|
يعنى انا برتاح جدا فى جرس الفسحة وبعدين جرس الفسحة مش بيبقى نشيط العصر والظهر بينشط بعد السلعة 12
|
بصراحة الكلام ميزعلش حد
و فعلا حضرتك عندك حق وياريت يا جماعه فعلا ندخل و نمر على جميع اقسام المنتدى كلها اكيد هنستفاد اكتر |
هى المشكلة مش فى اننا
ندخل على جرس الفسحة ولا لا المشكلة اننا نهتم بجميع الاركان و مش جرس الفسحة بس اللى عايز تنظيم المنتدى كله بقى سمك لبن تمر هندى الحكاية عايزة واقفة بجد |
انا هقول لحضرتك ليه القسم دا بالذات عليه اقبال الايام اللى احنا فيها دى كلها مشاكل واحزان وبلاوى طبعا مش كل حياتنا يعنى بس فيها كتير برده قسم جرس الفسحه دا عامل زى افلام الكوميدى افلام الكوميدى دلوقتى هيا اللى ليها الرياده عشان بتنسى الواحد همومه وبتخليه يضحك ويفرفش بالظبط نفس الكلام مع جرس الفسحه الناس كلها طالعه من الثانويه حالتهم زفت عشان كدا بيحاولوا يضحكوا ويهزروا واعتقد ان جرس الفسحه هو القسم الوحيد اللى يقدر يعمل كدا هو حضرتك عندك حق فى اللى انتى قلتيه ولازم تبقى المشاركات فى كل الاقسام بس يالا بقى هى الحاله كدا وطبعا دى وجهت نظر يعنى اى كلام اللى مقتنع بيها يرفع ايده :p:p |
تعرفوا يا شباب
انا بفكر ادخل جرس الفسحة اشوف تفكيركم هناك ازاى اشوف نشاطكوا هناك ايه اشوف كلامكوا لانى تقريبا مش بدخله خالص ومش عارفه ليه مش بيشدنى خالص |
اقتباس:
انا بدخل فى جرس الفسحة لان الاقسام الباقية مش بقت زى الاول وفى اعضاء متفقة معايا فى كلامى ده انا بحط اهتمامى فى الركن العام وحضرتك اكيد عارفة الركن العام لكن هل الركن العام دلوقت زى الاول؟؟ هل الاقسام الباقية زى الاول؟؟ رفعنا شعار تطوير المنتدى ومستر عبقرينو كان معانا بس فين التنفيذ يمكن دبوقت موضوع نقاش يتحط فى اى حتة موضوع دينى برضه فى اى حتة مش فى مكانه المخصص الكلام ده محتاجله واقفة فعلا ويمكن علشان كلامى ده انا ومعايا اعضاء تانى بقينا فى جرس الفسحة لان الموضوع بقى يضايق لو وقفنا وغيرنا الاقسام واهتمينا بيها هترجع كل حاجة زى الاول ومعلش يا مس جنة بقى على التطويل بتاعى |
شكراً على الموضوع
|
سلام عليكم اولا انا واحد من اللى بيدخلو قسم جرس الفسحة وبجد انا بكون مبسوط جدا في القسم ده بلاقي الناس فرحانة ولو بالكدب بس بحس انى بلاقي كل واحد بشخصيته وده اكتر قسم بيساعد الاعضاء انهم يعرفو بعض وانا مش شايف ان ده عيب اننا ندخل القسم ده ودليل ان الاساتذة بيدخلو كمان زي الاستاذ المحترم محمد سرور فمينفعش انى اقول ده قسم عايز الحرق وانه ملهوش لازمة انما اننا نوازن بين الاقسام ده صح وضروري ومش موجود عند كل الاعضاء وانا الحمد لله متهيالي موجود في كل الاقسام بس في حاجة بقي هو ليه ده اكتر قسم عليه اقبال ايه اللى بيفضله عن غيره من الاقسام لازم نعرف ان القسم مواضيعه بتفرح انما بقية الاقسام زي الركن العام تقريبا كلها مشاكل يمكن ده سبب ثانيا تقرببا اللى بيخش القسم ده بيكونو من اعضاء المنتدي المعروفين بخلاف القسم العام اللى اول ماحد بيسجل ف المنتدي بيخش فيه وبيعمل مواضيع كمان عن اي حاجة عنده من غير مايعرف ده مكانه ولا لا فمتهيالي اهم سبب هو عدم وجود نظام في الاقسام وخاصة الركن العام بدليل ان ده اكتر قسم بيحصل فيه خناقات والموضوع بيتحذف يعديييييييين بعد مايكون اللى بيتخانقو زهقو من الخناقة وبالنسبة للاقسام الدينية مش مهجورة بدليل ان الاعضاء بيخشو الاقسام دي (قليلين ) بدليل ان في مسابقة موجودة في قسم حي علي الفلاح الاعضاء متابعنها وغيرها من الموضوعات ومش حكاية ان عضو يحط موضوع وميلاقيش رد غير من اتنين او تلاتة يقول القسم مهجور فمعروف ان في اعضاء كتيييييير بيتفرجو ويمشو من غير رد والمفروض ان اللى بيحط معلومة في الاقسام الدينية مش بيستني شكر عليها ويمكن المشكلة في عنوان بعض الموضوعات اللى مش بيشد مع ان الموضوع بيكون جميل جدا او المغزى من الموضوع ساعات بيكون حاجات غريبة شوية عن واحد ممكن يكون بيصلي بس والمفروض الاقسام الدينية دلوقتي في ترشيح علي اشرافها يبقي لازم اللي مرشح نفسه يحط مواضيع وينشط القسم ويورينا هيعمل ايه لو بقي مشرف عشان نختاره وتقريبا قسم حي علي الفلاح مش بشوف فيه حد غير الاخت اية من الله واعضاء تانين مش مرشحين نفسهم لاشراف القسم ولا هو الاشراف بنلون الاسم بالازرق بس:rolleyes: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وشكرا بجد يااستاذة رانيا علي اهتمام حضرتك بالمنتدي وموضوعاتك اللى بجد دايما ليه مغزي جميل وده من اهم خطوات الاصلاح;) |
اقتباس:
قال ايه مخالفه للقوانين ومواضيع النكت دي اكتر مواضيع بتضحك في القسم ده اكبر دليل انك مش فاهمه في القوانين بتاعة القسم اقتباس:
وفي ناس بتدخله علشان تفك عن نفسها بس صدقيني هيزهقو منه زي مانا زهقت |
بصراحة ميس رانيا موضوعك مفيهوش حاجة تزعل
بصراحة قسم جرس الفسحة فيه حاجات حلوة كتير بس للاسف بحس ان قيه حاجات طفولية شوية المفروض انه يكون اكتر قسم فيه مرح معظم الاعضاء بيدخلو القسم ده عشان بيحاولوا يفكوا عن نفسيهم بعد ايام المذاكرة والزهق بس ده مش يمنع ان المنتدى مركز على ده بس اكيد معظم الاقسام بتفيدنا جزاكى الله خيرا واتمنى نستفيد فعلا ونطور بالمنتدى |
انا هرد علي عمرو لسببين وادافع عن المشرفه بتاعت جرس الفسحه
اولا لانها اختي ثانيا لاني شايف اللي هي بتعمله وربنا طبعا شايف قبلنا كلنا اقتباس:
وشكرا علي ردك الكويس يا عمرو |
اقتباس:
فى اقسام كتير مهملة اوى زى الاقسام الدينية هما خمسة سته ال بيدخلوا القسم ومحفظين على توازنه ياريت تتقبلوا كلامى ومحدش يزعل منى دة رأيى |
اقتباس:
اقتباس:
اقتباس:
اقتباس:
|
انا عندى اقتراح حلو اوى
الى شاددنا فى قسم جرس الفسحة هى الالعاب والمسابقات طيب ممكن نعمل مسابقات دينية قى القسم الدينى ونشترك فيها كلنا |
اقتباس:
ويكون اسلوب النقاش بينكم بدون عصبيه مشكور على المرور |
| جميع الأوقات بتوقيت GMT +2. الساعة الآن 04:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.