|
اقتباس:
عااااااااادي يا نسمه ليه الإستغراااب اصلاً التشكيل ده اتلغى من زمان .. ماتعرفيش ولا ايه :D << سوري اني اتدخلت في الموضوع من غير إذن == مصطفى بجد موضوعك حلو اوي اوي و معاك حق في كل كلمه قلتها و هما نسيوا الآيه اللي بتقول "وَ لاَ تَقْتِلُّوُا أَنْفُسِكُمْ إِنَّ اَللهِ كَانَ بِكُّمْ رَحِيِمَاً" معرفوش انه من رحمة ربنا المجاميع نزلت و هندسه اخدت 90% , و انا سمعت انهم كانوا جايبين في تانيه 97% و 98% و ارقام فلكيه كده كل ده عشان امتحان تافه -سوري- ممكن يتعاد و كان ادامهم فرص لسه كتييير ربنا يهديهم .. ده بيرجع لضعف الإيمان انا مصدقتش لما جيت اقرا عن البنت اللي انتحرت في بورسعيد انها كانت حافظه القرآن و كده لما هي حافظاه و بتقراه .. مش بتعمل بيه ليه؟؟ حاجه غريبه صح؟ :rolleyes: عموماً يا سيدي سوري للرغي و انا اسفه اوي اوي اني اتدخلت في الموضوع و اعذرني انا بقى لو فيه غلطات .. اصلي لسه صاحيه :D |
يا عم الواحد مايعرفش الحالة اللي وصلها الطالبين دول..
الواحد ستعات الدنيا بتقفل في وشه..وبتجيله هموم الدنيا كلها بس برضه مش المفروض يعملوا كده.. الدنيا مش مستاهلة.. وليا عندك طلب..ماتقلش عليهم مغفلين..ربنا يرحمنا جميعا علي |
بصراحة رغم انى لسة ادامى سنة وانا اكتر واحدة فى الدنيا حساسة لدرجة خوفى على مستقبلى بس ارجع واقول والله والله الثانوية العامة دى مش تستاهل حتى دمعة تنزل من عينى
العيب بيبقى جاى من الدروس وتضييع الوقت والطلبة بيتفننوا ازاى يضيعوا الوقت والتصحيح والظلم اللى بيجى من التصحيح اما اللى انتحروا دول مش عارفة اقول ايه بصراحة مفيش ذرة ايمان بقضاء الله وقدره فى قلبهم شكرا على طرحك للموضوع |
اقتباس:
لا يا استاذنا دول ماكانوش لسه شافوا النتيجه الكلام ده كان بعد امتحان الميكانيكا على طول الموضوع قديم على فكره |
اقتباس:
لا مش عارف انا حاسس انكمش جاده فى اعتزارك اعتزارك غير مقبول بالمره وبعد كده يا ريت ماتتدخليش فى اللى مالكيش فيه جرى ايه يا بوسى انتى داخله الموضوع ولا داخله بيتنا هى لزومهها ايه الاعتزارات والكلام ده كله انتى تشرفى فى اى وقت يا ستنا ولا يهمك |
اقتباس:
والله احتراما لحدود الالفاظ فى المنتدى انا مش هقول اكتر من مغفلين انا لو قدرت اقول اكتر من كده هقول مهما كانت ظروفى مفيش اى حاجه تستدعى انى اموت واخلد فى النار فما بالك بالسبب اللى ماتوا عشانوا |
اقتباس:
|
| جميع الأوقات بتوقيت GMT +2. الساعة الآن 02:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.