إيه يا جماعة الكلام الغريب اللي انتم بتقولوه ده ..
معلش يعني كده العك كتر.
شوف يا عم رؤوف الله يصلحلك الحال..
كل الكليات عليها توزيع جغرافي والاستثناء على ال300 الأوائل من كل شعبة بس (يكتبوا اللي هما عايزينه .. حقهم)
وفي التنسيق الإلكتروني إنت مجبر تلتزم بالقواعد ... لإن أصلا برنامج التنسيق مش هايسمحلك بغير كده... ومش هايقبل الرغبات إلا بالتوزيع الجغرافي المتبع.
ثانيا : التوزيع بيبقى على حسب الإدارة التعليمية اللي انت خدت فيها الشهادة ..مالوش دعوة بحوار انت ليك سكن فين
ثالثا : تعليم القطاع الهندسي في مصر موحد ..مع طبعا وجود اختلافات .. بس الاختلافات دي الاستثناء مش الأصل يعني كله محصل بعضه ..
يارب تكون استفدت حاجة.
شكرا

اولا يا مان بلاش كلمه العك كتر دى
انا طالما مش متاكد قلتله هسالك بكره
ودا كان النظام على ايامى يعنى من سنتين
وبعدين انا كنت عامل الموضوع على الاستفسارت عن الكليه
مش دخولها ولا التنسيق
بس هو طلب منى المساعده فى حاجه انا مش متاكد منها
فقلته هسالك وانا معرفش ان النظام اتغير
ووضحلى الكلام اللى انا مظلله بالاحمر دا
عشان دا بقى انا اعرف اتكلم فيه
وشكرا لمشاركتك يا مان

عندي سؤال يا خلود بالنسبه للمعاهد الخاصة أنهي الأسهل هندسة حاسبات ولا حاسبات و معلومات ؟ و أنهي فيه فهم أكتر من الحفظ ؟
شكراُ جزيلاً

92ز2% هندسة

يا جماعه التوزيع الجغرافى حيطبق عادى علينا
وانا سالت بابا على اللى انتا عايزه يا رؤوف
وهو دكتور فى حاسبات ومعلومات (اسيوط) وكان فى هندسه
المهم قالى ان انت تقدر تيجى عادى لو مجموعك اقل من هندسه بورسعيد
اما لو كان اعلى فمش حينفع غير انك تاخد اعدادى هناك و تيجى اسيوط
اما حوار المحكمه فبابا قالى ان هو حينفع وحتمشى معاك الحكايه
مع انى مش بالعاها قوى و شامه فيها شبهه تزوير
المهم

يبقى عادى مادام انت عديت اعدادى
وبتقدر تلم شمل العائله
وده من قواعد الوزاره

هو حضرتك متاكد ان فيه معاهد بالاسم ده
هو انا اعرف كليه الحاسبات و المعلومات
او كليه خاصه بس معهد لا
عموما هو فيه معهد كمبيوتر فى سوهاج كويس
ومصاريفه مش غاليه قوى
وحاول تدور تانى
فى رعايه الله

هو الواحد لما يبقى فى المرحلة الاولى يضمن الهندسة ولا مش شرط؟؟
ريحونى الله يريحكم

بص يا سيدى
انا هكلمك على اقسام هندسه اسكندريه
عشان دا اللى متاكد منه والله
انما المنصوره برده سهله ليا اصحابى فى هندسه المنصوره
وهسئلهملك برده
فى قسم الحاسب ودا اعلى قسم عندنا
ممكن ياخد من جيد جدااااااا وطالع طبعا
وممكن ينزل لجيد مرتف
بعديه قسم كهربا ودا بياخد من جيد
بعديه قسم ميكانيكا باور
ودا بياخد من مقبول بس عالى شويه يعنى مش كل المقبول
بعديه مدنى ودا بياخد من مقبول
وسمعته عندنا زى الزفت لانهم بيقولوا ان كل الفشله بيدخلوا مدنى
ما علينا
فى بقى اقسام رمرمه
زى الغسل والنسيج وميكانيكا الانتاج وهندسه بحريه
واقسام تانيه مش ليها لازمه هم دول اللى عليهم اقبال وبيشتغلوا
وفى اقسام خاصه عندنا بفلوس زى الهندسه النوويه
بس يارب اكون افدتك
انا عارف انك عايز اللى فى المنصوره
بس والله دا اللى اعرفه وهسالك برده على المنصوره ان شاء الله
بس استحملنى هو دا اللى اعرفه بجد

قولى انتا جايب كام وانا وقولك رايى

لا عادى جدا جدا
طالما مش شايل 3 مواد
يبقى ينفع تحول
ولو كان معاك مواد هتاخدها معاك للكليه التانيه
بس فى ملحوظه مهمه جداااااااا
فى ماده كانت علينا فى اعدادى اسمها الرسم والاسقاط الهندسى
فى بعض الكليات بتعتبر الرسم ماده والاسقاط ماده تانيه
وممكن تنجح فى واحده وتسقط فى واحده عادى
انما عندنا فى اسكندريه
الاتنين بيعتبروهم ماده واحده
ياريب تكون فهمت انا عايز اقول ايه
بص يا سيدى
ممكن تكون ناجح فى كليتك فى الرسم وساقط فى الاسقاط مثلا
لو جيت اسكندريه تاخد الاتنين الرسم والاسقاط
فهمتنى
يارب اكون افدتك

والله مش عارف المعاهد الخاصه يا مان ايه ظروفها
وبعدين معهد حاسبات ومعلومات جميل والله
انا اسف والله ياعم ايمن انى مش عرفت افيدك والله
بس بجد معرفش حاجه عن المعاهد الخاصه

ايه يا جماعه فين الاسئله ؟
خلاص هوزد العمليه شويه
هخليها كبايه شاى وخمسه جنيه :p:p