الاهلى لزم يعمل كدا ويتغلب ماتش
يلا مبروك للمصراوية
بقالهم 7 او 8 مواسم مش فازو على الاهلى
ههه
قرون يعنى
جارى النقل للركن الرياضى

بصراحة المصري لعب أحسن من الأهلي و التحكيم كان كويس نوعا ً ما

بس أنا عايز أسأل سؤالين

1- بما أن حضرتك من بورسعيد هل جمهور الأهلي كسر المحلات و الأتوبيس و الحاجات دي ؟ و لو كان كده صح أهل بورسعيد كانوا بيتفرجوا هما و الأمن ؟ ده اللي سمعته ( و اللي سمعته من ناس سافرت بورسعيد من قرايبي أنك لو قلت أنك أهلاوي ف شارع ف بورسعيد و الناس سمعوك قول علي روحك يا رحمن يا رحيم )

2- ما شفتش حسام حسن و هو بيشتم الحكم ؟ ( طبعا ً هي شفته مش سمعته يعني لو بتترجم الشفايف هيطلعلك بلاوي )

معلش سؤال تالت ما شفتش حضرتك الحركات القرعة اللي لما يتحسب عليه فاول يرمي الكورة وراه علشان يضيع وقت ؟

بس مع كل ده لا خلاف أن الأهلي لعب وحش و إستاهل الهزيمة
محدش يفهمني غلط أنا و الله أهلاوي بس من رأيي هو ده اللي حصل و الأهلي طول عمره بيكسب علشان بيكون الأحسن و لما يكون وحش ياخد قلم ينبهه و علي رأي اللي قال " الضربه اللي ماتموتنيش بتقويني "

مبروووووووووووووووووووووووووك للمصرى وأنا كمان بورسعيديه زيك

وانا زملكاويه ومبروك للمصرى

المصرى غسل الاهلى ونشره على كل القنوات الفضائيه

وان شاء الله هنكسبه الماتش الى جاى

أولاً أشكرك على الرد
والواضح إنك نسان محترم وغير متعصب
بالنسبه للسؤال الأول وبما إنى كنت حضرت المباراة فى الاستاد
فيه مدرج ناحية الشرق بيجلس فيه دائما الفريق الضيف والمدرج ده بعيد عن باقى المدرجات والملعب نفسه والمدرج ده بيدخلوه من بوابة نادى ملاصق للنادى المصرى وتحته غرفة ملابس الفريقين والحكام فالاتوبيس بتاع اللاعبين بيدخل من بوابة النادى التانى ده والامن بيكون على الباب فقط لأن المكان بالداخل فاضى لغاية بوابه المدرج يعنى ساحة كبيرة خالية ولا يشاهد الاتوبيسات سوى الجماهير اللى فى المدرج الشرقى يعنى جماهير الاهلى وهما حتى من المدرج لقو طوب وكل اللى فى ايديهم على اتوبيس المصرى وكسروا فعلا زجاج الاتوبيس
وفى منهم اللى نزل من المدرج واشتبك مع بعض لاعبى المصرى
وبالطبع جماهير المصرى فى باقى المدرجات لا تعلم شىء عن هذا الموضوع لان المدرج بعيد زى ما قلتلك
والحمد لله انهم معرفوش والا كان اليوم ده يوم المجزرة الكبرى فى الكرة المصرية ههههههه
لكن بصراحة هما مكسروش محلات ولا حاجه طبعا فى البلد والا زى ما انت قلت كانوا يا رحمن يار حيم
لكنهم بعد الجون التانى فعلا نزلوا من المدرج وكسروا كل حاجة فى النادى اللى قلتلك عليه وكسروا الحمامات فقط والله على ما اقول شهيد

إجابة السؤال الثانى
فعلا شفت حسام وانا فى المدرج بيشتم الحكم بس متنساش ان الاهلى هو اللى علم حسام يعترض على الحكام وافتكر اما كان بيلعب فى الاهلى كان علطول بيعترض يعنى مش جديده

إجابة السؤال الثالث
فعلا حركات قارعة بس لو انت مكانهم وكسبان الاهلى الذى يقال انه لايقهر مكنتش هضيع وقت وده حاجات شرعية فى الكرة
ثم بصراحة المصرى أول مرة يكسب الأهلى لعب ونتيجة ولا انت مش معايه كفاية ان الاهلى لم ينقصه ولا لاعب يعنى مفيش حجة
وأخيرا عارف انى طولت عليك اوى بس معلش بتدرب عشان امتحان الكادر يمكن يجى موضوع انشاء ولا حاجه هههههه
الاهلى نادى كبير وميأثرش فيه هزيمة مباراة ثم أسف ( منتخب كبير )
نادى ايه ده معتقش محافظة من مصر مخدش منها لعيب
ووالله العظيم سعدت بمعرفتك
عارف انك زهقت
اخوك / احمد حجازى بورسعيد

انا اهلاوى لكن لما ازور بور سعيد احس بطيابة اهلهم وانت يا احمد حجازى اكبر مثال على هذا وانا بعشق المصرى وحبيتة اكثر علشانك
ومبروك الفوز ومبروك عليك تقدير كل الاساتذة فى المنتدى ومبروك عليك الدعوات من زملائك .
ااخيرا باذن الله ازور بورسعيد قريبا واتمنى مقابلتك

هههههههههه
 

بقولك ايه والنبى متهزش مشاعرى لالالالالا
انت كده هتخلينى احب الاهلى وده من رابع المستحيلات
ولا أقولك عشان خطرك هحبه عشان أنت محترم وزى العسل
ووالله أنا بشجع الأهلى أما بيكون بيلاعب فريق من خارج مصر
وعلى فكرة فيه بورسعيدية كتير أهلاويه ولكن ميقدروش يصرحوا بذلك لأن أنت عارف إيه اللى هيحصل
واتشرف بمعرفتك يا أستاذ / هانى جودة

السلام عليكم يا اخي احمد
اشكرك علي مجهودك الكبير في اثراء اللغه اللعربيه في المنتدي
واهنيك بفوز المصري علي الاهلي رغم اني اهلاوي جدا بس فعلا تستحقوا المكسب معاكم مدرب محترم عمل فرقه لها هيبه ولها شكل واداء تكتيكي عالي جداا وربنا يكرمك مع الزمالك ونشوف المصري والاتحاد في المقدمه رغم اني من المنصوره بس بعشق الاسكندريه وبورسعيد وان شاء الله نبارك لك اودام الزمالك

يامستر فهمي انا لما بشوف كوبري ستانلي بنسي نفسي من روعه الاسكندريه وجمالها ارجوك تسيبني ازاكر شويه بدل ماعد ابص علي صوره الاسكندريه الجميله وبعد الكادر اعمل اللي انت عاوزه

المصرى طحن الاهلى وفعلا الاعيبة كانت قد المسؤلية
بخصوص الاخ اللى بيقوا ان حسام حسن شتم الحكم حسام حسن لم يكن مدربا فى تلك المباراة بل كان مجرد مشجع ومحدش بيحاسب الجمهور على الشتايم ولا ايه (المستكاوى )

فيه في بورسعيد أهلاويه آه
بس أكتر البورسعيديه زمالكاويه مع احترامي الشديد للمصري خاصة الموسم ده وبعد ماتش الأهلي:p;)
وعلى فكره انا بورسعيديه وبعشق الزمالك والمصري عشان كده بتمنى التعادل الماتش اللي جاي:D:D:D

آه معظم البورسعيدية زملكاوية
بس مينفعش يا أختى تقولى نتعادل المطش الجاى
بإذن الله المصرى يفوز وربنا مع الزمالك بعد كده
بنحب الزمالك أه لكن بعد المصرى
وتشرفنا بالبورسعيدية

و من أمتي اللاعيبة بتسمع كلام الجمهور و توجيهاته ؟
و حتي لو كان يعني هو لما يكون جنب الجمالجمهور يشتم و لما يكون في الدكة ما يشتمش ؟
لو كان كده يبقي مش بيشتم علشان ما يطردش ( خوف يعني )

بالنسبة للأستاذ ألف شكر علي كلام الشعر ده
بس بالنسبة للأهلي و حسام ما هو حسام راح الزمالك بعد كده و لف علي مش عارف كام فريق إشمعني الأهلي اللي شال مسئولية أخلاقة الوحشه ؟