المشاركة الأصلية كتبت بواسطة duke tefa (المشاركة 6496975)

بصي احنا كنا زيك كدا اول ما خدنا الفصل ده وانا كمان كنت سيئ في الفصل ده لاني لسة مش كنت جبت الملخص مع المستر وكدا فكان بيشرح ومش فاهم حاجة
فالمهم استغليت زي ما قولتلك اجازة العيد وجبت شرح الاستاذ محمد عبد المعبود الصراحة الاستاذ ده بسميه عبقري الفيزياء لازم تسمعيه
من الاخر الاستاذ ده عرفني مش ازاي احل مسائل المقاومات وبس لا عرفني ازاي اصلا احب الفيزياء
وانا كمان في كليتي عندي فيزياء بس الانجلش فلازم اكون دارس الحاجات دي كويس
المهم لما تكون مسائلة زي الي جبتهالي دي
امشي مع التيار وهاتي اقلام الوان وارسمي اسهم عشان متتلخبطيش زي مسائل كيرشوف وكدا
المهم لما تكون دائرة فيها اكتر من مقاومة وانتي مش عارفة توالي ولا توازي
يبقي بتبدي من اخر فرع وتمسكي مقاومة مقاومة وتشوفي التيار جاي فين وتحددي هما توالي ولا توازي زجعي مسائلة مصر 2015 شوفيها كدا هتفهمي كلامي

المشاركة الأصلية كتبت بواسطة Duke Tefa (المشاركة 6496995)

يعني المسائلة الي انت ورتهالي دي
لو كان عايز يوجد المقاومة الكلية للدائرة بسيطة
اولا هتبدي من الاخر خالص
المقاومتين 8و8 متوصلين توازي
يبقي 8/2= 4 اوم
يبقي كدا معانا المقاومة الكلية للمقاومتين الي هما 8و8 الي جبناها ب 4 اوم
يبقي كدا ال 4 اوم و مقاومة 1 اوم ومقاومة 3 اوم ومقاومة 4 اوم دول متوصلين توالي
نجمعهم ونجيب المكافئة بتاعتهم هتطلع ب 12 اوم
باقي معانا ال مقاومة 12 اوم والكلية الي جبناها دلوقتي الي هي ب 12 اوم
هتلاقيهم توازي يبقي 12/2 هتساوي 6 اوم يبقي كدا خلصنا من اخر فرع
نمسك الفرع التاني
معانا المقاومة الكلية بتاعة الفرع الاول الي هيا 6 اوم
يبقي 6 والمقاومة 2 توالي نجمعهم نلاقيهم 8 اوم
المقاومة 8 اوم مع ال 24 اوم توازي نقول
24*8 علي 24+8 هتساوي 6 اوم
مش فاضل معانا غير ال 6 اوم الي لسة جايبنها والي 9
الاتنين توالي يبقي تجمعي 6+9=15 اوم
يبقي المقاومة الكلية للدائرة هي 15 اوم
ولو عايز شدة التيار الكلي بس لازم يكون عندك فرق جهد الكلي للدائرة عشان ده من خلاله هتجيبي شدة التيار
وبالتوفيق لكي
اي خدمة انا موجود

المشاركة الأصلية كتبت بواسطة زهرة زماني (المشاركة 6497131)

جزاك الله خيرا ياهندسة شكرا علي المعلومات القيمة انا جربتها زي ماحضرتك قلتللي وبدات من الاخر لقيتها سهلة وطلعت صح واتاكدت من حل حضرتك ربنا يجزيك خير ويجعله في ميزان حسناتك

المشاركة الأصلية كتبت بواسطة زهرة زماني (المشاركة 6497134)

شكرا علي الشرح الوافي للمسالة وربنا يوفقنا جميعا:d

المشاركة الأصلية كتبت بواسطة duke tefa (المشاركة 6496491)

الحمد لله رب العالمين يا دوك
المهم انتي عاملة ايه
ليا شهوووووووووور مدخلتش البوابة

المشاركة الأصلية كتبت بواسطة ران نيتشان (المشاركة 6497167)

الحمد لله بخير
خير ان شاء الله...^^

المشاركة الأصلية كتبت بواسطة fahd aly (المشاركة 6504520)

المشاركة الأصلية كتبت بواسطة mohamed22432 (المشاركة 6521492)

مكتبتش الفزياء ليه