وزى ما الجماعة بيقولوا حل كتاب Merci
وخلى المستر يعلمهولك باستمرار
انا جبت فيه 49 علشان غلطة هبلة فى الصح والغلط وكنت عاملها الاول صح وبعدين وانا بسلم شطبت على الحل وكتبت الغلط
بس نصيب الحمد لله

انا مخدتش فرنساوى طول السنه واخدت اخر شهرين بس وقفلت الماده


نصيحتى ليك .. بص بقى يامعلم


انت لحد شهر 1 ميهمكش غير حفظ الكلمات من الاخر والقواعد هتيجى معاك بسهوله جدا بعد ماتحفظ الافعال

احفظ الكلمات على انها انجليزى وانطق انجليزى ملكش دعوه بالكلام العك دا :d المهم تكتب صح لانها 10 اشهر وهترميها


والمدرس الى يحفظك موقف بلاش منه الموقف انت تعرف تكتبه لوحدك بعد ماتحفظ الكلمات


واصلا المواقف الى بتيجى ف الامتحان بقالها ييجى 6 سنين متغيرتش هى هى مع فرق بسيط جدا

يعنى مثلا :-

ماذا تقول ف المواقف .
. الحج احمد رايح السينما .. يخليه السنه الى بعدها .. الحج محمد رايح الاستاد :d


اهم حاجه الكلمااااات الكلماااااااات الكلمات عليها 42 درجه والقواعد 8 درجات والاتنين مضمونين جدا جدا جدا



ولمره تانيه اقولك .. متعقدش نفسك واحفظهم على اكنهم انجليزززززى علشان مش تنساهم والمدرس ميقدرش يكلمك لما يلاقيك بتكتب صح


-----------------------------

على فكره انا مكنتش بفهم القواعد من المدرس :D كان بيقعد يعقد فيا ويرص ويرص


جبت كتاب ميرسى ملخص للقواعد فوق الممتاز يخليك تعرف القواعد وانت حاتط رجل على رجل

هو مافيهوش حاجه هو عايز تحفظ الكلمات كويس اوي و الاهم من الحفظ المراجعه المستمرة و تفهم و تحفظ الجرامر و تحل اسئلة كتير
انا معايا كتاب génial حلو اوي
و كمان المسيو بيراجع لنا كل حصه علشان كده بالنسبالي معنديش مشكله الحمد لله

الفرنساوى من المواد المضمونة باذن الله انا كنت جايب فيه48

خلي المدرس يشرحالهك تاني بعدين أقراها وأحفظ .. مثلاً حرڤ الجر en و au بياخدوا إيه ؟ وهگذا
وبعدين حل گتيييييير عشان المعلومات تثبت

بعدين إنت واخد لسه حصة فيها فمستحيل تفهم علطول گده .. گله بيچي بالتدريچ ..

وع فگرة الفرنش مادة تافهه چداً ..

الفرنساوى مش تافه ولاحاجة دا صعب

الفرنساوي مش محتاج سؤال يتذاكر ازاي,,,لانه سهل جدااااا كل اللي هتعمله انك هتحفظ ...وكمان الافعال لازم تكون عارف تصريفها في كل زمن خاصة الشواذ
والقواعد سهلة جدا يعني انت لو فهمت القاعدة من الاستاذ مش هتاخد منك عشر دقايق مذاكرة...
يعني الفرنساوي حفظ ليس الا وتقدر تجيب ال50 بسهولة جدا
بالتوفيق ان شاء الله

بجد اشكرك جدااااااااا بجد كلامك كان رائع جداا واسال الله ان يوفقكم

بص والله الفرنساوى ده مفيش اسهل منه انا طالعه تالته اهو وكان نفسى اخدو السنادى
انت بس متعقدش نفسك منه والكلمات حفظها مش صعب اوى والجرامير سهل جدااااااا لو معاك مدرس كويس