|
بتهيقلي مجالات الشغل فيها محدودة... هي اه كليه ليها اهميه طبعا... بس محدش في مصر بيقدر ده.. عشان كدة كل لما بنسأل حد عن الكليه دي بيبقي الرد سلبي
|
اقتباس:
المهم الحد الأدنى بتاع محافظته بس ( بنها ) ... مالوش دعوة بأي كليات تربية تانية لأن تربية أصلاً كلية أقليمية ... زي مثلاً طب الوادي الجديد بيقبل من 96 مثلاً بس ماحدش يقدر يدخلها أو يحول ليها الإ لو كان من الوادي الجديد ... يعني تربية تنسيقها بيبقى على مستوى المحافظة وبس ... لكن هو ممكن يعمل محاولة في التحويل الإلكتروني ويكتب تربية بنها بس أول رغبة ومايكتبش تربيات تانية علشان التحويل مايرفضش ... يمكن يكون حظه حلو وتنسيقها ينزل شوية :) ... بس نصيحة منى حاول تفكر في كليتين إنت ضامن مجموعهم وحابب مجالهم وتكتبهم في باقي خانات التحويل ... إنت ليك 3 رغبات ... إكتب الأولى تربية بنها يمكن يكون حظك حلو وتطولها ... والرغبة التانية والتالة كليتين إنت تكون حابب مجالهم وجايب مجموعهم أو على الأقل أقل من مجموعهم بنص درجة أو درجة ... بس خلي بالك إنت ليك تحويل إلكتروني مرة واحد ... هايفتح بعد العيد لمدة يومين بس مش زي التنسيق بيقعد أسبوع وكده ... على فكرة تجارة ممتازة بجد :rolleyes: ... واحد صاحبي جاب 90 % في علمي رياضة ودخلها ومارضيش يدخل تربية ... تجارة مجالها أحسن وأوسع ... كمان عندك آداب ودي مضمونة ليك لأنها بتقبل أقل من تربية بحاجات بسيطة ... ده لو إنت حابب مجال التدريس ... بتتخرج من أدآب وتعمل دبلومة 6 شهور وتبقى زيك زي تربية بالظبط :rolleyes: ... وتتعين زيه بالظبط :rolleyes: ... |
انا فاهمة طبعا يا مينا موضوع الكليات الاقليمية ده , ده بالنسبة لبيطرى الوادى بس على فكرة اه وكمان مطروح بردو , لكن هو لو كان كتب من الاول كل كليات التربية كانت هتجيله واحدة منهم طبعا وبعد كده يحول , حتا لو مش من محافظته
التربيات كلها مش اقليمية ولا حاجة على فكرة , عشان كده بقوله كان لازم كلهم يتكتبوا الاول عشان التحويل الالكتروتى مرة واحدة ....... اه بالمناسبة انت لحقت حاسبات ولا ايه طمننا ؟ ^_^ |
حضرتك التربيه اقليمي ومش هيروح تربيه فاي مكان غير بلده
|
اقتباس:
للأسف يا ياسمين حاسبات طارت منى على نص درجة :( قبلت من 382 وأنا جايب 381.5 :( ... سمعت إنها ممكن تاجي في التحويل الإلكتروني ... المهم أنا دلوقتي محتار بين هندسة العاشر ( اللي جاتلي في التنسيق ) وتربية رياضة ... رأيك إيه ؟؟؟ ولا إنتي ليكي رأي تاني ؟؟؟ وبالنسبة لموضوع الأخ اللي عمل المشاركة دي أنا متأكد 1000 % إن كل تربيات إقليمي وماينفعش يحول خارج شريحة ( أ ) بتاعته ... |
اقتباس:
اه سوري نسيت ... كل سنة وإنتي طيبة ... وكل إخواتي المسلمين طيبين وبخير ... عيد سعيد عليكم يا رب ... وبإذن ربنا السنة الجاية مصر تكون أحسن بلد في العالم يا رب :) ... |
اقتباس:
معلش قدر الله وما شاء فعل متزعلش :) أنا رأيي هندسة العاشر طبعاااا بس شفت كذا حد هنابيقول على نظامها صعب وعايز تموت نفسك مذاكرة من الأول عشان تمشى فيها ,انما غير كده ممتازة , وانت ما شاء الله كنت جايب 93 تقريبا على ما اذكر يعنى اتوكل على الله وقدم ;) ربنا يوفقك ويختارلك الخير :) |
| جميع الأوقات بتوقيت GMT +2. الساعة الآن 02:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.