طب محدش يعرف ميعاد التقديم يوم ايه؟

على فكرة 44 درجتك فى الانجليزى تدخلك تجارة انجليزى مرتاح هما سعات 42 ونص فى عين شمس او 40 فى القاهرة بس بيبصوا على المستوى الرفيع الانجليزى جدا يعنى انا جايبة 46 فى الانجليزى والمستوى الرفيع 9 ونص خلونى اكتب ان مجموع الانجليزى على بعض 50 ونص

طب يا جماعة واحدة صاحبتي 44.5 انجليزي ومش واخدة مستوى انجليزي
والمجوع الكلي 359 او 359.5 مش فاكرة بالظبط
وجالها تجارة اسكندرية النهاردة (اقصد مرحلة تانية)
فينفع تدخل تجارة انجلش ولا ايه
سمعت انها بتاخد من 45 انجليزي
وسمعت انهم قدمو من زمان من بعد النتيجة علاطول مش عارفة ازاي

فياريت حد يفيدني سريعا عشان هي رايحة تقدم يوم السبت

ارجوكم عايزه حد يساعدني بجد انا جاتلي تجاره اقاليم و كمان الكليه ده مفيهاش english و هما مش كاتبين الكليات فيها قسم english او مفيهاش مش غلطتي يعني و دلوقتى لما سالت علي التحويل بيقولوا لو حولت لمحافظتي حبقي انتساب يعنى مش حاعرف ابقي تجاره english مع اني مجموعي يدخلني كليات تجاره و فيها english لكنهم كمان قالولي مينفعش احول الا للكليه الي في محافظتي ارجوكم حد يقول لي علي حل للمشكله دي بسرعه ارجوكم

المفروض انه لما يفتحوا باب التحويل انتى تحولى لمحافظتك و حيقبلوكى بس يكون مجموعك أعلى من تجارة انتظام اللى فى بلدك ولما ترجعى التجارة اللى فى بلدك تقدمى بقى انجلش
انما بعد كده فى السنين الجايه مفيش تحويل لأقسام اللغة

؟؟؟؟؟؟؟؟؟؟؟؟

ازيك يا محتاسه
صاحبتك مجموعها + مجموع الانجلش 404
دول يدخلوها قسم الانجلش بس مش فى القاهرة ولا عين شمس
بس هيا طالما معديه 40 فى الانجلش ف عادى تقدم فى الشعبة وتنتظر سواء قبلت من اول مرة او استنت فى قائمةالانتظار وبعدين حتدخل ان شاء الله
معلش على التأخير ف الرد
بالتوفيق

هاي انا جايب 43 في الانجلش والمجموع الكلي 351هو في تجاره انجلش في بنها اصلا وهل ينفع اقبل فيها علي فكره انا علمي رياضه وشكرا

ااانا جالي كلية اقتصاد منزلي عين شمس بس انا مجموعى اعلى منهاوعايزه احول تجار ة انتساب موجه المنصوره اعمل ايه؟
ااوكمان عايزة اعر ف كل حاجه عن التجار ة انتساب موجه من ناحية المصار يف و الدر اسة وكل حاجه

طب انا جايب 43.5 فى english l ومجموعى 372.5رشحت لتجارة اسكندريه ورحت ادمت قالوا مش اقل من 45 فى النجلش بس محدش قالى على حكاية قائمة الانتظار
مش عارف احول لكلية تانية ولا استنى:confused:

مش عارفة حكاية 45 عالية شوية بس مجموعك ده يدخلك تجارة انجليزى عين شمس اصل هما دايما فى تجارة انجليزى بيحطوا شروط لو واخدة مستوى رفيع انجليزى يبقى تدخلى فى قائمة الانتظار لو مش واخدة بصى لكلية تانية وانت مجموعك حلو

اولا شكرا على الرد انا رحت الكليه النهارده سمعت حاجه جديده قالولى اكتب ورقه وابعتها للعميد ويكون فيها مجموعى الكلى ومجموع الانجليزى بس انا لازم اادم ورقى فى كليه التجاره بس انا خوفت اادم عشان التحويل الخميس الجاى وبيقولوا العميد ممكن يقبلك وممكن لا والرد حيطلع بعد اسبوع يعنى حيكون التحويل اتقفل

صراحه دى حاجه تغيظ اصل محسسنى انى داخل تجاره بالعافيه:mad:

طب يا حماعة انا مجموعي يجيب تجارة انجلش بي عايز اعرف نظام الدراسة فيها ازاي علشان اجول من كلية التربية اللي جاتلي دي ممكن حد يقولي للضرورة منتظر الرد

اولا السلام عليكم انا مجموعى بالمستوى +درجه الانجليزى =413,5 تمام كده ممكن اقبل تجاره انجليزى القاهره وعلى فكره انا ادبى ولو احتمال انها تيجى ضعيف احسن ابقى فى تربيه عين شمس زى ما انا ولا احول لسياحه وفنادق حلوان ارجو الرد وشكر جدااا ليكواا فى حفظ الله

هاي انا جايب 351 علمي رياضه رشحت تجاره بنها هل ينفع ابقي انجلش علي فكره انا جايب 43 انجلش وارجوا الرد