|
السلام عليكم ورحمة الله وبركاته أساتذتى الأفاضل أنا والله متعجب بالفعل ليه الموضوع ده فيه كلام كتير الموضوع كان مجرد وجهة نظر فقط وأخبرت الجميع بها هو موقف لفت انتباهى وده من الطبيعى أن الواحد يقولوه لكن الموضوع بقى فيه كلام كتير وانا فى غنى عنه اساسا أختى الكريمة صوت العقل أنا عارف أنى باميل للاتجاه الدينى اساسا بحكم طبيعتى ونشأتى لكن أقسم بالله العظيم لا انتمى للاخوان ولا انتمى لاى جماعة دينية ولا أى حزب سياسي فانا غير محتاج لكلمة غير محايد لكن مشكلتى أنى أميل للنزعة الدينية كمان أنا قلت فى مشاركة من قبل أنكم فى منتهى الحيادية ولم أنكر ذلك يبقى المفروض يا أخواتى الأكارم جميعا بلاش الكلام الكثير حول هذا الموضوع أخى الحبيب مستر أبو بطة :- جزاك الله خيرا وأقسم بربي أنك فهمت وجهة نظرى وعرفت فعلا أنا ليه مش بأرضى اتدخل فى الاقسام وأعتقد الكلام بقى فعلا واضح فجزاك الله خيرا استاى الحبيب أستاذى الكريم مستر أيمن نور أشكرك شكرا جزيلا واعدك أخى الحبيب بالاتى 1- لن اتدخل فى أى قسم خارج القسم الذى أشرف عليه 2- أنا أستاذى مشرف إدارى على الركن الاجتماعى ويكفينى شغل هذا القسم واوعدكم جميعا أنى لن اتدخل فى أى قسم سواء فى حذف مشاركات أو حذف موضوعات يبقى علشان يبقى الكلام واضح ويا ريت يبقى الكلام منتهى فى هذا الموضوع يا اساتذتى الأفاضل لآنه اخذ حيزا كبيرا من النقاش لا داعى منه شكرا أختى الكريمة صوت العقل شكرا استاذى مستر أبوبطة شكرا استاذى مستر أيمن نور دمتم بخير أخوكم جميعا أبو بسملة |
استاذ ابو بسملة مفيش شئ شخصى .. دى مجرد وجهات نظر فقط ..
ليه حضرتك بتدى ايحاء اننا مانعين حضرتك من دور المشرف الادارى .. طيب من فترة حضرتك قمت بالتعامل فى اقسام ركن الاسرة هل حد اعترض ولا شكرت حضرتك .. الامر بسيط استاذى .. ومش زى ما حضرتك بتظهره .. انا زى حضرتك برضو عندى نزهة دينية وبتشدد فى الدين وحجيت واعتمرت .. لكن بمتص غضبهم .. مش بسايرهم .. لو حضرتك شايف ان الموضوع كبر .. يبقى لان حضرتك اديت ايحاء بانك ممنوع من الاشراف الادارى .. اساسا الامور متنظمة وكل ركن ليه مشرفه الادارى وعضو الادارة الخاص بيه والمشترك فى الاشراف الادارى هو التعامل فى صوت الاعضاء وده على الجميع .. وعلى فكرة للتوضيح تدخل ميس فاتن بيبقى من تبليغات صوت الاعضاء برضو .. ده للتوضيح .. جزاكم الله خيرا على الرد الكريم .. |
اقتباس:
جزاكم الله خيرا اختنا الكريمة وبار ك الله فيكم وأوعدكم والله فعلا بعدم التدخل عامة فى الاقسام فعلا انا اخرى قسم الركن الاجتماعى وده يكفينى وده مسئوليتى لكن انا بصراحة ماليش دعوة اى قسم تانى فى المنتدى يا اخوانا الافاضل تقبلوا منى جميعا وافر التقدير والاحترام |
الموضوع أخوانى الكرام هو تنظيم الحوار بين الأعضاء مع التنسيق بين مشرفى الأقسام المختصة للحفاظ على قيمة ومكانة البوابة التربوية والأخلاقية لكل مصرى ولكافة عناصر الأمة
وأوافق أخى أبو بسملة فى ضرورة الحد من التجاوزات لأننا فى النهاية مصريين بحق ولكم جميعا خالص التقدير |
شكرا جزيلا مستر سمير
جزاك الله خيرا على كلمتك الطيبة تحياتى لحضرتك |
وعليكم السلام ورحمة الله وبركاته اين هو هذا الانحراف الذى تتكلم عنه استاذ ياسر فجميع المشرفين على الاقسام المميزة متواجدين يوميا ومتابعين للاقسام باستمرار وبيمنعوا اى كلام من اللى حضرتك بتشير اليه ثانيا اللى حصل هو تجاوز من اتنين من الطلبة الذين لم يتعدوا المرحلة الثانوية واغلب مشاركتهم فى قسم اجتماعيات طالب مبيدخلوش الاقسام السياسية كتير يعنى منقدرش نعمم اللى حصل بينهعم ثالثا حضرتك بتطالب بالتعامل بحزم وقوة وبتطالب المشرفين فى اقسام لا تشرف عليها بعمل موضوع معين ونست انى المشرف الادارى للاقسام دى وهم فى الحققية يتعاملون مع المواضيع والمشاركات باستمرار ودون حاجة الى مواضيع تحذير واغلب اعضاء الاقسام من المعلمين وكبار السن وبيختلفوا وبيتم التعامل مع اختلافهم بحزم وحضرتنك كنت عضو فى خبر وتعليق وعارف اننا بنتعامل بحزم مع الجميع ومن وجهة نظرى من يحتاج الى تحذير هى الاقسام التى يسيطر عليها طلبة مراهقين بيتعجلوا وبيغضبوا بسرعة ويتصرفوا تصرفات مش مقبولة رابعا بشكر جميع الناس اللى شاركوا برايهم واحب اذكر حضراتكم اننا مش بنخوف حد من التدخل ولكن بنحب الاستقلالية ف ادارة الاقسام بعدا عن المشاكل و علشان لو فى اى شئ غلط فى الاقسام هيبقى علينا واحنا اول ناس هيتم محاسبتنا والاقسام مستقرة ولها نظام معين يبقى ليه نغيره ونربك الاقسام واكيد لو الاقسام مستقرة ومتقدمة هيبقى للمنتدى ككل لان عملنا كله للمنتدى ودايما بنحب نبقى مسئولين عن تصرفاتنا وتصرفات مشرفين الاقسام وبنتعاون فى عملنا ووجهات نظرنا واعتقد ده مش يضايق حضراتكم فى شئ جزاكم الله خيرا |
لا تعليق شكرا جزيلا أستااااااااااااااااااااااذى استاذ محمود |
السلام عليكم
لايخفى على الجميع اني احترم واقدر كل المشرفين والاداريين وفي نفس الوقت لااتقبل ان تحدث مشاكل بين الطاقم الاداري الذي اعتز به ومن خلال متابعتي للموضوع اجد عدم وجود مشكلة والحمد لله وانما سؤء تفاهم بين الاخوة وحرصهم الكبير على اقسامهم مصر تمر بظروف صعبه جدا والكل اعصابه مشدوده والجميع يدافع عن وجهة نظره علينا كادارة نأخذ جانب الحذر والحيطه والحياديه التامة مع الراي الاخر لكي لايتهمنا البعض بالانحياز الى جهة معينه اخي ابو بسمله من حق حضرتك الدفاع عن وجهة نظرك واعتقد ليس من حق اي احد ان يحاسب حضرتك على توجهك انما لو راى المشرف مخالفه بالموضوع من حقه حذفها وارجو ان لاتزعل انت مشرف وتقدر عمل المشرفين وارجو من اخي عاشق البلانكو يوضح للاستاذ ابو بسمله قصده من العبارة (ومن وجهة نظرى من يحتاج الى تحذير هى الاقسام التى يسيطر عليها طلبة مراهقين بيتعجلوا وبيغضبوا بسرعة ويتصرفوا تصرفات مش مقبولة) انا فهمت المقصود وارجو من اخي ابو بسمله ان لايفهمها غلط واعتب على محمود كان المفروض يقول فئات عمريه صغيره فكلمة مراهق تغيض الشباب ولايتقبلو نعتهم بها لقد قمنا بتوزيع العمل بين المشرفين لتنظيم المنتدى ولجعل كل مشرف اداري مسؤول عن قسمه لسهولة العمل ودفع المنتدى للافضل ارجو من حضراتكم تخطي مثل هذه المشاكل البسيطه لان هدف الجميع واحد وهو خدمة الاعضاء ورقي المنتدى والمحافظه على نجاحه انا مريضه لكني دخلت لحل سؤء تفاهم واتمنى ان لايتكرر تحياتي للجميع |
اقتباس:
أولا اختى الكريمة شافاكى الله وعافاكى ثانيا : من حق المشرف يحذف اى موضوع مخالف وانا لا اعترض على ذلك ولم اعترض وحضرتك تعلمين ذلك جيدا ولما حذف عاشق البلانكو موضوعين تقبلت وجهة النظر منك ومن استاذى الكريم مستر ايمن نور وانتم تعلمون ذلك لكن أنا متعجب بالفعل متعجب وجهة نظر أقولها تتحول لمثار نقاش وجدل أسف أنى اقول عقييييييييييييييييييييم عقيم بالفعل لا طائل منه المفروض من يعى ويفهم الكلام يقول وجهة نظر مقبولة وجزاك الله خيرا والموضوع ينتهى لكن يتحول الموضوع الى اتهامات وسب من البعض مش عارف أنا اقول ايه انا اللى فعلا اسف على وجهة نظر كان المفروض عليا اسكت وماليش دعوة لكن سبحان الله العظيم لازم اتكلم علشان أسمع كل الكلام اللى فات أختى نغم انتى من أكثر الناس التى تعرفنى جيدا وعمرى ما احببت إثارة مشاكل وعمرى ما تتطاولت على البعض كما يفعل البعض لكن أحترم الجميع وأقدر الصغير والكبير أستاذتى الكريمة الاخ عاشق البلانكو المفروض من سن الطلبه بتعتى مش يوصل بيه الامر اساسا انا يفكر انى راسه براسى لالالالالالالالالالالالالالالالالالالالالالالالالا لالالا ينسى هذا الامر كل واحد له مكانته أنا قده فى السن مرتين مش يكون واحد من سن الطلبة عندى ويقولى مشرف قسم مراهقين أنا أتشرف بأن اقوم بالاشراف على تلك الفئة التى بها كثير من المشكلات والحمد لله بأحاول ان أحتويها شكرا لكم جزيلا |
انا كلامى واضح قلت ان الاقسام المميزة اعضائها من كبار السن والمعلمين ولما اتكلمت على اجتماعيات طالب كان كلامى انهم مراهفين الكلام مفهوم وبعدين حضرتك مشرف ادارى مش مشرف القسم وموجهتش كلام بده لحضرتك اما كلامك عنى وعن سنى فانا مش هرد عليه لان العمل مش بالسن وفى الاصل كل واحد عنده قسمه الملتزم بيه علشان كده انا موافق ان ده جدل عقيم وردى دلوقتى احتراما للاستاذة نغم وهل يصح عمل موضوع داخل القسم بده http://www.thanwya.com/vb/showthread.php?t=487811 |
اقتباس:
أولا : فيه احترام للسن قبل أى حاجة مش موضوع انا مشرف ادارى وانت ادارى يبقى فيه تطاول انا ارفض التطاول أساسا وباحترم الجميع الصغير والكبير والكل يعلم ذلك ثانيا بالنسبة للموضوع اللى أنت بتتكلم عنه ده شيء مش يخصك ده فى قسمى أنا وانا المسئول عنه والموضوع غير مخالف أساساً زى ما حضرتك مسئول عن قسمك ومش بتقبل أى حد يتدخل فيه يبقى حضرتك مالكش صلة بالموضوعات اللى بتنزل فى قسمى لأنى انا المسئول وانا اللى عامل موضوع زى ده علشان الناس تفهم يعنى ايه مراهقه وانا أقسم بالله العظيم احترمت جدا كلام مدام نغم وهى تعلم جيدا من يكون أبو بسملة والكل يعلم مدى احترامى وتقديرى للجميع الصغير قبل الكبير الحمد لله رب العالمين |
أساتذتى الأفاضل
جزيل شكرى و تقديرى للجميع على مشاركاتهم الطيبة أولا : أتوجه بالشكر الجزيل لأستاذى الفاضل أبو بسملة على طرحه هذا الموضوع الذى لفت نظرنا جميعا الى ضرورة الانتباه لبعض الموضوعات التى قد تثير مشاكل بين قطبى الأمة المصرية مسلميها ومسيحييها ، و نحن نقدر ذلك لحضرتك ونتفق معك تماما فيه و نؤكد على ضرورة الانتباه اليه . ثانيا : اكثر مايميز منتدانا هو حرية النقاش و التعبير عن الرأى مما يؤدى بالايجاب الى اثراء الموضوعات ، فأصبح الموضوع يضم فى طياته الى جانب هدفه الأصلى نقطة هامة نرجو من الجميع مراعاتها و الالتزام بها و هى ضرورة عدم تداخل المشرفين فى الاختصاصات و ان يكون كل منهم مشغول بالاقسام التى يشرف عليها فقط ، و غير مسموح له بحذف أى موضوع يعتمد على الرأى الا من خلال صوت الأعضاء فقط . و يكون الحذف حذفا بسيطا لحين دخول المشرف أو الادارى المختص . ثالثا : شكرا كثيرا للأستاذة الفاضلة نغم على توضيح معنى العبارة التى هى محل الخلاف و التى قد تفهم على أكثر من معنى ، و لكن المعنى الواضح انها تعود على رواد القسم الاجتماعى و ليس على المشرفين أو الاداريين على هذا القسم و هذا ما أكده الأستاذ عاشق البلانكو . ثالثا : الاحترام فى التعامل يجب أن يكون متبادلا بين الجميع صغيرا و كبيرا ،فهذا هو مايميز منتدانا ، مع ضررة عدم تخطى الحدود فى الحوار بين الصغير و الكبير ، فحرية التعبير لا تنفى ضرورة الاحترام فى التعامل كما ان الكبير ملزما دائما باحتواء الصغير و الحمد لله أننا جميعا صغيرا و كبيرا نلتزم بذك . سيتم اغلاق الموضوع لاستيفاء نقاط النقاش فيه و حتى لايتحول الا مالانقبله جميعا . جزاكم الله خيرا و بارك الله فيكم |
استاذن الجميع بالتنوية فقط علي ان يكون مسك الختام القيادة الحكيمة هي التي تصل بالجميع الي النجاح وبر الامان وهذا المنتدي اصابة ما اصاب بعض ابناء المصريين ليس من الانتقادات الهادمة فحسب بل الخروج عن اللياقة الادبية التي قلما وجدناها في الماضي والخطأ الذي لا يختلف علية اثنين لا ننتظر من صاحب المسئولية في قسم ان ياتي يقوم بدورة ام لا فنظرا للانشغال او حدوث اي امر طارئ ينوب كل من هو في نفس المسئولية عن الاخر في هذا الامر ؟ لقد اصاب كل منا في راية ولكن يبقي الراي الثاني له محل من الاختلاف ايضا وهكذا في سلسلة لا تنتهي وقد يؤدي الي الانقسامات ................... ؟ و لا ننسي بوابة الثانوية مجتمع التعليم وليس مجتمع السياسة البعيدة عن الهدف المنشود منها شكرا لصاحب الموضوع الاستاذ الفاضل ياسر |
| جميع الأوقات بتوقيت GMT +2. الساعة الآن 04:02 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.