الى الاستاذ شكري صيام و الاستاذ فارس و كل المشككين
مرفق طيه قرار 57 لسنة 2014 الخاص ببدل الاعباء الوظيفية
معلم مساعد 425 جنيه / معلم 400 جنيه / معلم اول 375 جنيه / معلم اول ا 350 جنيه / معلم خبير 325 جنيه / كبير معلمين 300 جنيه
و تحياتي للجميع

ياجماعه انتم بتتخانقوا فى ايه انا اخدت معلم حبير 2014 وحتى الان لم احصل على ال25 % ولا حتى على فرق الدرجه اللى هيا 5 جنيه ولما سالنا قالو لنا ان بتوع 2013 مااخدوش ال25% وميش امل فى الوقت الحالى وسلم لى على الكادر

انا اخذت خبير 2014وتم صرف شهرين لل25% من الاساسى فقط اكتوبر ونوفمبر وقالوا جاءنا تعليمات بعدم الصرف حتى الان

سيدي الفاضل انا عارف ان التنفيذ المالي لم يطبق لان السيد وزير المالية لسه ما اعتمدوش
احنا بنتكلم عن قواعد التنفيذ اللي اتطبقت علي المرقين في 2012 و احنا في انتظارها

ثم بصفتك مدرس رياضيات ايه رايك في كلام الاخ اللي بيقول هتزيد 25% و تنقص 25% يبقي المحصلة بضعة جنيهات بالزيادة او النقص استحلفك بالله ترد دون تحيز

ياريت يا جماعة اللي مبيفهمش في طريقة حساب الماهيات يوفر الكلام و ما يدخلش يخبط و خلاص
و ياريت الناس بتوع الماهيات هما اللي يتكلموا
و شكرا

شكرا على هذه المناقشات

بدل الاعباء
 

السلام عليكم ورحمة الله وبركاته
أولاً لي عتاب على الاستاذ ناصر حيث أنه لا يناقش ولكنه يهاجم حتى أنه اتهم الاستاذ فارس بأنه عدو الوطن لأنه عبر عن رأيه في الكادر مثله مثل الكثيرين
فياليت نرتقى بالحوار وبلاش التشكيك في وطنية بعضنا البعض
ثانياً : أن من يقوم بعمل المرتبات في المدرسة التي أعمل بها
وأريد أن الفت نظر الاستاذ ناصر وغيره لأمر هام في قانون الاعباء الصادر عام 2014
النسب التى أوردها الاستاذ ناصر صحيحة ولكنها فئات مقطوعه ( اقرأ السطر اللي فوق الجدول مباشرة في القرار ) يعني إيه مقطوعه يعني تحسب ساعة صدور القرار وإن طلعت عشرة قروش مثلاً تظل مقطوعة على هذا المبلغ ولا يتغير طوال حياتك الوظيفية ولاتزيد أوتنقص بترقية أوغيره
وأقرأ أيضاً السطر اللي تحت الجدول مباشرة ( يستمر صرف العلاوة المشار إليها للعاملين الحاليين في السنوات التالية بذات الفئة )
ثالثاً : لقد أعدت مرتبات السادة الزملاء المرقين من معلم أول أ إلى معلم خبير بزيادة بدل اعتماد الكادر 25 % وثبوت بدل الاعباء لأنها كما ذكرت سابقا فئات مقطوعة وتم مراجعة الكشوف مع مسئول الماهيات بالادارة وكله تمام .
رابعاً : إذا كان فيه حد نقص بدل الاعباء بسبب الترقية له الحق في مراجعة الماهيات والشكوى إذا لزم الأمر وفقا لما أوضحته سابقا بنص القانون ذاته
حفظ الله مصر وقصم ظهر إعدائها
والسلام عليكم ورحمة الله وبركاته

كلام الاستاذ ناصر صح وانا تاكدت منه من الاداراه التعليميه قسم الماهبات

يا افندم دي شهادة اعتز بيها وشكرا للرد النهائي
و اتوجه ايضا بالشكر لكل من ايدني و كل من هاجمني سواء بحسن نية او لمجرد المهاجمة و اقول لهم شكرا على مروركم و مشاركتكم بالموضوع و الموضوع كده انتهى صاحب الموضوع سأل سؤال و انا رديت عليه من واقع خبرتي و اطلاعي علي القرارات الوزارية و سؤال مسئولي الماهيات وبعدين صاحب الموضوع لما شاف كل القيل و القال منكم توجه الى المختصين و اكدوا كلامي
تحياتي للجميع

معلومات حضرتك صحيحة تماما و دا نفس اللي انا ذكرته
تحياتي و شكرا لمرورك