انا مجموعى من علمى شكله كده هيجيب تجاره انتساب اسكندريه "محافظتى" فسمعت انى لوجبت جيد فى اولى احول انتظام بس الكليه لما تيجى تحسبلى التقدير النهائى فى سنه رابعه بتحسبلى التلت سنين انتظام و مبتحسبش اول سنه انتساب حتى لو جبت فيها امتياز ... الكلام ده بجد ؟
و معلش كنت عايز اعرف هو نظام الانتساب ده ليه سكاشن ولا لا؟ وكمان هدرس نفس مواد الانتظام ولا فيه ماده زياده هدرسها عنهم ؟
معلش طولت عليك ... جاوب بقى يا زميلى :d

.....................................

بص يا زميلى

اولا لو جبت جيد ان شاء الله وانت ف انتساب بتحول ع طول ل انتظام وتبدا من سنة تانية عادى انتظام

لا بتحسب ال4 سنين كلهم مع بعض حتى لو كنت ف سنة اولى انتساب هتحسب عادى ف الاخر

بص يا سيدى

نظام انتساب

انه بيكون ملوش سكاشن غير انتظام بيكون ليها

بيكونوا مضغوطين شوية ف جدولهم

بس ف جامعات بيكون عادى ممكن ينفع انك تحضر السكاشن عادى


بالتوفيق يا زميل

ولو ف حاجه انا معاك

طب الانتساب هيدرس نفس مواد الانتظام ولا فيه ماده زياده دى اللى هيحطوا عليها أعمال السنه ؟؟؟
و بالنسبه لورق الدرس ده بينزل اول السنه ولا بينزل امتى علشان لا سمح الله لو مفهمتش حاجه من كتب الكليه :blush:

بص يا زميل
مواد الانتظام هيا مواد الانتساب بالظبط مفيش فيهم لا زيادة ولا نقص

انت ممكن ان شاء الله لو انت ف انتظام وفاتك محاضرة تروح تحضرها ف انتساب عادى
لان غالبا بيكون نفس الدكتور كمان

لا بينزل من اول السنة الورق اللى انت محتاجه ف جميع المكتبات


بس اكيد هتفهم من كتب الكلية لان هما الاساس وهما محل الاهتمام طبعا

بالتوفيق ليك

ربنا يخليك شكرا
طب هو انا لازم اخد كورسات علشان افهم يعنى الدكاتره عندهم ضمير ولا لا فى الشرح ؟