[quote=شيرين2010;685464]المشكلة اننا بنجرح من غير ما نحس
بس لما بنتجرح بيبقى صعب جدا
و بنحس اننا احنا المجروحين
و مبنفتكرش لما احنا جرحنا

و شكرا لفتح الموضوع[/quote

و الله عندك حق
شكراااااااااااااااااا لمرورك الجميل

والله يادكتور هو فعلا دى مشكلتى الاساسية
بس هو انا مش بقى عندى لا مبالاة بس بجد انا بحاول ان بعد كده يبقى كله عندى عادى بمعنى انى مش هتاثر بحد مايستاهلش
من حيث المواجهة انا بواجه و بطلع كل اللى جوايا بس حتى لو عرفت ان اللى ادامى هو اللى غلط بيصعب عليا و بخاف اظلم حد
انسانة غريبة:(:(:(
لا بس ربنا ييسر باذن الله و اقدر اساير الناس
شكرااااااااااااااا لمرورك

ع فكرة انا كمان بحب شموخ مسلمة جدااااااااااااااااااااااااا بس هرجعله باذن الله لما اعمل حاجة معينة :)
بالنسبة لرايك
طيب يعنى انتى شايفة ان ممكن احنا نكون متخيلين اننا مجروحين بس احنا مش كده بدليل ان كل واحد متخيل ان همومه مافيش حد زيه
و لا انتى تقصدى ايه ؟

ربنا يسامحنا و يسامحك يارب يا بوسى و يارب هما كمان يسامحوكى انتى بجد انسانة جميلة اوى انك تعترفى انك جرحتى حد بس حاولى تخففى الجرح ده عنهم و اكيد باذن الله هيفهموكى و يعذروكى

شكراااااااااااااااا يا حبيبتى ع مرورك

مش عارفة و الله هو اكيد طبعا الدنيا فيها الحلو و الوحش بس يمكن من اللى بيحصلى مابقتش اقدر مااخافش من الناس
صدقينى و الله انا كتير حاولت بس حاجة مش بارادتى

ع فكرة هو مش موضوع شخصى هو بس سؤال دار فى دماغى مادام كلنا بنتجرح يبقى مين بقى اللى بيجرح ؟
بس ع فكرة انا بنت :):)
شكراااااااااااااا يا قمر ع مرورك

فعلا يا ملاك احنا الي بنجرح بعض ومش بنعترف اننا جرحنا بحجة الكرامه
وبعدا محدش يزعل منك يا قمر

بس انا بجد بتجرح ومش بجرح

ربنا يكرمك ياعسل
مش عارفة موضوع الكرامة ده
هو ممكن يمنعنا اننا نعترف اننا جرحنا حد؟!
هو متهيالى احنا لما بنجرححد بدون قصد بنحاول بقدر الامكان اننا نخفف الجرح ده

بس المهم ان يكون اللى أدامك عارف انك مش جرحتيه بقصد و الا يبقى مش فاهم اللى ادامه و دى بالنسبة لى بتسببلى جرح
فببقى جرحت اللى ادامى و جرحت نفسى فى نفس الوقت او اللى ادامى جرحنى مش عارفة صراحة
انا لما بفكر فى الموضوع ده ببقى نفسى مش اتعامل مع حد
لان انتى مثلا ممكن تعملى حاجة انتى شايفاها من منظور و غيرك شايفاها من منظور تانى خالص و يمكن انتو الاتنين تحسو انكو جرحتو بعض:(

شكراااااااااااااااا لمرورك يا قمر

ايوه فعلا يا ارق ملاك ده بيحصل بس كمان انا لو جرحت حد من غير ما اكون قاصده مش بعرف اعتذر لي لاني بعتقد اني لو اعتذرت لي ممكن يتجرح اكتر بس انا عمري ما جرحت حد وانا قاصده

انا فى نفس المشكلة انا واللة فى مشكلة مابينى وبين واحد زميلى غلط فيه فاانا زعلت منه بس بعد ما المشكلة الى بينى وبينة انتهت ومعدناش بنكلم بعض اتخاصمنا جالى اصحابى وقالولى انه سمع كلام انك بتغلط فيه فغلط فيك على اساس الكلام ده فانا محتار اعمل اية انا محتار اروح اصلحة ولا لا اصل الكرامه وخدانى شوية والى مخلينى عاوز اصلحه انه كان كل مره بنزعل هو الى بيصلحنى فيها بس انا الوادى مش غلطان

هى المشكلة مش فى مين جرح مين لان كل ابن ادم خطاء ولكنالمشكلة ان الناس مش صريحة يعنى ممكن يكون حد زعلان منك وما يقولش فلما هو يعمل حاجة تزعلك تفتكرى ان هو اللى جرحك وده مش عيب فيكى بس ده يرجع لنوع الشخصية اللى بتتعملى معاها يعنى الناس انواع ممكن واحدة تزعل من حد وتتجرح منه بسبب ان هى فهمت الموضوع غلط وهو ما يكنش قصده حاجة احنا للاسف المفاهيم عندنا دخلت فى بعض وشكرا على الموضوع الحلو ده وتقبلى مرورى

انااا حاسه ان الناس كلها والله مهمومه وبطلع همومها فى بعض يعنى تلاكيك زى مابيقولوا وفى الاخر نجرح بعض من غير مانحس بدل مانساعد بعد الناس كلها مخنوقه من بعضها ناس حاسه بفراغ مخنوقه
ناس وراها مسئوليات مخنوقه
ناس مش لاقيه حد جنبها برده مخنوقه
فكله بيجرح فى كله وهو مش حاسس