كلامك صح جدا وعلى فكرة فيه حاجة كمان
ان وزارة التعليم العالى بتقلل الاعداد كل سنة 10 % على الاقل
وان غدا لناظرة قريب

ياريت موقع شغال للاعدادى

بالنسبة للتنسيق
اللجنة ستنعقد غدًا الثلاثاء، لتحديد الحد الأدنى للقبول بالجامعات
تم معالجة بعض القرارات التى أعاقت التنيسق في العام السابق وتم وضع بعض القرارات التى ستخدم التنسيق حتى" 2016 -2017 "، موضحا أن اللجنة وضعت إعداد أولية للقبول بعدد من الكليات مثل الطب والهندسة ولكن لن يتم اعتمادها إلا بعد الإعلان عن نتيجة الثانوية العامة.

ههههههههههههههههه
والنبي ياجدعان ياريت الطلبة اللي خلصت ماتخشش خالص هنا
انتم اصلا ماامتحنتوش امتحانتنا فياريت بلاش فتي .....
وبعدين انت لو بتتكلم علي دفعة السنة اللي فاتت انتم اصلا كان جايلكم اسهل امتحانات في تاريخ 2 ثانوي والتصحيح كان عبيط فكان اللي ميعرفش حاجة بيجيب 97 و 98 وامتحانتكوا في تالتة في كل المواد جت سهلة ما عدا الرياضة يعني
لكن احنا في تانية مجامعنا طبيعية بالاضافة ان العربي والفيزياء السنة دي هينزلوا ناس كتير فبلاش فتي والنبي

مين قالك ان امتحان العربي فيه درجتين صعب " دا كله صعب " مفيش سؤال فيه سهل " دا امتحان ميتحلش "
مين قالك ان امتحان الاحياء سهل ؟؟ " اصحابى علمى علوم متفوقين قالولي ان الامتحان صعب وفيه مدرس احياء قال ان امتحان الاحياء دا صعب جدا جدا وقالك امتحان الاحياء دا فى مستوى الطالب الفائق وليس المتوسط فقط..
مين قالك ان امتحان الفيزيا سهل " دا امتحان الفيزيا بتاعكم 2012 دا اسهل ما يمكن "بتاعنا جابلك حاجات جديدة مجتش وامتحاننا عايز تركيز جدا + سؤال العوامل المتوقفة على الموجة دى فى الامتحان + سؤال عزم ثنائي القطب" دا حلو برضو " ومجاش قبل كدا + المطلوب التاني فى المسألة الأولى فى الامتحان وقع طلاب كتير جداا مع انه سؤال هايف لو مش متلغبط ومتفكرش ما جاء في امتحان 2008 تحله لان انك تكون عاوز تحله بالطريقة عادية وتفتكر سؤال شبيه لدا سنة 2008 تتردد وتعمل الاجابة الخاطئة
كل اللى بقلهولك دا فى السؤال الاول بس فى الفيزيا

مسألة الأنبوبة ذات الشعبتين فى السؤال الرابع باين كدا " مسألة حلوة برضو للطلاب المركز "
مسألة البوابات فى السؤال السادي "أظن دى أصعب بوابة جات فى الثانوية العامة" أنا حليت بوابات كتير والبوابة الاسهل مايمكن 2012 لم أر بوابة زى البوابة دى "عايزة تركيز جامد"
ومسألة الشفرات فى نفس مسألة البوابات وعليها درجة ونص شوفو الافتراء بتاع واضع نموذج الاجابة "أول مرة اشزفها فى امتحانات الثانوية العامة" ودا سؤال هايف جداا وأظن كتير وقعوا فيه لأنهم متدربوش عليه

السؤال بتاع الضغط الانقباضى للشخص السليم .... سم
واخد بالك انت من كلمة سم دي توقع الطالب الذكى واللى طلع روحه طول السنة مذاكرة وييجي ميخدش باله من كلمة سم دى مع انه سؤال هايف جدااا لكن يوقع اى طالب داخل اللجنة
سؤال الوحدة المكافئة J/Hz أول مرة تيجي على ما اعتقد....وسؤال يلغبط اى حد مذاكر وطلع روحه
انا بقول الكلام دا لأن الواحد داخل اللجنة مبيفش نفسه

امتحان الرياضيات بتاعنا زي امتحان الرياضيات بتاعكم ميختلفش كتير
الميكانيكا زي بتاعتكم " عايزة تركيز " ---" الميكانيكا بتاعتنا جالنا حاجات مجتش قبل كدا "
التفاضل والتكامل " جالنا سؤالين أول مرة أشوفهم فى امتحان ثانوية عامة " و" سؤال متى يكون الدالة قابلة للإشتقاق "
امتحان الجبر والفراغية "المسألة التانية "خطواتها" "
" المطلوب التاني فى السؤال 2 فى السؤال التاني لو المصحح هيمشى بنموذج الاجابة اعتقد كله هينقص درجة على الأقل..
الفراغــية " سؤال اثبات الهرم " دايما اللى بيحط الامتحانات بيركز على اربع براهين فتنسى برهان زى دا و فجأة كدا وانت فى الامتحان يجيلك الاثبـات دا...
امتحان الرياضيات كله 2013 فى مستوى امتحان 2012 او اصعب منه كمان ""انا مش شايف 2012 دا كان صعب يا ريت كان يجيلنا امتحان زي بتاعكم كان يبقى اسهل بالنسبة لياا بكتير "
امتحان الفلسفة والمنطق " اصعب امتحان فى تاريخ الثانوية العامة ومجاش زي دا قبل كدا لان فيه اسألة عايزة تكتب شخصية بحالة لان دايما لما بييجي سؤال بيكون المطلوب جزء من شخصية مثلا اما فى الامتحان دا يجيلك السؤال عايز تكتب صفحتين على الاقل "
امتحان المنطق كان شديد جداا ومجاش زي كدا قبل كدا

امتحان علم النفس " انا ليا اصحاب بيقولولى ان علم النفس جه ولعــــة " كيف تقول ان امتحان علم النفس تافه
امتحان الاقتصاد والاحصاء " انا سمعت انه سهل زى كل عام ماعدا 2008"
امتحان الانجليزي " امتحان سهل صراحة عشان مجدبش عليك لان الامتحان مخرجش برة المنهج كل ما موجود فى ورقة الامتحان موجود فى كتاب المدرسة حتى الترجمة من الانجليزي لعربي جاية من نص موجود فى الريدنج فى الوحدة 15 او 16 مش فاكر بس هي فى الوحدات الاخيرة فى المنهج "
اللى مسهل امتحان الانجليزي انه مخرجش برة المنهــج " ودي ميزة "
امتحان المستوي الرفيع عربي على ما سمعت انه جاي ولعــة جداااا والاعراب صعب وحاجة طين خالص
انا واخد امتحان مستوى رياضيات " انا شايف ان امتحان المستوى رياضيات 2013 كعادته بييجي سهل زى كل سنة - مفيش جديد لان من المعروف واللى كان واخد مستوى رياضيات وحل امتحانات يلاقي الامتحانات بتاعت المستوى رياضيات كل سنة بتيجي سهلة ومباشرة وطبعا للى مذاكر بمجهود قليل كمان زى حالاتى كدا "

فكيف تقول بعد كل دا كلامك دا اللى فى الموضوع دا " انت مخطئ "

انت ممتحنتش الامتحانات بتاعتنا وبتحكم من غير ما تكون في دفعتنا وتحل امتحاناتنا وتشوف بنفسك مدى صعوبة االامتحانات بجد انا مبهزرش لانك هتشوف تخريف بجد فى الامتحانات

بالاضافة ان احنا فى سنة تانية وسنة تالتة لم يحذف درس من المنهج مثل حالتكم فى سنة تانية رغم ان الدولة فى السنتين بتوعنا مرت بظروف ألعن من ظرفكم ومحدش عبرنا وقولنا خلاص الامتحانات هتييجي سهلة مادام محدش عبرنا --- نخش الامتحان نتفاجئ ويضيع مجهود سنتين بحالهم

بعد كل دا

انت ماليكش الحق تقول احنا ندخل فين وماندخلش فين
حاسب على كلامك يا استاذ
وهقولهالك تانى ان غدا لناظرة قريب

كلامك صح والله امتحانتهم والله شوربة ومفهاش حاجة ده جابلهم اعراب واحد فى العربى ممنوع من الصرف بتاع عمر نص دفعتهم قعدت تعيط وسنة تانية بتاعتهم كانت الثورة وكل من هب ودب جاب مجموع

ياعمي التنسيق يعلي واللي مافارقة معايا الحمد لله
بس انا بحس انكم داخيلن هنا توتروا الناس وخلاص وكل واحد حاسس انه مادام دخل طب ولا هندسة بقي ملوش حل وخد تصريح الفتي ....

50483 ياريت موقع شغال للاعدادى
المرحلة الاعدادية

الله ينور عليك

14469 المرحلة الاعدادية

انا مبحبش بتوع الطب لان بحس فيهم انهم بيتكبروا على الناس وبيتفشخروا ومفكرين نفسهم وحوش:av4056bb7jp3:وتلاقيهم بيتكلموا فى اللى مهمش فيه وبيحكموا على حاجات ملهمش فيها --- ناس غريبة بشكل

بصراحه يعنى وبدون مبالغه حتى لو كلامك صح فمش وقته انك تكتبه النتيجه فاضل عليها ساعات وتظهر فبلاش يعنى تقلق حد بكلامك حتى لو كلامك صح خلى الناس تعيش الموضوع خطوه خطوه اول حاجه خطوه النتيجه وبعدين نبص على التنسيق وبعدين قلق التنسيق لغايه ما يظهر متكركبش الدنيا كلها على بعها مره واحده كومنتاتك كلها بتقلق الناس صدقنى

شكرا لزوقكم يا محترمين
بس على فكرة احنا بنتمنا ليكم الخير دايما
بس بنحب انكم تاخدم الامور بواقعية مش كلمتين فى الجرايد يودوكوا ويجيبوكوا
ويفضلوا يكتبوا اى كلام عشان يحققوا مبيعلت اكتر على حساب نفسية الطلبة
اقسم بالله احنا اتعمل فينا اللى ما اتعمل من الجرائد دى قبل التنسيق السنة اللى فاتت
وفى الاخر كانت الصدمة
وطلع كل كلامهم كذب الكذب ربنا يحاسبهم بقى على اللى عملوة فينا
خدوا الامور بواقعية عشان تكون اقرب للواقع اللى هيحصل
واستنوا النتيجة و بعدها هيظهر كل حاجة

لو عايز تتكلم بقي بالأرقام
http://s8.postimg.org/8qfsgqu51/image.jpg