| راجية الجنان 96 |
06-09-2015 10:28 PM |
السلام عليكم من تجربتي في الثانوية العامة ممكن اقدر افيدك
اولا واهم حاجة الالتزام بالعبادات وكثرة الدعاء فهو يصنع المعجزات وطاااعة الواااالدين
ثانيا : اختاري المدرسين الممتازين بالنسبة للدروس الخصوصية والافضل المدرس اللي بيضغط على الطلبة وامتحانات اول بأول ومنصحكيش بحكاية درسين في المادة الواحدة لانها طريقة فااااشله غالبا
ثالثا: اول ما ترجعي من الدرس وتريحي "شوية" تذاكري اللي انتي اخدتيه صدقيني طريقة فعاااااااااااله جداااااااا ومتذاكريش الحاجة مرة وتسيبيها لا لازم تذاكريها 3 مرات في الاسبوع ده بالنسبة للحاجة اللي اخدتيها اول مرة في الدرس
رابعا: صحااااااابك وزمايلك "الخطر الاكبر" اختاري اللي يعينك على المذاكرة ولو مفيش خليكي منعزله عنهم
خامسا : حاولي متضيعيش وقت عارفة انه صعب ودي كانت مشكلتي بس حاولي على قد ما تقدري متضيعيش وقت كتير خصووووووصا في آخر شهرين علشان دول بيقلبوا الموازيين انا اعرف ناس مستواهم فوق المتوسط وشدوا حيلهم ف آخر شهرين ودخلوا طب بشري واسنان واعرف ناس كانت ممتازة وكل المدرسين بيقولوا دي طب بشري بس استهترت بآخر شهرين ودخلت صيدله واسنان بالعافية "منهم انا فرقت معايا طب بشري على درجة وجاتلي اسنان بني سويف بعيييييد طبعا عن اسكندرية بس الحمد والشكر لله"
سادسا : "وقت المذاكرة " بالكيف مش بالكم نصيحة سمعتها وعملت بيها وفعلا فعااااله اهم حاجة تذاكري ومتكونيش مرهقة ويا سلام لو عصير مع المذاكرة بس خلي بالك من كتبك والعصير :) المهم الاستيعاااااااااااب في المذاكرة وبالنسبة للناس اللي بتقول اذاكر امتى اسهر ولا اصحى بدري فده مش شرط انا من الناس اللي كانت بتذاكر بعد الفجر ودخلت اسنان وزميلتي كذلك ودخلت بشري وصاحبتي كذلك ودخلت علوم وصاحبته تانية كانت بتسهر وبتصحا بدري ودخلت صيدله وزميلتي كانت مذاكرتها بالليل ودخلت بشري الهدف من كل ده انك تذاكري في الوقت اللي بتكوني مركزة فيه بس افتكري كلام الحبيب عليه السلام ان البركة في البكور وانوه على حكاية عدد ساعات المذاكرة انا صاحبتي كانت بتذاكر 25 ساعة ف اليوم بس واغمى عليها كذا مرة وانميا ومشاكل وربنا قدر ودخلت علوم
اكيد زهقتي من كتر الكلام عموما انا موجودة لو في اي استفسار وربنا يوفقك وكل طلبة الثانوية العامة وتحققوا احلامكو يااااااااارب
|
