و بالنسبة للتحويل لاسكندرية .. خلاص انا كده مفيش امل و لا ايه .. و لو في امل يبقى اقدر ادخل كيميا ولا انا كده وقعت ولا حدش سمَا عليا؟

ياايوووووووووووووه...براحه كدا وواحده واحده....من الأول......النظام ده اسمه كدا بدل مالماده يبقي اسمها مثلا كيميا سموها 3 ساعات معتمده لأن فيها عملي ونظري.....ماده تانيه مفيهاش عملي سموها 2 ساعه معتمده............بس فعلشان تنجح في سنه اولي مثلا يبقي لازم تنجح تقريبا في 18 ساعه يعني تقريبا لازم تنجح في 6 مواد.......والباقي تدخله في السمر كورس.....
وبالنسبه للتحويل ملهوش دعوووووووووووووووووووووووه ...والله ماله دعوه.....انجح انت بس في سنه أولي فريش ...وحول عادي اسكندريه لو انت عايز.....بس المهم متكونش شايل مواد

طيب في اختيارات الشعبة .. كان في : رياضيات_احصاء و علوم حساب _فيزياء _فيزياء حيوية _ جيوفيزياء
ليه بقى مكانش في كيميا ؟

الكيمياء اساسي ...وبتاخد معاها ماده من اللي مكتوبين دول.....اتاكد من الموضوع ...لان اكيد في غلطه

اتفضل دهموقع لكليه العلوم جامعه المنصوره ....شوف المقررات الدراسيه....كيميا وفيزياء ورياضيات اساسي.....وتختار بقي من المواد التانيه يعني لو كنت علمي علوم تختار اي حاجه تعجبك....لو كنت علمي رياضه تختار جيولوجيا وبعض المواد

http://www.mans.edu.eg/facscim/arabic/SServieses.htm

ايوة ماهو انا هاخد كيميا في سنة اولى .. بس كيميا عامة ..
و بعدين المادة الاختيارية هي اللي بتحدد التخصص .. يعني رياضيات جيولوجيا او رياضيات فيزيا ..
انا عارف اني هاخد كيميا بس في سنة اولى بس .. بس المشكلة في التخصص

انا علوم المنصورة و عايزة اعرف تفصيل عن الكلية انا رياضة
عايزة اعرف هو علوم اية صعبتها انا مسمعتش حد بيقول كلمة عليها حلوة وكل لما اقول انى علوم يقوللى لية كدة حرام علكى دى صعبة اوى
و اية المادة الثقافية مين احلى اريخ وفلسفة العلوم ولا مبادئ الادارة و المحاسبة

معلشى سؤال تانى هو احنا بندخل الاقسام عن طريق التقدير ولا مجموع الثانوية واية اعلى قسم فى رياضة

اه على فكرة انا شفت بردة الحاجات دى بس قولت احسن حاجة انى اخد مبادى الادارة والمحاسبة

وكمان احنا مش بنفهم حاجة فى التاريخ ولا الفلسفه

اه متهيالى احنا بندخلها على حسب التقديرات ومتهيالى ان مجموع الثانوية شغلتة كدة انتهت ولا اية
ومتهيالى ان اعلى التقديرات هو قسم الجيو فيزياء واقل التقديرات قسم الاحصاء وعلوم الحاسب

انا من كلية صيدلة و قريت الموضوع بالصدفة
الموضوع نفسه بالنسبة لكلية الصيدلة
يعنى مثلا فى ناس قبلت فى بنى سويف و الزقازيق و كدة
و الناس دى من اسكندرية
و فى الاخر قالوا المحافظات دى نظام حديث يعنى اتلغى الاعدادى و بيدخلوا على اولى على طول
فاتصلوا بمكتب التنسيق و قالوا لهم ممكن تحولوا محافظة تانية زى المانيا فيها نف نظام اسكندرية
و ده على فكرة بعد ما اتقفل باب التحويل
فممكن تتصل بيهم و خد نمرتهم من الدليل و ممكن يساعدوك
و الوزير بيقولوا برده انه نزل قرار من 3 ايام ان ممكن حد يروح كلية العلوم اللى فى الشاطبى
و دى اخر فرصة مدتها من الاتنين الى الخميس
فممكن تروح تسال ضرورى
و اى نمرة عايزها اتصل بالدليل
او ممكن تقوللى على النمرة اللى انت عايزها
لان انا برده اقاليم بس الحمد لله هعد سنة
انا معايا نمر التنسيق اللى فى مصر و نمر كليات العلوم

انت زعلان ليه كدا ؟ على فكره انا برده كان نفسى ادخل كيميا لكن غيرت رأيي وقلت ادخل فيزياء وحاسب

لانها احسن بكيير من وجع الدماغ اللى هتشوفه منها بعد كدا


لو انت زعلان عشان مفيش كيميا ممكن تحول لفرع دمياط السنه الجايه هى برده تبع جامعه المنصورة وبيدخلو كيميا اسبيشيل من علمى رياضه

يا عم خلاص أنا حولت من زمااااااااااااان.
في كيميا عندنا بقى بس لازم تقدير و في منافسة جامدة من الطلبة عشان كله عايز كيميا و حاسب.
ربنا يوفقنا

مبروك انا معرفش انك حولت
الف مبروك و ربنا يوفقك ان شاء الله لكل خير

ياااااه ..
بجد متعرفيش..
عموما حمد الله عالسلامة .. انتي فينك كله ده؟