنا يعنى اول حاجه حسيت بيه وعشتها مينفعش تمسحها من قاموس حياتك ابدا حتى لو انتهى ومبقاش ليه وجود يعنى بتبقى ذكريات مش معنى ده اننا نفضل عايشين فيها حتى بعد ماتنتهى اكيد لا طبعا ولو قدرنا نحب بعدها ونعيش قصه تانيه مينفعش نفتكر حبنا الاول غير انه مجرد ذكرى مرت علينا يمكن نضحك على نفسنا وقتها كنا عاملين اذاى وممكن نقارن بين حالنا فى اللحظه دى وحالنا دلوقتى بس برده مش بنعرف ننسى والمهم ان كل حاجه فى حياتنا تاخد حقها كويس يعنى مش اكتر من اللى تستحقه بمعنى ان مفيش حاجه تأخد حق حاجه تانيه والحب الاول ده حدوده انه يبقى ذكرى فى حياتنا مش اكتر علشان مانظلمش حب تانى . ميرسى يازهرة على الموضوع الجميل ده

اولا ميرسي على مرورك كمان ممكن انا اجاوب بدل شروق انت بتقول هتعمل اية لو بتحب حد وهو عارف انك بتحبة ومش حاسس بالعذاب دة طب هوة الطرف التانى دة بيحبك يعنى الحب دا متبادل ولو متبادل مين بيحب حد هيرضى بعذابة او بجرحة اعرف الاول لو بيحبك كمل معاه وحاول تواجهة وتصارحة انما لو العكس يباة لازم تبعد لانك هتباة بتضيع وقت كمان هتباة بتعذب نفسك
تقبل كلامى وتعقيبى

ميرسي على مرورك وردك وانا بتفق معاك فى كل كلمة قلتها وهستنى رايك فى باقى المواضيع

ميرسي يا ملوكة على مرورك وردك وانا عاوزة اقولك حاجة يا حبيبتى الحب مش بادينا عشان ما احبش او احب وطبعا انا معاكى ان اللى هترطبتى بية هيباة كل حاجة بالنسبالك وانا مش بقول ان انا عايشة فى القصة دى انا بس كنت عاوزة اعرف اراء الاعضاء
تقبلى تعقيبى والى الامام دائما ومنتظرة حضرتك فى باقى المواضيع

ميرسي يا بوسى على ردك وعلى مرورك اللى نور موضوعى

ميرسي على مرور حضرتك وعلى ردك الجميل ومنورة مواضيعى دائما ومنتظرة جديدك وردودك الجديدة

الحب الاول لوكان حب بجد حب حقيقى بيكون زى يوم الميلاد استحاله يتنسى لانه بيبقى احلى حاله الانسان يعيشها
واو حبينا تانى بيفضل عايشه معانا الذكريات ولكن لو حبينا تانى بجد بيبقى الاخلاص جوانا ولو افتكرنا الذكريات مش هتبقى خيانه لان الذكريات عمرها ما بترجع اللى فات
واكيد ممكن نحب تانى لان مش نهايه اى علاقه تبقى انتهت الدنيا

معلش يازهرة
الحب بادينا
والدليل على كدة ان فى ناس لسة محبتش
مش عاوزين نقول هما مين بالظبط علشان الفضايح:D

انتى بايدك تمسكى قلبك وتقوليله لا مش دلوقتى
وتشغليه بحب حاجات تانية
اهل ,صحاب ,مدرسين ,قطة اى حاجة

انا مش ضد الحب بالعكس انا بحبه
بس لما يكون فى محله
غير كدة بيبقى طعمه وحش
او ملوش طعم اصلا

وفى الاخر اختلاف الرأى لا يفسد للود قضية

مرسي اوي اوي انك رديتي في غيابي
وعلى فكرة انا لو كنت موجودة مكنتش هقول اكتر من كدة
شكرااااااااااااااااا