بوابة الثانوية العامة المصرية - ليه الدكتاتورية وضياع عملات صعبة لمصر الحبية يا د/ شومان

الوظيفة الحكومية اكبر خازوق ممكن تخده في حياتك قرف وقلة قيمة ومديون اخر الشهر وان كنت شغال درسين ولا أي سبوبة تانية تكفى بيتك بتبقي منظورة واخرتها مستشفى او عيل تعبان او حاجه تانية ربك هوه الستار وفى الاخر سنين عمرك بتضييع في الفاضي هنا شقا وهناك شقا طبعا الغربة مره وصعبه جدا بس الأصعب لما يكون ولادك بيكبروا قدام عينيك وكل حاجه نفسهم فيها او نفسك تعلمهم كويس بحيث يبقوا احسن الناس او تبنى ليهم بيت يلمهم من بعدك , وانته لازق في الوظيفة الحكومية وتقول اهو مرتب ثابت اخر الشهر وخلاص . ربك هوه الرزاق ورب هنا رب هناك . الخلاصة لو القرار ده صحيح يبقى جت من عندهم ويشبعوا بالوظيفة بالف هنا وشفا .
طبعا ده رأيي ولكل واحد رايه الخاص به وكل شخص عارف مصلحته ومش محتاج حد يوعيه .خلاصة الكلام الدنيا ماهى الا تضحيات من اجل اشخاص اعزاء جدا على قلبك تتمنى ليهم دايما افضل حياة وانهم يكونوا مرتاحين ومش محتاجين ولا محرومين الاحاسيس دى صعبة جدا على الانسان.ربنا يوفق الجميع