|
اقتباس:
والله انا بجد باشكرك اوي ........ وشكرا علي نصايحك .......... وبجد بجد ربنا يوفقك ..... بس انا عايز اسألك هو حضرتك اتخرجت والا لسه او في قسم ايه ؟؟؟ |
يا عم اتخرجت ايه
انا لسه خارج من اعدادى... يعنى لسه النصايح طازة:) هيييييييييه خلصت:p:p:p |
شرا يا باشمهندس على النصايح
|
اقتباس:
|
اقتباس:
ده بسم الله ما شاء الله اللهم لا حسد جايب امتياز :D ايه رايك بعرف اكتم الاسرار :rolleyes: |
اقتباس:
ازيك يا kakatheone واهلا بيك معانا ........... وياريت تهندس معاانا دايما وشكرا علي مرورك وياريت لو عندك برضه اي معلومات ماتبخلش بيها علينا ........ وباقولك تاني شكرا علي مرورك |
اقتباس:
ياريت بجد تكون ارتحت نفسيا ............ وبجد بجد شكرا علي مرورك ........... ونتمني تكون معانا علي طووووووووول ..... وبرضه ماتبخلش علينا باي معلومات .......... ولسه ان شاء الله ناوي اكتب في الموضوع كل حاجة .......... وناوي ان شاءالله امسكها خطوة خطوة اولا بالاعدادي حتي التخرج والاقسام وجميع كليات الهندسة علشان اي حد في اي كليه يقدر يرتاح نفسيا واحنا كمان نرتاح نفسيا وبجد انا باعتبر مستر relative هو المستر بتاعنا وانه يشاركنا بكل حاجة وانا متاكد انه مش هيبخل علينا ؟؟؟ وتاني باقولك شكرا علي مرورك |
اقتباس:
اهلا بيك معانا ضيف الشرف GUIDE ويارب تفضل منورنا دايما وتفيدنا وربنا يوفقك ويجازيك عن كل الباشمهندسين خيراااااااااااا ...................... وشكرا اوي علي مرورك ............. |
|
اقتباس:
اهلا بيك معانا يابشمهندس شريف مش بشمهندس برضه ......... وشكرا علي مرورك معانا وشكرا علي الرابط بتاع حضرتك اكيد كل المهندسين هيستفيدوا منه .0.... وياريت تبقي معانا دايما وماتبخلش علينا ............... وشكرا تاني علي مرورك |
السلام عليكم ياجماعة ......... شكرا تاني للبشمهندس شريف علي كلامه الطيب وانا حبيت انسخلكم نسخة من موضوع والرابط اللي حاطه .......... وبجد باشكره جدا وباقوله ربنا يوفقك وتفضل معانا وتساعدنا وتقدملنا نصايح برضه اوك ؟؟؟
منقووووووووووول من البشمهندس شريف السلام عليكم ورحمه الله وبركاته اولا:حابب ابارك لكل اللى دخلوا هندسه ثانيا:ديه معلومات عن اقسام كليه هندسه يارب تفيدكم بسم الله الرحمن الرحيم أولا الاقسام الموجوده بكلية الهندسة بحلوان ميكانيكا 1. طبعا اجمل قسم فى الهندسة.... اللى يدخل ميكانيكا لازم يعرف انة قسم صعب جدا بس لو حتحبوا حيكون لذيذ جدا...... 2. لو عايز تدخل ميكانيكا لازم تعرف ان كتاب الفيزياء بتاع ثانوية عامة اللى درستة حتلاقى كل فصل منة بقى مادة ولا اثنين فى القسم وعلى فكرة مش معنى ان القسم اسمة ميكانيكا انك حتاخد ميكانيكا لغاية لما تموت.... لا القسم اغلبة مواد فيزيائية و تصميم...... 3. لازم تعرف ان قسم ميكانيكا اقوى و افضل قسم فى مصر على الاطلاق .... وانا بقول كدة من واقع الشغل والحياة العملية اللى برة الكلية..... 5. نطاق شغل مهندسين ميكانيكا برة كبير و مراتبتهم حلوة 6. ينقسم الى انتاج و صناعيه و ميكاترونيك ميكانيكا(انتاج) 1.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك 2.ولازم تعرف ان انتاج اصعب قسم فيكى يا هندسة على الاطلاق..... وانك احتمال 85% حتسقط سنة ولا اثنين فى النص 3. الدراسة فية 50% انتاج..... والانتاج هوة بالضبط اللى اخذتوه فى اعدادي بس بتوسع كل باب من اعدادى بيكون نصف الكتاب 4. مجال العمل يكون فى المصانع و تشغيل الماكينات فى الورش الصناعية الكبيرة و احيانا فى مجال تاكيد الجودة. - ميكالكترونيك 1. قسم جميل يجمع بين ميكانيكا و الكترونيات فى دراسته 2. مجال عملة محدود فى مصر يعنى من الاخر فى الغالب حتطلع تشتغل فى ميكانيكا او الكترونيات مش الاتنين مع بعض زي ما هوة مفروض 3. اما لوكنت حابب الموضوع وابدعت فية مش عايز اقولك انك حتبقى اية... كهرباء 1.مهندس الكهرباء بيستلم من مهندس اميكانيكا و من المجالات اللى مجال شغلها واسع جدا زي ميكانيكا 2.و مواضيع دراستها تتلخص فى كل ما يخص الكهرباء و قليل من الالكترونيات.... يعنى لو مش فاهم كهربية اعدادى او حاسس انها تقيلة على قلبك.... اياك تدخل قسم كهرباء يااما للاسف ممكن ماتطلعش منه..!!! 3.حيكون نطاق عملك فى كل حاجة و اي شركة هندسية حتكون فيها مهندس كهرباء - اتصالات 1. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج... 2. مواد اتصالات تشبة مواد كهرباء اوى لان اتصالات جزء من كهلرباء اصلا ... 3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص.... 4. و ينقسم القسم الى حاسبات و الكترونيات طبية 1.طبية هى عبارة عن خليط من مواد قسم ميكانيكا على كهرباء على مواد طبيه احياء و كيميا عضويه.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة حيكون من المتفوقين.....يعنى ياكل الزلط 2. طبعا مفيش غير حلوان و القاهرة اللى فيهم طبية يعنى اقل من 100 مهندس طبية كل سنة بيتخرج و دى طبعا ميزة 3.طبعا مفيش كلام على القسم.... بس واللى تجيلوا و مايدخلش يبقى عبيط.... بس ورينى يا حدق انت و هية حتجيبوا مجموعها ازاى ثانيا الاقسام الموجوده بكليه الهندسه بالمطريه ميكانيكا باور 1. خليط بين قسم الميكانيكا و الكهرباء نفس المواد بتاعت القسمين و مجال شغله كويس جدا - سيـــارات: 1. القسم دة قريب جدا لميكانيكا و بنصح بية الاولاد بس... بس على البنات حيقكون صعب شوية .... الا اذا كنتى ناوية تتجوزى و تقعدى تربى عيالك 3. القسم دة مفيش منة الا فى كليتين بس ...يعنى عدد المهندسين السيارات اللى بيتخرجوا كل سنة فى مصر كلها ميعدوش 300 مهندس ودة عدد قليل جدا و ميزة طبعا 4. ممكن بعد ما تخلص ميكانيكا برضة تشتغل فى مجال سيارات. 5. المواد اللى فية كلها تتعلق بالصيانة و محركات الاحتراق الداخلى و الفيزياء - بس مش زى ميكانيكا طبعا - وأنظمة التعليق وعلى فكرة المواد بتاعتهم قريبة قوى قوى من ميكانيكا بس امتحانتهم اسهل بكتيييييييييييييير عمارة 1. قسم عمارة دة بقى قسم البنات او الاولاد اللى بيحبوا يقعدوا وسط البنات...!!!! او المواهب طبعا... 2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص. 3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص 4. يعنى ممكن ايام المشاريع تقعدى شغالة مثلا لغاية 12 ليلافى الكلية 5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى- 6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين.... 8. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة مـــدنـى 2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول 3. القسم دة مشكلتوا ان تسليم الشيتات بيكون تقريبا اسبوعى طول السنة 4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية.... 5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض 6.مجال شغلة مش بطال بس فية سنة بهدلة شوية 7. واللى نفسة يبنى عمارات و سدود و كباري و انفاق يدخل مدنى على طوول اقسام خارج جامعة حلوان كمياء 1. اولا القسم دة موجود فى القاهرة و فى هندسة العاشر.... 2. قسم انا شايف انة مالوش مستقبل لانك لا حصلت مهندس بترول و ولا جبت علوم قسم كمياء.... يعنى ممكن تدرس كمياء فى مدرسة خاصة لما تتخرج. 3.مواد دراسته تتلخص فى كتاب الكمياء اللى تخذته فى اعداداى حتلاقية بقدرة قادر بقى مواد و كورسات و كتب و اتمط و اتوسع و بدل ما حتخده فى ترم حتدره فى اربع سنين ... نووية 1. القسم دة موجود فى هندسة الاسكندرية فقط.... 2.طبعا قسم حكاية و رواية وشوف بقى المجال النووى والذرى فى العالم وصل لغاية فين فى جميع المجالات 3.لما تتخرج من القسم دة حتلاقى مستقبل مشرق فى المكان الوحيد اللى بيشغل بتوع الذرات فى مصر - مع الاعتذار لجورج سيدهم - الا و هو المركز القومى للطاقة النووية و طبعا مرتب رهيب حوالى173 جنيها و لما تتجوز حيراعوا دة وحيزودوك حوال 6 جنية . 4. اما لوحتسافر برة بالتحديد امريكا انسى بقى مصر لانهم مش حيخلوك تشفها تانى بس روح بقى هناك و تبقى عالم كبير و مش بعيد تعمل قنبلة نووية.... بس لما تقف على ديلك مش حترجع مصر تانى 5. مجال دراستها ينحصر فى الفيزياء الكلاسيكية -اللى زى اللى درستها فى اولى ثانوي- و الفيزياء الحديثة طيران 1. موجودة فى القاهرة فقط. 2. قسم من الاقسام الداخلية لميكانيكا وطبعا مجال جامد و برستيج عالى جدا 3. ممكن تدخل ميكانيكا و تخلص و تعمل دبلومة فى الطيران و تبقى مهندس طيران قد الدنيا 4. نفس دراسة ميكانيكا بس مع التركيز على الايرو ديناميك بشدة.. قسم البترول و التعدين 1. هتتخرج هتبقى مهندس بترول قد الدنيا و بمرتب جامد جدا و يا سلام لو سافرت بقى بره مصر و يا سلام اكتر لو مهندس شاطر بره مصر هيدوك شقه و اقامه و تظبيط يعنى مرتبك كله فى البنك 2. بس ممكن اى مهندس تانى يروح يشتغل فى المجال ده و لو شاطر هيبقى احسن من بترول نفسه |
ايه رأيكوا يا جماعة فى قسم البتروكيماويات الهندسية فى جامعة الاسكندرية .. هو قسم خاص بفلوس لكن بيقولوا عليه حلو ..
اتمنى الافادة و منتظر معلومات عنه و نصايح منكم .. متخيبوش ظنى |
اقتباس:
أتلقى العديد من الرسائل الالكترونية من عدد من خريجي الثانوية العامة أو طلاب السنة الأولى في الكليات الهندسية وغالباً ما تدور حول سؤال واحد .. ولكن بصيغ متعددة .. فطالب يسأل .. ما هو أفضل تخصص في الهندسة .. وآخر يسأل عن أسهل تخصص .. وثانٍ يستنصحني عن قسم معين .. وأخر يسأل عن المستقبل الوظيفي للتخصص الفلاني وغير ذلك من التساؤلات التي تدل على حيرة السائلين.. إن جميع من راسلوني حول هذا الموضوع يجمعهم عامل مشترك وهو ( الحرص ) ، نعم الحرص على اختيار التخصص المناسب الذي يضمن لهم مستقبلاً وظيفياً أو علمياً جيداً. لكن الإجابة على هذا السؤال في الواقع لا يملكها أحد سواهم. نعم .. فكل شخص يعلم عن نفسه وقدراتها أكثر من أي شخص آخر. ومهما استمع الإنسان إلى نصائح غيره فهناك دائما شي في داخله يقوده ويرشده. خذ على سبيل المثال ، نحن كمسلمين نؤمن بأن طلب المشورة ضروري قبل الإقدام على أمر مصيري .. ورغم ذلك فإن الله سبحانه وتعالى أمرنا أيضا بالاستخارة والصلاة ركعتين قبل الإقدام على هذا الأمر. والحكمة من هذه الاستخارة هي أن تجعل لنفسك وقتاً للتفكير في خلوة روحانية تصفو فيها النفس وتبتعد عن كل ما يشتت التفكير ليستقر أخيراً بعد توفيق الله وهدايته على الاختيار المناسب. هل تعلم أخي الطالب .. أن العديد من الطلاب الذين دخلوا الجامعات قد غيروا تخصصاتهم على الأقل مرة واحدة خلال مرحلتهم الدراسية. وهناك من يستمر في التغيير حتى يجد التخصص المناسب له. في هذه المقالة سنحاول التركيز على بعض الخطوط والقواعد التي تساعد في التقليل من مثل هذه الحالات ، وأقول التقليل لان التغيير في بعض الحالات قد يكون ايجابياً بل إلزامياً أحياناً. اعتبر أخي الطالب مرحلتك الدراسية القادمة رحلة أو نزهة يجب الاستمتاع بها، إذن خذ بعض الوقت للتفكير في ما ستفعله قبل بدء هذه الرحلة الممتعة. إن التخصص الذي ستختاره لدراستك الجامعية هو مفتاحك الأول للوظيفة مستقبلا بعد تخرجك, ولكن الدراسات أثبتت أن الكثير من الناس يغيرون وظائفهم وتخصصاتهم في الوظيفة من 4 إلى 5 مرات في حياتهم المهنية. الخطوة الأولى التي يجب أن تركز عليها هي أن تختبر نفسك من فترة لأخرى ، واسأل نفسك السؤال التالي : ما هو العمل الذي أجد المتعة في انجازه ؟ وما هي الوظائف التي أعتقد أنها تناسبني إن التحقت بها مستقبلا ؟ أبدا لا تقارن نفسك بالآخرين .. فكل إنسان لديه إمكانياته الخاصة به ولا يمكن أن يكون نسخة كربونية من الآخرين. الخطوة الثانية هي اختبار قدراتك ، ما هي القدرات التي تمتلكها ؟ ما هي مهاراتك التي تميزك عن الآخرين؟ ما هي نقاط الضعف التي لديك ؟ ما الأشياء التي تتمنى أن تتعلمها ؟يمكنك تطبيق هذا الاختبار على نفسك بالنظر إلى المواد التي كانت تعجبك في الثانوية أو السنة التحضيرية ، ما هي أسهل مادة كانت عندك ؟ وما هي الأصعب ؟ الخطوة الثالثة اسأل نفسك .. ما هي الأعمال التي أبدع فيها حين أكلف بها .. كالنشاطات الصفية في المدارس أو النشاط الاجتماعية أو الأعمال التطوعية أو الأعمال التي اشتغلت بها في أجازة الصيف. الخطوة الرابعة .. أنظر لمن حولك من الأقارب الذين يكبرونك سناً .. اسأل عن وظائفهم ولماذا اختاروا هذه الوظائف .. هل كانت ضربة حظ أم بطريقة مدروسة .. لكن تذكر ما قلناه سابقاً .. لا تقارن نفسك بهم ولكن استفد من تجاربهم الناجحة. وهناك طريقة أفضل وهي مراجعة مكاتب العمل و مكاتب التوظيف في مدينتك وأطلب منهم بروشورات خاصة بالوظائف المعروفة فقط لتكوين فكرة عامة عن مجالات العمل المستقبلية لكل تخصص. الخطوة الخامسة .. قارن بين ما ترغب أن تكون أنت وبين ما يرغب والديك. هل أنت من الذين يرضخون لرغبة والديهم في اختيار تخصصاتهم دون تفكير ؟ أم أنك تستطيع الأخذ والعطاء معهم لإقناعهم بما تريد. فكم من الأطباء أو المهندسين فشلوا في حياتهم العملية نتيجة عدم رغبتهم في التخصصات التي درسوها ولكن درسوها فقط إرضاء لوالديهم. تذكر فقط أنك أنت المسؤول وقتئذ وليس والديك. تذكر أيضا أن رضا الله من رضا الوالدين. ولكن النقاش الواعي يرضي الطرفين. أخيرا .. هل استفدت من أي النصائح سالفة الذكر .. إن كانت الإجابة بنعم.. فيجب أن تقرأها مرة أخرى وتقرر قراراً نهائياً للإجابة على التساؤل المطروح في كل خطوة قبل أن تنتقل للخطوة التالية وأدرس إجابتك جيدا. تذكر دائما أنك أنت من يقرر ولا أحد غيرك. المصدر مجلة التقنية ياريت تقرا كويس وتستقر علي قرار وصلي صلاة استخارة وربنا هيوفقك ان شاء الله وبرضه هاحاول اشوفلك القسم اللي انت بتقول عليه ........... وكل حاجة عنه ان شاء الله ......... وشكرا علي مرورك وياريت تفضل علي طووووووووووووووووول معاااااااااااااااانااااااااااااااا |
مهندس شري شكله تبعنا فى حلوان
ما علينا :d ====================== كلامه عن اتصالات مش عاجبنى اوى... معرفش ليه بيسوقوا سمعة القسم كده ليه :d عامة... بلنسبة للاقسام كلها بتجيب لوس وكلها ليها شغل المهم حاجتين حبك للقسم لامؤاخذة تقديرك الحلو ....اقله عشان تخش القسم وكمان عشان يبقى ليك اولوية فى الكلية:d |
اقتباس:
اهلا بالمستر . ......... والله بجد شكرا ليك بص اعتبر الموضوع ده بتاعك وبرطع فيه براحتك وحاول تساعدني ان احنا نطور منه علشان يبقي موضوع حلو .......... ان شاء الله |
| جميع الأوقات بتوقيت GMT +2. الساعة الآن 02:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.