طبعا رمضان ما فيش فيه حاجه وحشه خالص
المشكله في الناس
اللي خلته شهر المسلسلات والاكل
وهو ده اللي وحش
لكن مافيش حاجه وحشه في رمضان
وجزيتي كل الخير يا جميل

بداية حابة اشكركم ع تفاعلكم الجميل ده
بس عاوزة اقول ان رمضان فرصة عشان نغير من نفسنا
خاصة ف موضوع العصبية والتوتر
المفروض انك تكون فرحان ومبسوط انك صايم
دي نعمة كبييييييييرة جدا
مش دايما ف مواضيع كتير نقول مفيش حاجة حتتغير
ان الله لا يغير ما بقوم حتى يغيروا ما بانفسهم
يبقى نبدا نغير ونصلح لان رمضان فرصة عظيمة ومحدش عارف هو هايكون موجود ف رمضان اللي جاي ولا لا
مش ممكن ده يكون اخر رمضان في حياتي
خلاص يبقى اعيشه احلى رمضان ف حياتي

انا شيفة ان اوحش حاجة الناس بتعملها في رمضان هوة الاكل الكتييييييييييييييير
لانه بيؤدي الى التكاسل بقية اليوم و بالتالي مش هيبقى في صلاة هيبقى في مسلسلات و بعد المسلسل البرنامج و بعدين المسلسل و بعدين الماتش و بعدين الفجر قرب يادن يلا السحور و بعدين نوووووووووووووووووووووووووووم و بعدين نصحى مستنين المدفع يضرب و محدش طايق نفسة مما يؤدي طبعا الى الغضب و النرفزة :(

الا من رحم ربي

بالنسبة لىا مفييييييييييييييييش حاجة وحشة ف رمضان غير المنتدى

بصى يا هنا يا بنتى هو رمضان كله حلو
وبنزعل اوى لما بيخلص
بس انا اقولك بقى ايه اوحش حاجة فيه
هى الصوارييييييخ والفرقة
بجد عيب على الناس اللى بتفرقع الحاجات دى
يعنى مينفعش واحد تافه صايم يمشى فى الشارع يحدف صواريخ على البنات
ومينفعش واحدة او واحد يستعبطوا ويفرقعوا صواريخ قبلالسحور وكتير بقى من كدة
بقى دة اسمه كلام بجد على كل حد بيتفزع بيبقى دة ذنبك يعنى لو حد عنده القلب واتفزع شوفوا انتوا بقى !!!!1
بجد كفاية يا جماعة صواريخ وفرقعة اعصابى تعبت

أنا أعتقد اسوأ حاجة المسلسلات
بس رمضان مش بيجي ومعاه المسلسلات احنا اللي بنظلم نفسنا
ونقعد نتفرج عليها



http://i41.servimg.com/u/f41/12/31/92/46/3276_w10.gif

لا لا لا انا بالنسبه ليا اكتر حاجه وحشه هي المذاكره في رمضان لان الواحد في النهار بيبقى جعان وزهقان ومش طايق يبص في الكتاب وكمان بعد الفطار بياكل وبيتقل والنوم يكبس (والله انا مش بقول كده عشان فاشله والله انا جايبه 98% في تانيه ) انابتكلم عامة .... ودي اكتر حاجه بتنرفزني .........
ودي مجرد وجهة نظر !!!!!

انا من راى ان النوم ده اوحش حاجه فى رمضان
حتى لو الواحد بيشتغل او بيدرس بيجى فى الوقت الفاضى بدل ما يعبد ربنا
ينااااااااااااااااااااااااام

انا من رائى ان كثرة انوم اوحش حاجة فى رمضان وكمان العصبية والتوتر وده بيجى من قلة الاكل بس مفيش فى رمضان اكل كتير فعلا الواحد بياكل اكل بسيط جدااااا جدااا وقت الفطار والمسلسلات اجنا ممكن نتغلب عليها فى اننا نقرا القرءان نزور الاقارب نروح اى مكان نذكر ربنا نصلى التراويح كدة يعنى .......... كل سنة وانتم طيبين كلكم ........ اختكم شيرى .....

انا شايفة انها المسلسلات لانها بتضيع على الواحد يومه
ولا كانه صام
غير كده هي معمولة اصلا علشان تهدم الفكر والدين
وللاسف الناس من كبير لصغير
بتتابع المسلسلات الا من رحم ربى
وتانى حاجة العصبية والتوتر
بس ده مش بسبب رمضان لا الناس فعلا معدتش طايقة حد
المشاكل بقت بالهبل
وطبعا الناس اللى بتشرب سجاير
ميتوصوش في العصبية

انا من رائى ان الافترى فى الاكل من اهم مساوء الناس فى رمضان بصراحه بحس ان الناس مستنيه رمضان عشان تاكل كانهم مش بياكلو طول السنه وفى الاخر اغلبيه الاكل بيترمى وفى المرحله التانيه العصبيه تلاقى اغلبيه الناس فى الشارع مش مستحملين حد يقولهم بم وبعدين النوم طبعا تلاقى الناس قاعده صاحيه لحد الفجر ويصلوه وبعدين بقى يدوبك معاد النوم جه وينامو لحد المغرب تانى يوم وبعدين المسلسلات وهى غالبا اللى بتخليهم صاحيين لحد الصبح
شكرا على الموضوع