بوابة الثانوية العامة المصرية - متجدد شرح المنهج للطلاب - خش وإعرف إزاي

اقتباس:

المشاركة الأصلية كتبت بواسطة sir_belal (المشاركة 4842058)

الحصة الثانية
خرائط التدفق
طيب فاكرين يا ولاد خطوات حل المشكلة ؟
يردوا : آه فاكرين يا استاذ، تروح تقولهم علطول بصوا معايا يا ولاد هو انا لم احب ابني بيت بروح للمهندس يصمم البيت على الورق الاول صح .
يقولوا صح يا استاذ : طيب هو لازم المهندس اللي رسم البيت على الورق هو نفسه اللي يبنيه ؟؟
يقولوا لأ مش لازم ممكن مهندس تاني هو اللي يبني ... تقول لهم طيب هو المهندس اللي حيبني ليه فهم الرسمه اللي على بالرغم من انه مش اللي رسمها ...
عارفين ليه .... علشان الطريقة اللي اترسم بيها البيت هي طريقة بيفهمها اي مهندس ...
نفس الكلام عندنا في البرمجة لما تحب تعمل برنامج لازم تصمم البرنامج الاول على الورق ... وعلشان تصمم البرنامج بطريقة يقدر اي حد يفهمها ... يبقى لازم تصمم البرنامج باستخدام رموز يقدر أي حد يفهمها بسهولة ... وأسهل طريقة وأبسط رموز تعمل كده هي خرائط التدفق ...
علشان خرائط التدفق بتعبر عن البرنامج بطريقة تقدر تفهمها لأي حد .... واضح ..
وتقول تعريف خرائط التدفق

رموز خرائط التدفق
احنا يا ولاد بنرسم الخريطة اللي بتعبر عن اي برنامج على الورق باستخدام الرموز التالية

الرمز الاول دا بنبدء بيه الخريطة وبرضه بننهي بيه اي خريطة ولازم يكون رمز واحد للبداية وولحد للنهاية
http://www.mediafire.com/conv/747957...d71a15c96g.jpg

الرمز الثاني دا رمز مخصص لادخال قيمة في الذاكرة واخراج قيم من الذاكرة ودا شكله http://www.mediafire.com/conv/b14e74...113494176g.jpg
خلي بالك ان شكله متوازي ش مستطيل متنساش الكلام دا ( اصل في ناس عبقره بتريمه مستطيل )

طيب لما نحب نستخدمه في الادخال نعمل ايه ..... نرسمه ونكتب جواه أحد الكلمات التالية
عايز تضحكهم قولهم العيل الصغير لما يحب نشربه نقوله ايه ها حد عارف يقوله ..... انبوه يا استاذ يا استاذ تقوله برافو ول كلمة هي (أدخل)input وممكن برضه تستخدم
(اجعل)get - read(اقراء) - enter(أدخل)
وكلهم بنفس الاستخدام أي الادخال وبراحتك اكتب الكلمة اللي انت عايزها ملهاش قاعدة يعني من الاىخر الكلمة اللي تحبها اكتبها
http://www.mediafire.com/conv/d1e6b5...897862fd6g.jpg

و لما نحب نستخدمه في الاخراج نرسمه ونكتب جواه احد الكلمات الآتية (print -(طباعة) output(اخرج))
نفس الكلام برضه الاثنان نفس المعنى وممكن تستخدم اي واحده منهما
http://www.mediafire.com/conv/e16651...f1950d7a6g.jpg

طيب ايه هي يا استاذ معنى الكلمات n1 و n2 و sum و a
أقولك انت لما تحب تعمل برنامج مثلاً لجمع رقمين بتعمل لجمع رقمين مححدين من قبل ولا لجمع أي رقمين
بالطبع لجمع اي رقمين كويس اوي
بص يا سيدي اي بيانات يتم ادخال أو اخراجها من الذاكرة لابد ان تكون في أماكن تسمى تلك الاماكن بمتغيرات او ثوابت سيبك من الثوابت دلوقتي وخلينا في المتغيرات
المتغيرات دي عبارة عن أماكن في الذاكرة يسمى كل مكان باسم لسهولة الوصول اليه
عامله زي محل العطار عبارة عن ارفف وادراج كل درج يحتوي على عنوان بمحتوياته صح برضه طيب ليه
عارف ليه لسهولة الحصول على المطلوب

نفس الكلام هنا بص للشكل دا
http://www.mediafire.com/conv/576062...f26c02746g.jpg

واخد بالك من الشكل دا تلاحظ ان الذاكرة تقسم الى مجموعة خلايا وكل مكان بياخد اسم غير مكرر ويمكن دمج اكتر من مكان معا وياخدو اسم واحد

المهم الاماكن ممكن تسمى باحرف او كلمات لسهولة التعامل مع محتوبات الذاكرة
طيب لما اجي اقولك
input m
عارف معناها ايه معناها ان الكميبوتر سوف يخن القيمة التي ستكتبها في المكان اللي اسمه m في الذاكرة

طيب لما اقولك print sum دي بقى معناها ان الكمبيوتر سوف يطبع اللي جوه المكان اللي في الذاكرة اللي اسمه sum.

الرمز الثالث رمز المعالجة أو العملية ودا اللي بتم فيه أي عملية رياضية ودا شكله http://www.mediafire.com/conv/651f1c...0c2761e26g.jpg

بص معايا انا قولت قبل كدا ان اس مسألة في الرياضيات عبارة عن تلت حاجات هي ها حد فاكر ايوه صح يا بنت يا تقى
( معطيات - مطلوب - قانون )

المعطيات وااللي هيه المدخلات وعرفنا بندخلها برمز ايه
والمطلوب اللي هيه المخرجات وعرفنا بنخرجها برمز ايه
أما القانون دا بقى اللي بنكتبه في رمز المعالجة علشان اقدر احسب قيمة المطلوب

زي لما يقولك عايز اجمع رقمين a و b وطباعة الناتج c
تقول علطول ان المدخلات a ,b والمخرجات هي c
اما القانون او عملية المعالجة هي c = a + b
صح
يبقى a,b في متوازي الادخال مع امر input وبرضه c في متوازي الاخراج مع امر print
أمال c = a + b تنكتب في اي رمز يا بنت يا مريم ؟
صح يا مريومه تنكتب في رمز المستطيل اللي هو رمز المعالجة

http://www.baladymasr.com/baladymasr...iles/62024.png
ترن ترن ترن ترن ترن ترن ترن ترن ترن

للأسف الجرس ضرب
أكمل ان شاء الله في الحصة اللي جايه بس لما اشوف إيه رأيكم وردوكم
السلام عليكم

رائع و فوق الوصف والله استاذنا ..

جزاك الله كل خير استاذنا الفاضل ..
و ارجو الا تحرمنا من هذة الفائدة و المتعة