|
h اخى الفاضل
لن يكون هناك حل الا فى حالة واحدة وهى اذا امتنع جميع المعلمين عن التقدم للاختبار واعلنوا رفضهم بالامتناع هذا هو الحل من وجهة نظري واعلنوا رفضهم لنظام الكادر واصبحوا يدا واحدة واعتقد اننا لن نر ى هذا اليوم لاننا مازلنا نعيش حياة الخوف على الرزق وعلى العمر علما بان الرزق والعمر بيد الله |
اتفق مع رأي الاستاذ 2006 هو ده الحل الوحيد و المتاح و انا شخصيا نفذته فعلا
و بلاش و النبي الكلام الاجوف بتاع الاخ / اسامة و لا هو خالف تعرف |
انا اتفق معكم فى الغاء امتحانات الكادر ولا هما بيمسكونا من ايدينا الى بتوجعنا عايزين يطوروا التعليم يعملوا دورات وتدريبات لينا
|
انا معاك بس الدولة مابتسألش في حد في اكثر من شعب دمياط علي مصنع اجريوم الحكومة ضحكت عليهم قالت لهم انه سوف تنقل المصنع وبعد ماهدأت العملية اعلن د. نظيف ان الدولة لن تردخ لاحد
|
االاخوة الاعزاء
علينا ان نجرب ان نتفق على راي واحد ثم نري ماذا سيحدث لايجب ان نكون فريقين لانه فى النهاية لن يحصل على الكادر احد وذلك ليس لضعف مستوى المعلمين ولكن لان الوزارة على ما اعتقد تورطت فى موضوع الكادر وتبحث عن حل لعدم تنفيذه وكان الحل اختبارات الاكاديمية والذى سيقوم بوضعه اساتذة الجامعة الذين يعتقدون اننا ما زلنا نتذكر الكلام الشفوى والرسائل التى يجيدونها ولا يفهمونها فهم ينقلون معلومات ولا يبتكرون معلومات اننا نراهم يتحدثون عن المعلمين ومستوياتهم ونسوا انهم هم السبب واتحدى اى متخصص منهم يستطيع ان يؤدى بنصف مستوى اى معلم |
أنا معكم قلبا وقالبا
|
والله يا إخواني موضوع الامتحانات من حيث المبدأ ممتاز ومفيد ومُمِّيز ... ولكن بهذه الطريقة وربطه بزيادة المرتبات سيىء ومهين ومغيظ ..!!! وأصبحت سيرتنا على كل لسان ....
إيه المشكلة لو أن الوزارة تعمل للمدرسين دورات تدريبية وامتحانات دورية .. وتربط هذه الأشياء بحوافز تشجيعية مادية ومعنوية .. وتحفظ لنا كرامتنا ... ولكن الظاهر إن إن إهانة المدرسين منهج يدرسه السابقون للاحقين من ( أسيادنا ) المسئولين .....وحسبنا الله ونعم الوكيل!! :cool: |
ايخه يا جماعة كلكم رافضين امتحان الكادر ليه
اشمعني لما قالوا أمتحان Icdl الكل وافق وامتحنا وخلاص ودلوقتي عشان فيه امتحان تخصص ها نرجع في كلامنا أكيد يا جماعة الامتحان مفيد سواء ايجابي أو سلبي لأنك لو نجحت خير وبركة أطمأنيت علي نفسك و ولو سقطت لا قدر الله ها تذاكر وترجع تمتحن تاني وها تنجح برضه |
اقتباس:
يعنى أجريوم و الكادر ربنا يرحمنا إيد لوحدها ما تسقفش النقيب الله يرحمه من حقنا زى أى حد فى العالم كله نختار نقيبنا هى فين الانتخابات؟ و فين .... و فين ..... حاجات كتيرة من حقنا فين هى؟ أنا لو هسقط فى الكادر ميهمنيش لأنها مسألة مبدأ مش خوف من امتحان لو كل اللى فى الدولة من الموظفين بيمتحنوا ماشى أنا موافق بس أشعر إنى أنا الحيطة المايلة و بلائحة غريبة عجيبة لا يقرها دستور و لا قانون و لا عقل فأنا آسف ده مش طبعى لأ و ألف لأ. ثم بيدونا كام يعنى قبل كده و هيدونا كام و الأسعار بقت كام؟ اللى عايز يسيب حقه فى الكادر هو حر خصوصا اللى بيدى دروس بس هل الدروس باقية؟؟لأ طبعا كمان لا قدر الله حصل لك حاجة ده رزق أولادك و معاش النقابة و خدماتها الهزيلة لازم تتعدل لأنها برضه رزق أولادك الريس و الله ما قال لهم يعملوا كده و يلوعونا الريس قال فى دمياط هنا كادر المعلمين ليضمن لهم حياة كريمة الريس ما قالشى لهم يهزأونا الريس بيحب المعلمين و الحكومة مش بتنفذ كلامه ده يصح ان الحكومة ما تحترمش الكبير و أبو كل المصريين؟ ده اللى يجب وسائل الإعلام تعرفه و يتنفذ الكادر بنسبة زيادة معقولة زى أى فئة محترمة ربنا يهدى الجميع و يسمعوا كلام الريس و ينفذوه صح سلام |
الإمتحان في حد ذاته ليس فيه أدنى اهانة لكرامة المعلم وهو ليس جديدا على المعلم ولكن الخطأ في الربط بين الإمتحان وتطبيق الكادر ، اذا كان الإمتحان فقط للتسكين على المسميات الجديدة فهذا لاغبار عليه لأن ذلك هو ماكان يحدث بالفعل اذ كان لابد من اجتياز دورات تدريبية عند الترقية للوظيفة الأعلى ولكن تطبيق الكادر لايجب أن يكون مرتبطا من قريب أو بعيد بالزيادة في المرتبات ، ثم ان كادر ايه الذى تتكلمون عليه ، اخواني والله لو أعطوا المدرس كحد أدنى 2000 جنيه في الشهر لن يستطيع أن يعيش عيشة كريمة في ظل هذا الغلاء الذي نعيشه ، وطالما أن المدرس لايستطيع أن يعيش عيشة كريمة فلن يكون هناك تعليم في مصر ومن سئ لأسوأ ان شاء الله حتى يتم وضع آخر مسمار في نعش هذه الأمة التي لايقدر المسئولين فيها المعلم الذي يربي ويعلم شباب المستقبل الذى ســــــــــــــــــــــــــــــــــــييييييييييييي حمى مصر
|
انا ضد الامتحان
وضد الاهانة للمدرسين وضدربط الكادر بالامتحان |
ممكن نترابط ونحاول أن نكون إيد واحدة .............................................ولكن إذا أردنا
|
بصراحة الامتحان المزعوم لن يقيس مستوى المعلمين ، وكذلك لن يرفع مستواهم ، ولن تزيد رواتبهم ، وحتى لو زادت فلن تتماسى مع الأسعار التى ترتفع بصورة جنونية ، ربنا معانا ، ويارب يسر لنا كل أمر حتى نستطيع توفير سبل العيش الكريم لأبنائنا ... صلاح القاضى
|
اقتباس:
الاخ العزيز/اسامة هل لايوجد طريقة لزيادة المعلومات غير الاختبار الا يمكن زيادة المعلومات عن طريق التدريبات الجادة اخى الفاضل ارجو الا تسخر من زملائك واتهامك لهم بانهم ضيعوا هيبة المعلم وكرامته ولكن اتهم من جعلهم يصلون الي هذا الحال |
يعنى احنا بنقول ان التعليم بايظ لأنه بيعتمد على النظرية يقوموا يقولوا ان المعلم لما يمتحن فى سؤال تربوى ويسألوه ما هى الخبرة وحفظها وكتبها فى الاختبار يبقى كدا هو يستحق ياخد فلوس الكادر حتى ولو لم يعمل بجد وتعب وخبرة وشغل ومجهود فى الفصل
|
| جميع الأوقات بتوقيت GMT +2. الساعة الآن 08:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.