كلام الاستاذ المنياوى بيقول ان الاحدث تعيين هو اللى ينتدب لكن انا مش فاهمة هو قصده على المعينيين اصلا من البداية فى نفس المدرسة والوضع بيكون مختلف اذا تم نقل مدرس جديد الى المدرسة حتى لو كان هو اقدم تعيين من واحد موجود قبله فى المدرسة

ازاي تطالب بحقها قبل اقرار عمل الموظف الجديد؟
يعني اطالب بعدم نقلي حتي لو ف اقدم مني استلم بعدي؟
تعبينك معانا يا أ/ منياوي

احنا عندنا عجز 3 فصول واى مدير هيجيله مدرس جديد هيقبله فى المدرسة حتى لو كان زيادة ما دامت الادارة والتوجيه موافقين يعنى على كده اى مدرس يكون مش حاسس بالامان فى مدرسته

حضرتك طالما هناك عجز كما تقولين يبقى مش من حق التوجيه او الاداره ندبك لوجود عجر
وممكن حضرتك تاخدى افاده من المدير ان المدرسه بها عجز فلا يوجد مبرر للندب طالما الكل ملتزم بنصابه القانونى
وموضوع حضرتك عن الاقدميه يتم الرجوع فيه فى حاله وجود زياده وليس عجز كما تقولين حضرتك

اولا ..شكرا لحضرتك الاهتمام بالموضوع و ولاسهامات حضرتك المتميزه بهذا المنتدى
ثانيا.. بالنسبه لسؤال حضرتك التوجيه بيبعت جواب نقل للمدرسه طبعا المدير هيسلم العمل للمدرس الجديد ...وبعد فتره هيبعت لنفس المدرسه تانى ويعمل اقرار قيام بالعمل وهكذا
يعنى كل ما يستلم مدرس جديد هيبقى فى زياده وده بيضيع حقها بعد كده فى التظلم وبعد فتره يعمل ندب للاخت وساعتها هيرجع الموجه لحجه اقدميه التعيين ..يعنى بيريحوا ناس على حساب ناس

الشكر موصول لتعليقات حضرتك
اخجلتم تواضعنا أ/ منياوي
يعني انا عشان اتمسمر ف المدرسه اروح اعملي انتداب لمدرسه موظفيها اقل مني ف تاريخ التعيين؟
ولازم تنطبق عليها بعض الشروط منها تكون قريبه
ع كده انا محتاجه قاعدة بيانات الاداره
حيرتنا الوزارة معاها
وحيرناك معاك

الاسهل من كل ده هو ان تكون الواسطه بتاعتك فى الاداره كبيره
وان التوجيه يكون مبسوط من حضرتك وبكده محدش هيدور وراكى
سواء كان هناك زياده او عجز ودائما التوجيه على حق
يعنى القوانين تقف عاجزه امام المجاملات والمحسوبيه طالما هناك ثغرات
وللمره الثانيه ......شكرا لحضرتك .........ويتواصل الشكر لتعليقات حضرتك

انا ليا اتنين توجيه واحد عربي ومش هايفرط فيا
والتاني توجيه اخصائي اجتماعي لاني غيرت المسمي ولسه ماتعاملتش معاه
انا مشكلتي اني عايزة اصعد اعدادي والتوجيه بيقولي ماينفعش
عايز بس يعملي انتداب وده مالوش صلاحيات كتير
عامة انا استفدت كتير من حضرتك
الله لا يحرمنا من اضافاتك القانونية
للعلم
انا باتابع حضرتك من زمان
تحياتي الك

شكرا لحضراتكم أ/ منياوى - أ/ لوجين على الاهتمام وربنا يقدم اللى فيه الخير - انا معتمدة على الله فى كل امورى وان شاء الله لن يخيب ظنى فيه ابدا