بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   سؤال لكل الشباب والبنات بالمنتدى؟ضرورتدخلون وتجاوبون بليز (https://www.thanwya.com/vb/showthread.php?t=65764)

مروج البحر 20-08-2008 02:31 AM

في مجتمعنا المتخلف ده لو البنت هي اللي ليها ماضي وحتي لو تابت واعترفت بالذنب خلاص انتهت وملهاش زواج لاننا مجتمه بيأخد بالظاهر وليس الباطن

لكن الشاب لو عك او عمل اي حاجه قبل الجواز عادي خالص والمجتمع عطا الحق له في كده ولما يجي يتجوز ولا اكن حاجه حصلت

يعني البنت لو صرحت الشاب اللي متقدم لها باخطائها في الماضي طبعا عمري ما هيسممحها

Sharp Nails 20-08-2008 02:38 AM

اقتباس:

تقدم لخطبتك شاب واعترف لك بماضيه وقال انه كان يعرف فلانه وانه طلع معاها وحصل كذه وكذه وكذه وكذه , وقال لك انا بصراحه مليت من الوضع الي كنت فيه...

سؤالي هل تقبلين فيه عريس مع انه ماضيه كثير بالمصائب؟
نوكومنت
طب خليه كدة يقولى الكلمتين دول
دة يبقى انسان مش محترم

ارفض وبششششششششششششدة

الضوء الشارد 20-08-2008 04:04 AM

اقتباس:

المشاركة الأصلية كتبت بواسطة bo$y (المشاركة 689875)
طالما الشاب ده جه و خطبني و جه من البا مش من الشباك
يبقى اتوكل على الله
بس مش اثق فيه كل الثقه لإنه ممكن يلعب بديله
و لو لعب بديله بقى .. يا ويله يا سواد ليله ههههههههه
شكراً للموضوع

يانهار ابيض دا انتى شرانية أوى ......... يعنى مش بعيد بعد فترة نسمع عنك فى صفحات الحوادث هههههه

Eng_Hegazy91 20-08-2008 04:42 AM

والله لو حصل هذا هقول لها انا مش هقدر انسى الى انتى قولتيه وبعدين انتى توبتى خلاص لاتجهرى بمعصيتك

وتزللى لله لعله يغفر لكى ولنا جميعا

بس من حيث ان انا احاسبها على شىء انا مليش الحق ده بس ده هيبقى عائق دائما امام الرجل او المرأه

يعنى لو حدث اى خلاف ود وارد بنسبة 99.9%

تقدر تقول انهم هيذكروا لبعض كل ما شهدوا عليه انه خبيث لديهم

بس فالمشكله ان مفيش حد بينسى والله مافى حد بينسى الحاجات دى ودايما بتفضل اودامه على طول وبيشوفها فى اى موقف حتى لو كان الموقف ده برىء

ويارب يستر بنات وشباب المسلمين يارب ويحفظهم من الوقوع فى الكبائر يارب

Shams AlhaQ 20-08-2008 04:48 AM

تقدم لخطبتك شاب واعترف لك بماضيه وقال انه كان يعرف فلانه وانه طلع معاها وحصل كذه وكذه وكذه وكذه , وقال لك انا بصراحه مليت من الوضع الي كنت فيه...

سؤالي هل تقبلين فيه عريس مع انه ماضيه كثير بالمصائب؟

حقبل بيه طالما قالي وكان صريح ..وطالما تاب لربنا وعارف انو عمل غلطه
رائي الخاص
تقبل مروري

Rien 20-08-2008 05:38 AM

اقتباس:

المشاركة الأصلية كتبت بواسطة محمد ابولبن (المشاركة 689731)
البنات:-
تقدم لخطبتك شاب واعترف لك بماضيه وقال انه كان يعرف فلانه وانه طلع معاها وحصل كذه وكذه وكذه وكذه , وقال لك انا بصراحه مليت من الوضع الي كنت فيه...

سؤالي هل تقبلين فيه عريس مع انه ماضيه كثير بالمصائب؟

NO .. NO .. NO
AND NO
:mad:
!!

ymymym 20-08-2008 07:18 AM

طبعا هقبله لو تاب ولو احنا موافقناش يعني كتير قوي من الشباب موش هيتجوزوا ولا البنات هيتجوزوا انا رايي نخلي في قلوبنا شويه تسامح لو الانسان دا بعد كده كويس خلاص دا رايي الشخصي هسال عنه انسان محترم كويس وماضيه دا فعلا خلاص ولي وراح خلاص ليه مقبلش



اي حاجه يا باشا احنا لاقيين ههههههههههههه

!!!دمعة حزن!!! 20-08-2008 11:50 AM

خطأ عن خطأ يفرق
عل حسب نوع الخطأ


بس تقريبا لو حصل معايا حقيقى
هرفض وبشدددددددددده

neso 20-08-2008 12:07 PM

لا مينفعش اتخطب لواحد ممكن بعد كده يلعب بديله مينفعش خالص
شكرا ع التوبيك تسلم ايدك

شموخ مسلمة 20-08-2008 12:10 PM

غالبا هوافق بيه لسبب بسيط
انا من حقى اعرف عنه كل حاجة بس مش من حقى احاسبه ع فترةانا ماكنتش معاه فيها
انا احاسبه او الوم عليه فى الوقت اللى انا كنت معاه غير كده يبقى اعرف عنه كلحاجة مش عشان احاسب و الوم بس عشان مااتصدمش فى حاجة بعد كده
و برده ع حسب الغلطات دى يعنى ممكن اقدر انساها او مش ينزل من نظرى بسببها
وممكن لا
بس غالبا هسامح لان مافيش حد معصوم من الغلط و كونه يقولى او يعترف بكده يبقى هوندم

ymymym 20-08-2008 01:03 PM

موش عارفه ليه هيكون ندمان ما يمكن يكون بيضحك عليكي ما ياما بنسمع حاجات عجيبه يا ارق ملاك بس انا قلت موافقه لو تاب بس اتاكد انه فعلا تابباي طريقه اختبار او اشوف تصرفاته وتحركاته كده يعني وربنا ما يجيب الناس دي

Dream girl 20-08-2008 08:37 PM

اولا احب اشكرك على الموضوع لانه جميل جدا وهادف فعلا وانا رايى على حسب الغلطة دى يعنى لو وصلت للزنا اعوذ بالله طبعا مش هوافق وبعدين ياجماعة احنا من حقنا نحاسب الشخص على ماضيه مادام الماضى ده متعلق بعلاقتنا ببعض ويمسنا والحاجات دى مش بتتنسى بسهولة وتقبل مرورى

Cray_Bird91 20-08-2008 09:36 PM

بصراحة لو كان الشخص ده خرج مع بنات وعرف بنات كثير بس ندمان على كدة وقطع علاقته بكل البنات ممكن فى الحالة دى اسامحه مليون فى المية

لو شوفت عكس كدة والموضوع وصل لاكتر من كدة يبقى فى نظرى ولا حاجة ولا يكون له قيمة وميستاهلش اى حاجة

شكرا للموضوع الجميل

فيفا 21-08-2008 01:42 AM

سورى يا جماعة مش عارفة الناس اللى قالت مشهتوافق
دى قالت على اى اساس؟
ازاى يبقى ربنا بيسامحنا مية مرة فى اليوم على مية غلطة عملناها
واحنا مش قادرين نسامح بعض؟
ايه المشكله طالما ان الحد ده اتغير وعرف غلطه؟
احنا مش هنحاسبه وبعدين اذا كان ربنا اصلا قبل توبته وسامحه
يبقى احنا مش هنسامح ؟ طب ازاى؟
وسورى انى رديت تانى بس الردود شدتنى

u4me 21-08-2008 01:59 AM

انا لو بحبه بجد اكيد هوافق عليه لأنى انا م النوع اللى لو حب بجد صعب اسيب حبيبه لو ايه حصل

بس هوافق لو هو اللى اعترفله لكن لو عرفت كدا من برا متهيألى صعب اوى انى اكمل

وهاجى على قلبى عشان ده هيبقى دليل على انه بيلعب بيا واكيد مش بيحبنى وعايزنى ابقى وحدة من الياهم


جميع الأوقات بتوقيت GMT +2. الساعة الآن 01:46 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.