أنا خلصت مسائل الامتحان و المثالى و الوسام عندى فى كراسة
بس الامتحان يفضل تسيبه لما تتمكن من الفصل لأنه صعب إلى حد ما
لازم تبدأ بحاجة تفتح نفسك الأول
عموماً اتفضل

طيب تمام كدة دى :) بص اللى هرفعهم دول عشان انا مش عارفه اطبق كلامك دة عليهم ..

ما انا مش عارفة ابعد او اضغر الصورة ازاى ..

طيب أدينى أنا رقم المسألة أفضل
أنا معاك أهو

المشكله يا amothman ان المستر واجبه كله من المتحان .. و انا مخليه الوسام للمراجعه كل فترة امسكه اجيب منه كام فصل كدة .. و المثالى مش عندى .. لو كدة انت ممكن تجيب الامتحان هتلاقى المسائل اللى بفلك عليها دى ف ص 240 شويه الدوائر اللى مرسومة وهو عايز قيمة شجه التيار لو كدة تبقي وفرت عليا و على optimistic التعب

مش عارفة اشكركوا ازاى والله ربنا يجعله ف ميزان حسناتكو ان شاء الله : من فرج عن مسلم كربه من كرب الدنيا فرج الله عنه كربه من كرب يوم القيامة :

فى ص 240 .. الاميتر رقم 5 و 6 و 7 و 8 دول لما اجى اطبق اللى انت قلته ف الاولانيه عليهم هتكلكع لان دول 3 اميترات ف ناحيه و واحد ف ناحيه فاظبطهم ازاى ؟؟

و يوفقك انت كمان يا بشهندس :)

الدوائر كتيرة أى واحدة منهم ؟!
طيب
أنا هاختار أخر واحدة خالص على إيدك الشمال بتاعت a10
قبل ما ابص على المسألة أو أعمل أى حاجة
عندى شوية مقاومات مكلكعة متوصلة
احسب قيمة المقاومة المكافئة الأول حتى و لو لم يطلبها
إذا مر التيار بكاملة فى مقاومتين إذاً فهذا توصيل توالى و تصبح المقاومة الكلية مجموع جمع المقاومات
و إذا تجزء التيار إلى عدة أجزاء ثم اجتمع مرة أخرى فهذا توصيل توازى و يصبح المقاومة الكلية مقلوبها = جمع مقلوب المقاومات الموصلة
ننقل الدائرة فى ورقة خارجية بقلم رصاص
ناخد كل أثنين على حدة
20 و 40 دول متوصلين على التوالى لأن نفس التيار فيهم .. يبقوا 60 أوم
نمسحهم خالص و نكتب بدلهم مقاومة 6 أوم
و التيار تجزء إلى 3 أجزاء مرت في الـ 20 و 30 و 60 ثم تجمعوا مرة أخرى
يبقوا كلهم توازى .. مقلوب المقاومة الكلية = 1 / 10 .. المقاومة الكلية 10 أوم
نمسحهم كلهم و نكتب بدلهم 10 أوم .. متوصلة على التوالى مع 10 أوم اخرى لأن نفس التيار يمر فيهم
نمسحهم كلهم و نكتب 20 أوم

E1 و E2 دول متوصلين توصيل معاكس .. القطب الموجب مع السالب .. و السالب مع الموجب
يبقى EMF = جمعهم = 6+ 12 = 18فولت ( قانون يتحفظ )
و تبقى قراءة الأميتير = شدة التيار = فرق الجهد / المقاومة
= 18 / 20 = 0.9 أمبير

مالناش دعوة بـ 7 و 8 دول .. نركنهم على جنب
نخلص بص من المقاومات المكلكعة المتوصلة دى
6 و 3 دول متوصلين على التوازى لأن التيار تجزء ثم تجمع .. يبقى نمسحهم و نكتب بدلهم 2 أوم بالقانون العادى .. و مع 4 متوصلين على التوالى يبقوا 6 أوم
يبقى نمسحهم كلهم و نحط 6 أوم
دة كدة المقاومة فوق 6 أوم و تحت 6 أوم .. زي بعض !! يبقى التيار الى ماشى فيهم زى بعض برضة = 12 / 2 = 6 أمبير .. التيار تجزء نصفين متساويين .. دول 5 و 6
طيب الـ 6 أمبير الى فوق دول هايتجزأوا جزئين .. جزء يمر فى 6 أوم و الآخر فى 3 أوم
6 / 3 = 2 .. التيار الى ماشى فى 3 أوم = ضعف التيار الى ماشى فى 6 أوم
و التيار الكلى 6 أمبير = التيار فى 3 أوم + التيار فى 6 أوم = 3 التيار فى 6 أوم
التيار فى 6 أوم = 2 أمبير .. دة رقم 7
التيار فى 3 أوم = 4 أمبير .. دة رقم 8

جزاك الله الف الف خير .. اصلا من المسالة اللى انت حليتها اول مرة انا فهمت .. مكنتش بس عارفة افصص المسالة ..

بص بقى ف اخر واحدة على اليمين بتاعت الاميتر 11 هل التيار هيمر اصلا فى المقاومات اللى ف النص دى اللى هى 2 اوم و 4 اوم و لا هيعدى فى السلك المستقيم على طول ؟؟؟

لان دى نفس مشكلتى ف السؤال اللى بعده بتاع اوجد المقاومة المكافئة :):)

التيار بيطلع عموماً من القطب الموجب و امشى وراء التيار و على حسب .. لو في سلك مفيهوش أى مقاومة هايعدى عليه و يطنش أى سلك آخر به مقاومة .. إنما هنا طريقه مسدود و كله فيه مقاومات
التيار هايتجزء نصفين .. نص على هايدى على 2 و 4 و دول متوصلين على التوالى .. نمسحه و نكتب بدلهم 4 / 3 أوم .. و فى نفس الوقت الجزء الآخر سيمر فى 7 و 8 أوم و دول على التوازى يبقوا 15 أوم .. نمسحهم و نكتب بدلهم 15 أوم .. و بعد ما مسحنا الرسمة و فضل المقاومتين 4 / 3 و 15 .. هانلاقى الأثنين متوصلين توازى .. يبقى المقاومة الكلية 60 / 49 أوم
شدة التيار = ( 8 - 5 ) / الرقم الغريب دة ( لأن القطب الموجب للبطارية الأولى متوصل مع القطب الموجب للبطارية الثانية )
يطلع 2.45 أمبير .. هو دة قراءة الجهاز رقم 11

طيب بناء على الكلام دة ف السؤال بتاع اوجد المقاومة المكافئة ف أ مثلا التيار هيمشي ف ( 4 و 3 و 4 ) اوم بس و مش هيعدى فى المربع ده و كدة هيبقي كانهم متوصلين توالى لان التيار ما بيتجزاش و المقاومة الكليه تبقي 11 ؟؟؟ بس الاجابة 10 .. ازاى ؟؟


انا مش عايزة اطول عليك اكتر من كدة عشان معطلكش عن اللى وراك .. ربنا معاك و لو مشغول اتفضل .. انت كفيت و وفيت .. جزاك الله خير