|
استاذى .. جزاكم الله خيرا ..
مش عارفة ليه حضرتك افترضت انى لا اعرف كثيرا عن الشيخ القرضاوى لازلت اكرر .. لا يعنينى امره احترمه كشيخ فقط .. لكن ومن ايام الثورة وظهوره فى التحرير لا اتفق مع اسلوبه .. حضرتك خرجنتا من الموضوع الاساسى .. طبعا المساجد ممكن يتم فيها كل شئ .. وده امر مفروغ منه .. لكن استاذى احنا هنا فى الجزئية دى مش بناقش امور سياسة عادية .. وبيبقى فيه نصح وارشاد وتوضيح الامور بصدق .. لاء الامر مختلف تماما .. واتكلم من خلال تجربة شخصية .. يبدأ الامر بدعوة الى ندوة بالمسجد وفيها نلاقى اشياء غير مقبولة وربط ده فى عقيدة الناس بالحلال والحرام طبعا شئ غير مرضى .. اما الوعى السياسى اللى حضرتك اشرت ليه مع البسطاء فانا لا اصدقه .. افسر الامر فقط بتوجيههم ممن يثقون فيهم .. فيلبوا النداء سريعا .. واحيانا لمجرد انه بيعمل الحلال وبيسعى لدخول الجنة .. اما تفسير الاعداد الضخمة اللى بتشارك فهو لسببين من وجهة نظرى اولا تجربة جديدة بيعيشها الناس لاول مرة بعد سنوات بعدا عن هذه الاجواء ثانيا عقل واعى وتنظيم ماهر للاخوان للوصول الى الطبقة اللى ممكن تتجاوب معهم بسهولة ودون تردد واحيانا تجد الشخص رايح هياخد رسمة معينة شافها وحفظها وده ارضاءا لله فقط من وجهة نظره والتلقين اللى خده .. عادة استاذى لا الغى عقلى .. اتابع والاحظ دايما ولا ابنى ارائى على مجرد اهواء خصوصا انى لا اتبع اى فصيل .. لكن كلامى مع حضرتك على استخدام المساجد كدعاية انتخابية او ترويج للدستور وكانه كتاب الله.. مع ان من وضعه بشر وقد يخطئون واختلافى انى ارفض تصوير الامر للناس بالجنة والنار .. او بالجهاد .. دى وجهة نظرى ببساطة .. جزاكم الله خيرا .. |
| جميع الأوقات بتوقيت GMT +2. الساعة الآن 02:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.