ده نتائج المرحله الاولي

اداب وتربيه اساسي ==> هيكون مسموحلي فيها قسم لغه فرنسيه او انجليزي ؟


وبردو ممكن الاقي مكان تجاره انجلش ولا لا ؟؟

انا معايا روابط امواقع تفيدك بس لازم مشاركاتي تبقى اكتر من 25 =(

عموما دي الكليات المتبقية لجامعة القاهرة:


- دار العلوم جامعة القاهرة

- حقوق جامعة القاهرة

- نوعية فنية جيزة

- نوعية موسيقية جيزة

- نوعية جيزة

- دار علوم انتساب موجه جامعة القاهرة

- آداب القاهرة

- رياض أطفال جامعة القاهرة

- حقوق انتساب موجه جامعة القاهرة

- تجارة انتساب موجه جامعة القاهرة

- آداب انتساب موجه جامعة القاهرة


وبالنسبة لغة فرنسية صاحبتي لسه سأله فيها لانها جات لها آداب القاهرة فيها شروط انك تكون خريج مدرسة ليسيه يعني مدرسة فرنسية
اما اللغة الانجليزية فلازم مجموعك في الانجلش يكون 48 وكمان لازم تكون واخد المستوى الرفيع انجلش

اما لو واخد الماني او ايطالي فده موضوعه يختلف عن الفرنش بيعتم على مجموعك فيهم

عموما بالتوفيق

الف شكر يا غالي :) علي المساعده

يا رب
ربنا يوفقك و يوفقنا ان شاء الله

بس سؤال غريب شويه
احنا ممكن نلحق تجاره انجلش ولا لا ؟؟

يا جماعه انا دخلت علي التنسيق ومش لاقي تربيه

يعني عندي اداب و حقوق و تجاره :(

ممكن يكون في تنسيق داخلي لتجاره انجليزي ولا انا كده خلاص ؟!!! :(

خلك أملك في ربنا كبير وإن شاء الله حتلحقها باذن الله

بس خليك داايما فاكر ان الخير ليك هو اللي حتشوفه فمهما كان اللي جالك اقبل بيه ومتضعيش وقت في التفكير بحاجت محبطة بالعكس فكر ازاي تستفاد اقصى استفادة من الكلية دي

وحط في اعتبارك اي كلية ادبي لما بتتخرج منها مالهاش لازمة .. بس علشان تلحق وظايف محترمة لازم تهتم بالتقديرات جيد وجيد جدا وامتياز تمام ويكون ليك نشاطات جامعية كويسة تقدر تذكرها بعد كده في ال cv

بدول تقدر تاخد دراسات عليا من اي جامعة انترناشونال وتشتغل برا وتسافر وتعيشي بقى بس لازم تفكر صح

حبيبي والله :)

بس الناس بتقول ان التنسيق الداخلي في التجاره اتلغي من 2011 يعني مش هلحق كده تجاره انجليزي للاسف :(

قدامي 3 كليات بس مش اكتر (( اداب - حقوق - تجاره ))

وانا كده بقيت محتار اكتر

كان آملي ان انا ادخل تربيه او تجاره انجليزي

انا مش بافهم اوي في التنسيق بس في موضوع هنا عنوانه "حد يفهمنى و النبى "

وفيه اللي فهمته ان مش كل اللي بيتكتب تقدر تدخله والعكس

بس اللي عليك لو تقدر تسجلها خلاص سجلها في الرغبات اديك حاولت

بس انا مش فاهم ازاي جات لك من التلات كليات تجارة وبعدين تقول كان املى تجارة انجلش هى بتختلف؟

دوس يا عم وملكش دعوة

مفهوم لانها بتكون 42 رغبه اكيد مش هتقدر تدخلها كلها التركيز بس بيكون علي اول الرغبات مش اكتر من كده
كان زمان اقدر ادخل تجاره واعمل تنسيق داخلي اللي هو مجموع كبير في نتيجه الثانويه في ماده الانجلش
دلوقتي بقت كليه تجاره انجليزي كليه مستقله يعني مش تخصص او شعبه من كليه تجاره
يعني بقا ليه اتنسيق لوحده


ادوس ازاااااي يا معلم
اصلا التنسيق علي الموقع بالاختيار مش كتابه :(
ومش لاقي فيها تجاره انجليزي :(

اها والله اول مرة اعرف .. خلاص شوف الاحسن ليك دلوقتي بين التلات الكليات اللي قلت عليهم وتوكل على ربنا

وزي ما قلت لك اي كلية ادبي لما تختارها اختار على اساس انت حتحب تشتغل فيها وتذاكرلها اما الوظيفة فانا قلت لك بتيجي ازاي لان كل الكليات الادبي الخريجيين فيهم واااااحد اللي بيخليك تشتغل كويس هو التقديرات والدراسات العليا

المستقبل قدامك بطل يأس واحباط بالعكس دي حياة الجامعة حلوووة اوووي اهم حاجة انك تبقى مركز وحاطط عينك كويس على مصلحتك

آداب حلوة على فكرة وزي اعلام في الوظيفة لو عايز تطلع صحفي
من آداب تقدر تدخل آداب انجلش او فرنش او الماني او ايطالي زي ما قلت قبل كده

وكذلك الحقوق بس لازم تكون واخد لغة فرنسية لغة تانية وفيها حقوق انجلش وفرنش كمان

كذلك تجارة بس انا اعرف ان اغلب الطلبة تجارة عربي فالمجال فيه الشغل ضعيف

ربنا يوفقك للي فيه الخير وابقى طمنا عليك =)