عاوزة تعرفي مين يا انسة ايه ؟؟

اداب تحفه طبعا
بس مش عاوزة ادخل فيها اى قسم خلاص غيرت رأيي:d

اى حد مش عايزه اعرف حد معين

يلا ربنا يوفقك وبجد انصحك تكملى آداب مش وحشه

وصلى صلاة استخاره وربنا يقدم اللى فيه الخير

انت بتطمنها ولا اييييييييه ؟ :D

الله يبشرك بالخير
دا انا بقول لها متاخديش ع كلامى عشان مش اقلقها

عشان انا مبحبش علوم ومحدش فى البيت يحبنى ادخلها اصلا
دول اجبرونى اكتب هندسة فى الرغبات ال17 باين و سابونى براحتى فى موضوع علوم :confused:

غير يعنى علوم متلقحة جمبى اكتر من مبنى
( كليتهم كبيرة اوى والمبنى الواحد بكذا كلية من بتوعنا بصراحة ) - حقد بقى
فطهقانة منها طبيعى

=================

رحمة:D
صلى استخارة
وتشاورى مع اهلك كدة تانى
زى ما انا عملت
ولو زهقتى
تعالى جمبى عين شمس :p
هنبقى فى نفس الحرم الجامعى
اداب عين شمس اسهل واحدة فى الحرم المعقد دا
وعلوم عندنا تخصص من اول سنة كمان
هتنورينا بصراحة :cool:

ما انا لو هحول مينفعش غير انى ابقي انتساب
يعنى اداب عين شمس شبه مستحيلة
عموما .. حلوان انا مرتاحالها
القاهرة جوها مقرف
اتنينات اتنينات :p

اى حد مين يا ايه :rolleyes:

تعالى لى وابقى انا وانتى اتنين
بس اتنينات من نوع تانى :P

عموما ادى كليات من جامعتنا العزيزة :D

http://sci.shams.edu.eg/

هنا موقع الجامعة كله
http://asu.shams.edu.eg/arabic/home.htm
بس موقع اداب مش بيفتح
شكلهم بيجددوه
كان بتاع حاسبات كدة من فترة

بالمناسبة متاخديش ع صور الموقع
لان صور حاسبات عليه وحشة
الحقيقة احلى بكتير :D

النسبة الصغير اللي من الكام الف اللي هيشتغلو في معهد البحوث هم المتفوقين ..
يبقى معنى كده اللي دخل الكلية دي و عايز يشتغل لازم يتفوق..
و كمان مش بس معهد البحوث..زي ما قلت قبل كده في شركات كتير..
بس هو معهد البحوث مرتباته كويسة ولا ايه..
و بعدين علمي رياضة بيقولو السنادي هيلغوا الكيميا من عليهم..و الله اعلم..
و الموضوع ده انا عمال بسأل فيه في منتدى كلية العلوم و تقريبا لغاية دلوقتي اللي بيردوا مش عارفين حاجة عن الموضوع ده..او موصلهمش الخبر او الاشاعة دي اللي ممكن تبقى صح (ربنا يستر) و يمكن تبقى غلط(يا ريت)..

مش راضي يفتح:mad:
يا هبة لو جيتلك هبقي انتساب ومش هعرف ادخل غير انيل اقسام :D
انا ممكن ابقي ازوغ عندكوا ايه المشكلة :p

لا معرفش بصراحة بس بالنسبة لقريبتى اللى شغالة هناك مركزها كويس وخدت الدكتوراة كمان خلاص
===========
التفوق مطلوب فى اى مجال
بس احنا لو اتكلمنا ع ارض الواقع وبصفة عامة مش علوم وبس
بلدك مش بتقدر المتفوق
مش بتقدر العالم
مش بتقدر اللى هيخليها تتقدم
بتقدر ناس تانية جايين من لبنان !!!!!!
طب ما دكتور مجدى يعقوب ،، اللى هو احد الامثلة الناجحة نجاح غير عادى
دا فى مصر قالوا له : انت دكتور فاشل !
واللى يحب يعمل مدينة علمية ، يتقال عليه مجنون

عاوزين كام واحد من كام خريج لكام دفعة ؟!؟
انا مش ضد علوم بصفة خاصة
انا بتكلم بصفة عامة

كدة كدة اللى بيفكر انه هيشتغل عن طريق شهادته الجامعية او الكلية
يبقى غلطاااان اوى اوى
لازم يتخرج يبقى معاه كورسات
لغات وكمبيوتر وتنمية بشرية وخد اللى تقدر عليه ربنا يديكوا ويدينا طولة العمر بقى
و حضر ماجيستير ومن ثم الدكتوراة

ودا بسبب ان احنا عندنا فى مصر عدد خريجى الجامعة رهيب جدا
البلد كلها بقت مؤهل عالى
العدد دا مافيش زيه فى امريكا
فعشان تشتغل بقيت محتاج فوق المؤهل العالى دا مؤهلات تانية تميزك شوية
مع العلم ان كله خلاص بقى بياخد الكورسات دى !
فمع الوقت هتبقى مُطالب باكتر من كدة

بقى المؤهل العالى دا ساعات ورقة او حاجة منظر وخص بس مالوش قيمة بمعنى القيمة

والسبب اللى خلى البلد تتجه للتعليم الخاص
ان اللى يتعلم هو اللى معاه فلوس
نرجع بقى زى زمان
نحوش للطفل مصاريف جامعته من طفولته
ودا عشان تقلل شوية من طلبة الجامعة

==============
مش عارفة شكلى نطيت لمواضيع تانية ودخلت فى مواضيع اكبر منى ومنكم :d

==============
عموما احنا بنعمل اللى علينا واللى ربنا بيقدرنا عليه
وبندعى ربنا انه يكرمنا ان شاء الله
واكيد ربنا بيوفقنا للى فيه الخير لينا دايما مهما كان :)

تقبلوا مرورى

علوم بقى فيها انتساب هى كمان وانا عرفش ولا يه ؟ :d

على فكرة انا بخطط اني انشاء الله اجيب تقدير جامد و اعمل دراسات عليا في اوروبا ..
و منحة الدراسات العليا على فكرة مش لازم تجيلك عن طريق جامعتك..ممكن تراسل اي جامعة و تقولهم على مؤهلك و المواد اللي درستها بس اهم حاجة تكون بتعرف لغة البلد اللي هتروحها و تعمل دراسات عليا و لما تيجي اعتقد ان اي جهة عمل خاصة هتشوف مؤهلك من جامعة اوروبية هتفضلك عن اي حد..
اما بالنسبة لموضوع انك تاخد كورسات .. ده شيء مفروغ منه لازم كومبيوتر و لغة طبعا..
و على فكرة لو حد فينا كرمه ربنا و طلع عالم .. اوكيه هيحصلو زي مجدي يعقوب و احمد زويل..بس مش مشكلة ماهم بيشتغلو في امريكا مية مية..يعني مدام بلدك (او حكومتك بمعنى اصح) مش عايزاك تفيدها..خلاص شوف نفسك انت بقى..
و ربنا يتولانا بعد ما نتخرج.. :confused:
"بس يا رب ما يشلوش قسم الكيميا من العلمي رياضة .. :(
و في ناس يفرحوا لما يتشال قسم زي الكيميا ..مع ان محدش بيجبر حد على ان يدخل كيميا.. بس مش المهم ان المادة صعبة او سهلة..المهم ان الواحد يحبها و كمان لازم يدرس الحاجة اللي يقدر يشتغل بيها سواء سهلة او صعبة..
سلام عليكم..

بالنسبة للكيمياء والفيزياء
انا كل زمايلى بيقولوا الكيمياء اسهل بكتير واحلى من الفيزياء
انا بالنسبة لى العكس لانى بعشق فيزياء ورياضة وبكره كيمياء
يعنى كل واحد شايف المادة اللى بيحبها اسهل اصلا :)
يمكن انا فرحانة ان كليتى مش فيها كيمياء خااااالص
وفيها كل اللى بحبه - شغل رياضة وفيزياء جاااامد

يعنى اللى بتحبه هتشوفه اسهل

لان مافيش حاجة اسهل واصعب
كل العلوم بتكمل بعضها اصلا
بس كل واحد له دماغ مختلفة وقدرات معينة

زى ما هو - لولا اختلاف الاذواق لبارت السلع

لو مكانتش ادمغتنا بتحب حاجات مختلفة و متميزة فى حاجات مختلفة مكناش هنتقدم فى كل العلوم كدة او مكناش هنكتشفها اصلا
===

بالتوفيق للجميع

انا بحب الفيزيا و الرياضة طبعا و كل العلوم الطبيعية ..
لكن الكيميا بتجتمع فيها اهم ميزتين..اني بحبها و في نفس الوقت تعتبر الحاجة الوحيدة او اكتر قسم ممكن الواحد يشتغل بيه..
بس ربنا يلطف بينا و ميحرموناش منه ..ولا يبعدونا عنوا...
الله يخليلنا الكيميا..
(مع انها علملتي دروب في مجموع سنة تانية جبت فيها 35,5) ربنا يسمحها بقى

بصي يا جميل
انا دخلت علوم
حلوان
وناوية علي قسم كيمياء حيوية
او قسم ميكروبيولوجي
دول شركات الادوية بتحتاجهم جدااااااا