|
اقتباس:
او بتفكرى تدخلى ايه باذن الله؟؟ |
ناويه طبعا اعمل تظلم ان مامكنش هادخل باذن الله معهد فني صناعي وادعيلي ربنا يوفقني او هندسه خاص لسه محتاره رأيك ايه
|
والله انا التوززيع الجغرافي كمان بعبع بالنسبة لي
أنا جايب ..95.7 وولأسف هدخل أسواء كلية هندسة في جمهورية مصر العربية [كفر الشيخ] رغم اني اعلى ممن أى هندسة فى الجمهورية ..! كلها قوانين زفت..زي الامتحانات. بص لو الحوار بتاعك ده طلع هينفع قول لأن برده انا بالشكل ده اقدر احول اسكندرية لان لنا شقة هناك ووصول مية وكهربا وكده |
اقتباس:
انا عملت تظلم فى الفيزيا وباذن الله هروح يوم السبت اتفرج على الورقة وانصحك بالتظلم ده وكمان بصراحة بلاش حكاية معهد صناعى دى انتى باذن الله ربنا يكرمك وادعى ان ربنا يكرمنى انا وانتى وكل اللى اتظلموا فى حكاية التظلم دى وقبل ما تعملى اى حاجة استخيرى ربنا(سبحانه وتعالى) هو اعلم منى ومنك (اسالينى انا) والله مجربة الاستخارة |
ربنا يارب يوفقنا يارب وقوليلي صحيح اعمله ازاي واروح فين وجايبه كام في الفيزياء
|
اقتباس:
علشان انا منها بتروحى ادارة الامتحانات ويكون معاكى ولى الامر (باباكى او مامتك) وتكتبى شوية بيانات اسمك ورقم جلوسك وتليفون البيت وبعد كده بتروحى بنك (مش فاكرة اسمه) تدفعى 100 باوند وتاخدى ايصال وتروحى تاااااااااااااااااااااااااااااانى ادارة الامتحانات تعرفيهم انك دفعتى وتديهم الايصال اللى معاكى وهما هيقولولك تيجى امتى وكل اللى بيحصل انهم بيجوبولك ورقة الاجابة بتاعتك بس مصورة واتفرجى بقى على الحلو كله وبيدوكى ورقة تكتبى فيها الشكوى بتاعتك وتتابعى ايه النظام على التليفون معاهم اما بالنسبة لدرجة الفيزيا انا مش مصدقة والله لسه ان دى درجتى لما اصدق هقولك والله لانى حاسة انى فى كابوس منها اهم حاجة فى الموضوع ده انك تكونى رشيقة اوى لانك هتلفى مصر كلها (مشوار جااااااااامد جدا) وربنا يكرم وهبقى اطمن عليكى برضه |
ربنا يخليكي ليه بس خدي الحياه ايزي ياعزيزي اقولك علي حاجه انا تقريبا حليت 5 كتب فيزياء غير الدليل والوزاره وغير ورق المدرسين وكل حاجه جت في الامتحان تقريبا مرت عليه في الدرس وكل ده ملهوش لزمه اللي تعبني انه اللي كانت ورايا في الامتحان خدت مني كل حاجه وجابت اكتر مني مش عارفه والله ايه الظلم ده اذاكر وغيري ياخد مجهودي وحصل ده كمان معايا في الرياضيات
|
اقتباس:
وانا رفعت شعار لا اغش ولا اغشش ولا بخلى اللى حواليا يغشوا علشان اعرف اركز يعنى اللى بيعرف انه موجود معايا فى اللجنة بيبقى عارف ان حد دعى عليه انتى بتقولى كده امال انا بقى اعمل ايه انا كنت مخلصة الكتب لدرجة انى بقيت اقول لماما انا هعيد حل الحاجة تانى لحسن منسهاش المشكلة مش فى كده انا كنت راجعة من الامتحان مبسوطة وكنت بهزر مع المدير بتاع اللجنة كمان مشتكتش والله ان الامتحان كان صعب او حاجة بالعكس كنت راجعة البيت بقولهم بكتيرها 48 واظاهر ان ربنا ما اردش المشكلة ان حراااااااااام الحاجة اللى تحبيها وتتعبى فيها وتموتى علشانها كمان يحصل معاكى كده فيها مش عارفة ليه ياترى هو ربنا غضبان عليا ولا ايه انا مش عارفة عملت ايه علشان يحصلى كده مش عارفة افكر ومش عارفة ادارى فى البيت زعلانة على الدرجة دى وزعلانة على تعبى اللى رااااااااااح وتعب اهلى معايا حسبى الله ونعم الوكيل بجد انا بقول ربنا يصبرنى و(ان كان هذا خير فزدنى منه وان كان شرا فاصرفه عنى) ياللا انا مقدرش اقول اكتر من اللى قلته حسبى الله ونعم الوكيل اللى ربنا رايدلى فيه خير هو اللى هيكون وربنا يكرمنا كلنا وانا هستنى بجد اطمن عليكى هتروحى امتى تعملى التظلم؟؟ |
والله كلامك كله حكم المهم هاروح النهرده ووراهم وراهم لحد مجيب درجتي الحقيقيه
|
اقتباس:
انتى هتروحى تدفعى النهاردة بس ويعنى هتلفى على اللفة بس وهما هيقولولك تيجى امتى تشوفى الورقة بس انا علشان اعمل ده كلوا خرجت انا وماما الساعة 7.30 يعنى المفروض تلحقى تروحى وربنا يكرمك باذن الله |
ماشي ياعسل وشكرا علي النصائح بس ماما في الشغل دلوقتي وهاتيجي 2.5 يعني انا خايفه ماحقش ويقفلوا الباب بتاع التظلمات
|
اقتباس:
متخافيش الباب مفتوح متخافيش مش هقولهم يقفلوه علشان هو بيتقفل فى نهاية شهر 8 او بداية شهر 9 وبعدين بلاش عسل دى لحسن النمل يطلع على الكلمة ويصدق:D:D |
خالله يطمن قلبك زي ماطمنتيني وبلاش عسل ياستي خلاص ياسكر بس بجب بيتقفل متي
|
اقتباس:
وسكر هتلم النمل اللى فى المنطقة كله عليا بيقفل فى شهر 8 او بداية شهر9 لو بتسالى على معاده اليومى فوالله معرفش اصلى ملتزنة بروح بدرى علشان الخص بدرى بدرى وقول اللى انت عاوزه يا جمييل مش مهم النمل انا فداكى ولا يهمك |
شكرااااااااااااااااااااااااااااا بجد مش عارفه اقولك ايه افدتيني كتير بعيد عن النمل والسكر وياريت نبقي صحاب
|
| جميع الأوقات بتوقيت GMT +2. الساعة الآن 03:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.