طب انتى مكنتيش بتاخدى وقت للترفيه وكدا ولا ايـه ؟

لا طبعا كنت باخد بس كنت بسيبها بظروفها يعنى مثلا بعد الدرس اهزر انا واصحابى عشر دقايق او لو ف برنامج بحبه مثلا اسمعه عادى جدا بس طبعا هو كان بيجى مره ف الاسبوع عشان متاخديش كلامى وتسمعى كل يوم حاجه لا برضوا متضيعيش وقت كبير مثلا لو هتخرجوا كلكوا كعيله عادى جدا اخرجى معاهم يعنى بصى والا ترفهى اوى والا تزاكرى اوى كل حاجه بحدود بس ده بالنسبه للشهور الاولى انما ف اواخر الشهور اصلا انتى هتلاقى نفسك عايزه تنجزى وتحلى امتحانات مش هيبئى عندك وقت للتى فى الوقت اللى هتضيعيه انك تشوفى حاجه ممكن تحلى امتحانين او تلاته بس كده يارب اكون فدتك ولو بحاجه بسيطه

ازاي اتغلب علي مشكلة السرحان اثناء المذاكرة او التعلق بحد من صحابي اووي

ازاي اتغلب علي مشكلة السرحان اثناء المذاكرة او التعلق بحد من صحابي اووي

اولا انت لازم تتأكد من ان محدش هينفعك مهما يكون كل واحد بيسعى لهدف عنده يبئى انت مينفعش تضيع نفسك ومستقبلك عشان حد ثانيا انت ممكن تعمل حاجه حلوه مثلا انت تظبط لنفسك ساعتين مثلا لماده ولتكن الفيزيا وبعد ما تخلص الساعتين تشوف مع نفسك انت سرحت كام مره وياريت كل مره تسرح فيها تعاقب نفسك عليها اها والله بجد متستغربش انا ف الاول كنت بسرح اول ماالاقى نفسى سرحت ف موقف مثلا او ف التنسيق والمجموع اروح اشتم نفسى كأن حد تانى رقيب عليه يعنى فاهمنى بس والحمد لله نجحت جدا الطريقه ده ومبقتش اسرح وبقيت بنجز يارب تفيدك الحكايه ده بالتوفيق

دلوقتي انا لم كنت في اولي ثانوي كنت الماني ولم حولت لمدرسة تانيه حولوني فرنساوي من غير ماعرف ولم طلبت تحويل من فرنساوي لألماني قالولي الوقت أزج وماينفعش المهم انا ماخدتش في الفرنساوي دروس نهائي وكنت بنجح في الامتحانات بالبركه وفي تانيه نفس الموضوع المهم دلوقتي انا في تالته ثانوي علمي علوم ومش عارف كلمة في الفرنساوي انا حتي معرفش يعني ايه (1) بالفرنساوي ولا اي حاجه نهائي ولا اعرف يعني ايه (انا) بالفرنساوي ولا حاجه نهاااااااااائي تنصحوني بأييييييييييييييييييييييه ؟

لو سمحتم ممكن لينك تحميل ورد 2010 عشان معظم المذكرات علي المنتدي ورد ومش بعرف انزل حاجة

دلوقتي انا لم كنت في اولي ثانوي كنت الماني ولم حولت لمدرسة تانيه حولوني فرنساوي من غير ماعرف ولم طلبت تحويل من فرنساوي لألماني قالولي الوقت أزج وماينفعش المهم انا ماخدتش في الفرنساوي دروس نهائي وكنت بنجح في الامتحانات بالبركه وفي تانيه نفس الموضوع المهم دلوقتي انا في تالته ثانوي علمي علوم ومش عارف كلمة في الفرنساوي انا حتي معرفش يعني ايه (1) بالفرنساوي ولا اي حاجه نهائي ولا اعرف يعني ايه (انا) بالفرنساوي ولا حاجه نهاااااااااائي تنصحوني بأييييييييييييييييييييييه ؟


عادى جدا والله استهدى بالله بس انت لسه ف اول السنه عادى جدا الفرنساوى سهل جدا جدا جدا والله انا هطمنك اكتر انا ماما مدرسه فرنساوى ومكنتش باخد درس وهى مكنتش بتدينى غير كل فتره ومكنتش اد كده يعنى وجبت 50 الفرنساوى ماده عبيطه اصلا ولو زاكرت كام شهر فيها هتقفلها قول الحمد لله وابدأ فيها وان شاء الله خير والحمد لله انك لسه عندك وقت كبير

آه طبعا افدينى شكرااااااااا يا عسل :)

بصى حضرتك انا شوفت كتير و سمعت كتير عن تنظيم الوقت و الحاجات دى و حاولت اعمل جدول معرفتش .....بعدها قلت زى ماحضرتك عملت اشوف اللى خادته ايه و احل واجب الدرس و ازاكر للدرس بتاع بكرة و خلاص بس لما المستر عمل امتحان على درس فى فرع من فروع الرياضة اخدناه من فترة معرفتش احل عشان ركنت الدرس دا ..........غير كمان ان المشكلة مفيش وقت انى ازاكر اللى اخدته طول الاسبوع غير كل دا ان المدرسة اللى انا فيها مشدده شوية فى حكاية الغياب يعنى مينفعش اغيب عن المدرسة فبالتالى فى وقت ضايع فى المدرسة .....و مذاكرة الفجر دى مش هتنفع لانى انا لما بذاكر بخلص على 1 و انام و اصحى الفجر ببقى تعبانة و مش شايفة قدامى و لسه عليا مدرسة لازم الحضور 7:30 الصبح و لازم عدم التاخير او يبقى غياب يوم.........انا عارفة اننا لسه فى الاول بس عايزة جدول اظبط فيه المواعيد من دروس و مذاكرة و مدرسة

لو سمحتي يا دكتورة انا متعلقة اووووي ببوابة الثانوية وبقعد عليها كتييير وبضيع وقت كتير اعمل ايه وايه الحد المعقول اللي مش ازود عنه

انا طالب 3 ثانوي كنت محتاج من حد مكم يعملى جدول انظم بيه وقتى وازاى اقدر احصل اكبر كم من المعلومات
ودى مواعيد الدروس بتاعتى

سبت 9-11 احياء

حد واربع 8-9 كيمياء ومن 9-10 فيزياء

اثنين وخميس من 9-10 عربى ومن 10-11 ومن 12-1 انجليزى

يعنى عندى جمعة وتلات فاضى

بصى حضرتك انا شوفت كتير و سمعت كتير عن تنظيم الوقت و الحاجات دى و حاولت اعمل جدول معرفتش .....بعدها قلت زى ماحضرتك عملت اشوف اللى خادته ايه و احل واجب الدرس و ازاكر للدرس بتاع بكرة و خلاص بس لما المستر عمل امتحان على درس فى فرع من فروع الرياضة اخدناه من فترة معرفتش احل عشان ركنت الدرس دا ..........غير كمان ان المشكلة مفيش وقت انى ازاكر اللى اخدته طول الاسبوع غير كل دا ان المدرسة اللى انا فيها مشدده شوية فى حكاية الغياب يعنى مينفعش اغيب عن المدرسة فبالتالى فى وقت ضايع فى المدرسة .....و مذاكرة الفجر دى مش هتنفع لانى انا لما بذاكر بخلص على 1 و انام و اصحى الفجر ببقى تعبانة و مش شايفة قدامى و لسه عليا مدرسة لازم الحضور 7:30 الصبح و لازم عدم التاخير او يبقى غياب يوم.........انا عارفة اننا لسه فى الاول بس عايزة جدول اظبط فيه المواعيد من دروس و مذاكرة و مدرسة

اوك تمام مفيش اى مشكله بص انا اه قلت ان الجدول مش بينفع معايه بس عادى جدا انا ممكن اكون حاله فرديه وف ناس كتير اعرفهم بيمشوا ع جدول وناجحين اعمل جدول اسبوعى وامشى عليه وحط درس قديم مع درس جديد ومتخفش الوقت هيقضى معاك لانكوا مش بتاخدوا كم كبير ف الدرس فزاكر الجديد وخد معاه درس قديم وان شاء الله هتقدر بالنسبه بئى لانك نسيت الدرس القديم فده عادى جدا انا كان ف مدرس بيقولى انتى بتزاكرى عشان تنسى وتراجعى اول مره وتنسى وتالت مره وتنسى ده حاجه عاديه بس المحصله ف الاخر انك هتفتكر كل حاجه بازن الله لان انت لسه ف امتحانات كتيره جدا هتحلها متقلقش يعنى وبالنسبه للمدرسه متخفش هما هيشدوا عليكوا اول كام اسبوع وبعدين يسبوكوا واقولك حاجه حلوه انت لى متستفدش من المدرسه فانك ترجع القديم لانك بادئ دروس من شهر تقريبا فالمدرسه هتكون متاخره بالتاكيد فانت انتبه للشرح ف المدرسه وراجع القديم اللى ف الدرس وبكده هتكون وفرت وقت كبير انما متقعدش تحكى ف الحصص ومتستفدش حاجه وتقول المدرسه بتضيع الوقت وربنا يوفقك

لو سمحتي يا دكتورة انا متعلقة اووووي ببوابة الثانوية وبقعد عليها كتييير وبضيع وقت كتير اعمل ايه وايه الحد المعقول اللي مش ازود عنه

بصى يا حببتى اولا انتى بتقعدى لى طيب لو بتجاوبى ع اسئله او بتسالى اسئله فده عادى يعنى انا كان ف اسئله مش بعرفها كنت بنزلها والاساتزه كانوا بيحلوها وكنت بستفاد انما لو بتقعدى تقرى مواضيع عامه وكده فده غلط جدا جدا لسبب بسيط جدا انك هتضيعى وقت كبير جدا انتى بحاجه اليه وهقولك الحاجه البوابه قاعده ع فكره مش هتقفل والا المواضيع هتتحزف لما تدخلى كليه ان شاء الله ممكن تقعدى براحتك 24 ساعه محدش هيقولك حاجه بس اهم حاجه مستقبلك هو سلاحك هو اللى هيرفع راسك هو اللى هيخلى ليكى شأن ف المجتمع وربنا معاكى

انا طالب 3 ثانوي كنت محتاج من حد مكم يعملى جدول انظم بيه وقتى وازاى اقدر احصل اكبر كم من المعلومات
ودى مواعيد الدروس بتاعتى

سبت 9-11 احياء

حد واربع 8-9 كيمياء ومن 9-10 فيزياء

اثنين وخميس من 9-10 عربى ومن 10-11 ومن 12-1 انجليزى

يعنى عندى جمعة وتلات فاضى

بص انا رأيى ان محدش يقدر يعمل جدول لحد لان كل واحد ليه الوقت اللى بيحب يزاكر فيه والوقت اللى بيحب ينام فيه فانت شوف انت هتنام امتى وتزاكر امتى وع اساسه اعمل جدول يعنى للمواد العلميه اللى عايزه حل كتير اعملها عدد ساعات اكتر يعنى مثلا لازم تحل كل يوم فيزيا ولازم تزاكر اول باول كده يعنى وبالتوفيق