المشاركة الأصلية كتبت بواسطة vampire1188 (المشاركة 760433)

يا جماااااااعة بليييييييييز .. ممكن نبطل فتاوي ؟!

يعني ياريت اللي عارف ومتأكد من معلومته يقول .. واللي مش عارف .. يقول انا مش عارف ..

مش معضلة اوي يعني !

على العموم انا رديت على سؤالك في موضوع (لو داخل اولى جامعة اسأل مجرب) .. واظاهر انك ماقريتهوش ..

عموما .. انا عملتلك ليه كوبي بيست اهو عشان تقريه >>>

المجموعة المميزة دي حاجة كدا اسبيشال غير اي مجموعة تانية ..

بتاخد اعلي مجاميع اتقدمت للكلية .. بمعني اصح ..

بتاخد اعلي ناس في المرحلة الاولي بتاع التنسيق ..

عددهم كام ؟ .. مش فاكر والله ..

بس هيا اه .. ليها تقديم .. سواء للناس اللي لسه داخلين اولي ..

او اللي عايزين يحولولها في تانية او تالته ..

تقدميلها ازاي ؟ .. تروحي شئون الطلبة وتقوللهم عايزة استمارة المجموعة المتميزة ..

تمليها وتديهاله .. بس شرط الاستمرارية في المجموعة دي .. انك تجيبي جيد جدا على الاقل ..

او على حسب ماتحدد الكلية .. ممكن ياخدوا الاوائل .. وينزلوا بالمجاميع واحده واحده لغاية مايستكفوا ..

اما بالنسبة للغة الدراسة .. فهيا اللغة العربية .. بس محاضراتهم بتبقي في مبني انجليش ..

اما مستقبلها .. فزي الفل ..

يدوبك تخلصي البكالريوس بتاعك .. وتتخطفي ..خاصة انها بتبقي مكتوبة على شهادة التخرج مجموعة مميزة ..

تتخطفي دي مش مبالغة .. دا فعلا ..

في مرة د/عادل زايد العميد السابق للكلية .. دخل في محاضرة .. وقال ان في مرة واحد جاله طلب منه انه يختارله 20 واحد عشان ياخدهم يشتغلوا في البورصة .. خضعوا لكورسات تدريبة مكثفة مجانية .. وبيقولك مرتب الواحد فيهم لا يقل عن 15 الف دلوقتي في الشهر .. وبيقولك على الاساس دا عملوا المجموعة المميزة .. عشان مايبقاش فيه تواطؤ او واسطة ..

و هيا هيا تجارة عربي .. بس الفرق ان اللي بيدرسلهم دكاترة من الناس الجامدة يعني امثال د/البشبيشي ، منصور حامد ..

وفرق تاني .. انهم اثناء الاجازات هما اول ناس بترشحهم الكلية انهم يروحوا ياخدوا دورات تدريية ..

يعني بالبلدي كدا .. بيبقوا في الوش دايما .. ليهم الاولوية يعني ..

غير انهم بيتم اعفائهم من مصاريف الكتب كمان ..

المشاركة الأصلية كتبت بواسطة vampire1188 (المشاركة 760461)

خبير دي انا شامم فيها ريحة تريقة ..

بس ماعلينا ..

ماله يعني مبني الشيخ زايد ؟ ..

والله انا ماروحتش هناك عشان احكم ..

بس كان ليا صحاب فيه وكان بيطلع عينهم كل يوم ..

بسبب المواعيد وما الى ذلك .. لإنهم كانوا مرتبطين بمواعيد باصات وكدا ..

المشاركة الأصلية كتبت بواسطة vampire1188 (المشاركة 760505)

ليه يا جدع ..

على فكرة والله .. التقدير مش صعب اوي اوي يعني زي مانتا فاكر ..

هيا الكلية زي مانتا عارف .. عايزالها شوية تركيز بس .. خاصة في المحاسبة المقرفة دي ..

وباقي مواد النظري امشي بسياسة انجز في الوينجز اخر شهر ..


وبعون الله تطلع بتقدير جيد على الاقل ..