نصيحه ممكن تخرجى للتنزه وتغيرى جو
ولو لمده ساعتين على الاكثر
او الذهاب لزياره احد اقربائك
وان شاء الله بعدها حاله الملل هتزول
اتمنى التوفيق للجميع

اولا ميرسى جدااااااااااااااااا لمرورك استاذه رانيا
وانا اكيد لازم اعمل كده عشان مش اضيغ مجهود السنه كلها فى كام يوم

انا بردوووووو كدة يا جماعة
عندي ملل غير طبيعي
مش عارفة اعمل اية
ومش طايقة افتح كتاب خالص وعاوزة انام بس

انتوا هتخدوا اجازة نص يوم ولا هتعملوا اية

حد يشوف حل

انا جالي ملل اكتر من اي حد اساساً , و قرفانه بشكل مش طبيعي و حاسه انه في حاجه طابقه على صدري كده
و نفسي اخلص بشكل مش طبيعي و بجد من كتر الهبل ده بقيت اعيط كتير و بحبط في نفسي و كده مجهووود السنه كلها رااااااح
و مش طايقه ابص في كتاب و حاسه اني مش هجيب مجموع بجد حرام بجد :(
لإني بجد بادئه دروس من شهر 8 منهم لله بجد اللي بيبدأوا في الشهر ده , ليا حق يجيلي ملل و كويس اني مانفجرتش
و طبعاً اي مدرس في اي درس يديني لستة طلباااااااات و واجبات اد الجبال , و مايرحمش و مش بيراعي ان فيه مواد تانيه لازم اذاكرها و كمان مادته من ضمنهم !! و كمان انا ربنا رازقني بحتة مدرس الماني تلقييييييحه بكل ماتحمل الكلمه من معااااااني
يابنتي سبته اساساً في شهر 5 في اوله كده عشان ابتدي اذاكر لوحدي و كمان اصلاً ماكنتش بستفيد منه ولا حاجه
تلقيحه بجد ماسكني اتصالات و عامله ايه و يرنلي على الموبايل عشان اكلمه و انا مش عايزه منه حاجه , بجد خنقه خنقه و انا ندمت اني اخدت معاه
بس اعمل ايه كل اخواتي كانوا فرنساوي و محدش يعرف مدرسين الماني
المهم يابنتي انا خلااااص تعبت تعبت و مش هزعل لو جبت 50% بجد و حولت ادبي
كان حلمي اني ادخل هندسه .. بس انا شايفه ان الحلم ده اصبح بعيد المناااااال بمجهودي اللي قل اوي ده
كنت بذاكر بالعشر ساعات دلوقتي هما ساعتين و ماعنديش غيرهم
كنت في اول السنه عندي امل كبييييييير اوي وكنت باكل الكتب اكل
من اول ماجه شهر خمسه في نصه بصراحه و انا مجهودي بدأ يقل بالتدريج
بجد تعبت اوي و مش عارفه اعمل ايه
كل شويه اقوم اصلي ركعتين و ادعي ربنا
عارفين كنت راجعه مره من درس رياضه (كانت اخر حصه ليا) و عديت على مسجد لإن المغرب كان بيدن , فدخلت و صليت و بعد الصلاه صليت ركعتين سنه و ركعتين صلاة حاجه و قعدت ادعي ربنا و عيطت بطريقه فظيعه كل اللي في المسجد بصوا لي و استغربوا زي ما يكون مات حد عزيز عليا !!!

نفسي الامتحان ييجي .. بحلوه و بمره ييجي و يخلصني
والله لو الامتحان جه صعب اوي مش هزعل !! المهم اني خلصت
وصلت لمرحله فظيعه بجد :(
انا عارفه اني زهقتكم .. بس بجد مش لاقيه حد اكلمه

ع فكره كل الطلبه كده خلاص هى هانت ولما تبدا الامتحانات حنعتبرها خلصت

يا جماعة كلو يمسك نفسة انا عندي نفي المشكلة بس مش معقولة يعني نضيع مجهود 10 اشهر (40 اسبوع)(280 يوم ) (6720 ساعة) من المذاكرة عشان خاطر 7 ايام (168) ساعة يعني كدة بجد ظلم كل دة و مع العلم ان مفيش طلبة في اي دولة تانية في العالم بتعمل ال احنا بنعملو دة فا نركز و نروح السينا في الاجازة :)
مش عاوز اسمع ان حد جاب اقل من 95% :) يلا كل واحد يمسك كتابة ولا يشفلة مراجعه و الا هارش مية.
بسم الله الرحمن الرحيم
" ان الله لا يضيع اجر من احسن عملا"
صدف الله العظيم

عفوا صدق الله العظيم

أنا مش عارف أنا بقي مختلف عن الجميع عندي إحساس بالامبالاة معرفش ليه

مشكوووووووور

ربنايسمع منك ياااااااااااااارب
ميرسى كتير لمرورك

لالالالالالالالالالا بلاش تقلق انت اكيد خايف بس كل واحد قلقه بيجى بطريقة مختلفه
ولا لامبالاه ولا حاجه
ميرسى على مرورك

ربنا معاكى يا بوسى ويكرمك انشاء الله
ميرسى كتير على مرورك يا قمر