|
تحليل رائع ولكن اتفق مع الخوة المعلمين في ضرورة تغيير نظام الامتحان
|
الله يفتح عليك يا مستر عبد الرحيم . والله الامتحان فى رأيى المتواضع أسهل من اى امتحان ثانوية قبل كده ولكن فيه طلبة كتير جدا دخلت الثانوية غلط بسبب الغش الفظيع فى الاعدادية.
|
شكرا على هذا التحليل الرائع
|
والله العظيم حرام اللى بيحصل ده! ياعالم جايين على اسهل امتحان وُضِع لثانوية عامة وعاملين عليه ضجة! ياريت الوزير مايرضخش للابتزازات دى وجعل توزيع الدرجات كما هى. عيب من الطلبة ضعيفة المستوى وبعض المدرسين المحترمين اللى بيقولوا ان الامتحان صعب
|
شكرا لكل من اهتم وكتب رأيه ... لكن إيه الحل ..... لا تنسوا أن هذه هي أول دفعة ثانوية عامة سنة واحدة ... يعني دفعة كانت مقضياها جدا في أولى وثانية ثانوي .... على فكرة ، أنا لست معينا في الوزارة ولكني لي طلبتي الخاصين وقمت بامتحانهم حوالي 13 مرة على المنهج بالتدريج ولكن النتيجة لم تتجاوز ال 68% إلا مرة واحدة فقط كانت 73% وطبعا حتى الناجحين درجاتهم معظمها تكسف ... وأنا غير متفاجىء إطلاقا بهذه الضجة ، بل تنبأت بهذا المستوى بعدما لمسته بيدي فيهم وأظن أن ما حققناه من سمعة في مجالنا فإن هذه الدفعة ستقضي على كثير منه هذا العام والحمد لله....
|
تحليل محترم. جداااااااا......وعي فكرة الامتحان مايسحقش القلق اللي اتعمل ده كله
|
تحليل عقلانى .. تعودت الناس على التفاهة و الدرجات النهائية بأى طريقة
|
انا بطلب من اي مدرس بقول ان الامتحان سهل
يحلو ويشوف هيجيب في كام احنا مش حطين املنا اننا نجيب الدرجة النهائية زي ما انتو فاكرين بس على الاقل درجة او درجتين مش ست او سبع درجات وانا بالنسبة ليا عندي القطعتين كلهم غلط اعمل ايه دلوقتي ,الانجليزي ضيع كل التعب في كل المواد طول السنة لان الواحد دلوقتي مش قادر يذاكر خلاص جالنا احباط |
الامتحان ليس به نسبة الصعوبه التى يبالغ فيها الناس
مطلوب ان تكون الامتحانات على هذا المستوى ما المشكله فى خمس درجات فيهم صعوبه مش مطلوب ن كل الطلبه تجيب الدرجه النهائيه السادة المدرسون يا ريت كل واحد فى حضراتكم يكتب هو درجته كانت كام فى الانجليزى و هو فى تالته ثانوى و بدون مبالغه |
بعد اذا ن المدرسين انا طالب شلتلى 5درجات فى الامتحان دة بس المشكلة هنا ان انا لو على النظام القديم كنا هنتكلم فى درجة و نصف درجتين دلوقتى الشيلة تقيلة و المشكلة بقى انى فى طلبة عادى عندها وهتجيب الدرجة النهائية والتنسيق هبقى عالى وناس كتير تعبت تعبها دة راح بلع فى العربى والانجليزى علشان الغلطة بموتة
|
يا جماعة .... عمر المدرس ما يبقى ضد الطالب .... لكن مع احترامي للعضو اللي حالل القطعتين غلط بالكامل ... أنت عندك مشكله في المادة طبعا ... ومع كامل احترامي ... واضح أنه يوجد طلاب اتخدعوا في مستوياتهم في المادة بسبب السنين الماضية ومستويات الامتحانات التي خاضوها ... وأما بالنسبة للعضو اللي شال 5 درجات في هذا الامتحان ... انتظر وسترى من حصل على أعلى منك ... وهذا طبيعي ... فكلنا متفاوتون في درجات التفكير ونسبة التحصيل وقد تجد سؤال أجادت أنت فيه قام من هو أعلى منك بحله خطأ والعكس وإن كان على الدرجات الصعبة الموجودة في هذا الامتحان في نظري هي على الأكثر 3 درجات فقط و بالطبع سيقوم بحلها الكثيرون ..... ثم إن هناك نقطة هامة جدا يتناساها الطلاب وهي أن هذا الوضع عليكم جميعا ... فكلكم واجهتم ... وكلكم خضتم الامتحان .... وسيكون التقييم (صعوبة أو سهولة) على الكل ... ولو كنتم درستم Hard Times كنتم عرفتم أن الله حق.
|
السلام عليكم زميلى الفاضل ا عبد الرحيم محمود ( السويس ) شكرا جزيلا على تحليلك الموضوعى والسليم تماما لهذا الامتحان فهو يعتبر احسن امتحان عقد خلال العشر سنوات الماضية طبقا لمعايير الامتحانات Test Standards مع اعترافي بخطا واحد وهو فى جملة الاختيار من متعدد رقم 11no sooner had we heard - did we hear الاجابتين صحيحتين غير ذلك الامتحان ممتاز ويراعى الفروق الفردية بين الطلاب ويقيس المهارات اللغوية لدى الطالب ! يجب علينا ان نبني تحليلنا على معاييير وليس اهواء ومصالح ! لكم منى كل الاحترام والتقدير وبالتوفيق للجميع ! ( عيد عيد ابو المعانى موجه لغة انجليزية - فارسكور - دمياط وحاليا منتدب للبعثة التعليمية المصرية بالسودان .
|
مشكور على هذا المرور
|
اقتباس:
تصاعدت أزمة امتحان اللغة الإنجليزية،بعدما اشتكى عدد من طلابالثانوية العامة من صعوبة بعض الأسئلة، حيث أصرواعلى لقاء الدكتور محمودأبوالنصر وزير التربية والتعليم، وهو ماحدث بالفعل. وقال الدكتور رشاد رمضان، مستشار مادة اللغة الإنجليزية، إن الطلابلايعتمدوا على كتاب المدرسة، وأنهم يغيبون بفترات طويلة عن المدرسة،وبالتالي لم يتطروا للشرح داخل الفصل. وشرح المستشار بالأدلة وفي وجود الوزير، أن الأسئلة من الكتاب المدرسي،وقال إن كل سؤال في صفحة رقم (..)، بينما اعترض الطلاب الحاضرين فيالاجتماع على كلام المستشار، لكنه رد علهيم قائلا: "أنا مش شايف أي صعوبةفي الامتحان". وبعد اعترضات من الطلاب وأولياء الأمور على كلام المستشار، قال الوزيرإنهسيتم تشكيل لجنة لمراجعة أسئلة الامتحان لتحديد مدي صعوبتها , وتصحيحعينة عشوائية , وفي حال وجود نسبة كبيرة من الطلاب اشتكت من صعوبة اسئلةبعينها سيتم توزيع درجات الامتحان على الاسئلة التي اجاب عنها الطلاب. وقد اجمع الطلاب علي صعوبة القطعتين واوجد الأخطاء اللغوية وسهولة سؤالالمواقف , و علياثره اقترح مستشار اللغة الأنجليزية بتوزيع درجات القطعتينعلي المواقفلتصبح درجات القطتين من 4 درجات بواقع درجتين لكل قطعة وبالتالي تصبحدرجات المواقف من 8 درجات . وأكد المستشار أنه لن يتم توزيع الدرجات الا في حالة تصحيح العينات الأولية يوم 12 يونيو الجاري |
هذا مجرد ترقيع ورأبا للصدع ولكنه ليس حل للمشكلة من بدايتها وهي مشكلة مستويات الطلبه ... وعيب جدا إن مستوى الوزارة والامتحانات هي اللي تنزل لتحت بدل ما ترفع معاها مستوى الطلبة لفوق طيلة السنين التي تسبق الثانوية العامة .... هنفضل نضحك على أنفسنا بمسكنات لكن في الحقيقة نحن لا نفعل شيء تجاه صلب المشكلة ...... فكثير من طلبة الثانوية العامة يتخرجون منها وعندهم أمية في نطق وبعضهم في كتابة اللغة الانجليزية .... لك الله يا مصر
|
| جميع الأوقات بتوقيت GMT +2. الساعة الآن 09:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.