|
اوعى يابوسى نكون فى درس واحد
|
اقتباس:
والله العظيم الكهربيه انا لو كنت اخدت على كلام مدرسى فى الدرس بس والله كنت ادمرت فيها ونصيحه ياريت فعلا مذاكرتكم تبقى من كتاب المدرسه لا نه فعلا فى الشرح اكثر من رائع والامتحان بتاعنا خاصه النظرى كان محتاج طالب قرا كتاب المدرسه حرف حرف منساش اى حرف واوعى تسمعى لكلام حد وهو بيقولك الكلام دا مجرد توضيح وتعقيد انت فعلا مطالبه بكل حرف فى الكتاب وابقى ركزى على الكلمات المترجمه اصل عملها فى امتحان السودان ضربات يعنى بيتس وماتتضيقوش انتم لسه فة اول السنه |
اقتباس:
طب قولى كده اسم المدرس يا مروه؟ |
معلش انا مش هقدر اقول الاسم لو تقدرى تقولى انتى قولى
|
ايه يا بنتى هو عيب ولا ايه؟:rolleyes: انا باخد عند استاذ اسمه سعيد الصاوى يارب يكون هوه |
لا يابوسى مش هو للاسف بس احنا ممكن نكون اصحاب
|
خلى ثقتك برنا سبحانه وتعالى كبيره ومتخليش أبداً اليأس يلاقى طريق الدخول ليكى وخليكى دائماً حاطه هدفك قدامك واللى النهارده صعب ومستحيل مع الوقت والإصرار والمذاكره والتعب هيبقى سهل دا ربنا سبحانه وتعالى بيقول " إن الله لا يضيع أجر من أحسن عملاً " إعملى اللى عليكى وخلى الباقى على ربنا وبعدين أكيد واحد جابت 50 من 50 فى الكمياء مش هتقدر على الفزياء يعنى بلاش دلع بقه إمال كده وذكرى وشدى شويه وإن شاء الله ربنا معاك وأهم شىء قضى فروض ربنا وخليكى قريبه منه عشان هو كمان يكون قريب منك ويساعدك دا إحنا من غير رحمته ولا ننفع ببصله |
شكرا لرد حضرتك وانا عشمى فى ربنا كبير انة هيسهلها لية
|
انا نصحتى ليكى سيبى مدرس الفزياء ده بسرررررررررعة
لانه ياعسل بالشكل ده بيكلبشك وسورى فى اللفظ بس ده حصل معايا فى العربى ااسنة اللى فاتت وبدأ بالنثر أبل الشعر وعلى فكرة الفزيا سهلةجدا و والله امتحان الفزياء بتاع 2008مكنش صعب للدرجة اللى انتوا سمعتوا عنها بسبجد المدرس هيعأدك ويحجزك معاه على الفاضى ده جشع مدرسين يا أمر |
يا جماعه انا مش عارفه انتو ليه وخدين موقف من المدرس انا المدرس بتاعى قال انها اصعب جزء فبدا بيها عشان نتمرن عليها طول السنه وتكون سهله بالنسبه لنا وانا مقتنعه بكلامه والسنه الى فاتت برده استاذ الكيمياء ساب الباب السابع والثامن ودخل فى العضويه عشان يدربنا عليها كتير وبجد العضويه الى الناس كانوا بيشتكوا منها انا والى معايا فى الدرس كانت عندنا حاجه سهله خالص وبعدين يا مروه عارفه اما استاذ سعيد بيعمل امتحان بيبقى مثلا من عشره بيكون معظم الدرجات 5 او 4و 6 فى الرنج ده وبتكون عيال جايبه 97 و98 وهو قال ان ده عادى فى اول السنه بس ذاكرى وحلى كتير لما تحلى كتير هتلاقى بعد كده افكار المسائل بتتكرر وربنا يوفقنا جميعا |
شكرا لكل الى ردوا عليا وياريت بجد اى حد يقدر يساعدنى وينصحنى
لان الموضوع مهم جدا |
فين الردود
|
خلاص يا مروة المشكله تقريبا اتحلت انتى محيره نفسك ليه لو المدرس كويس فى الشرح وبيحل وفى ناس جابوا درجات عاليه متسيبهوش وطبعا متنسيش ان لازم انتى تبذلى مجهود كبير سواء معاه او مع غيره لكن لو مش كويس وبدا بالكهربيه عشان يعقدكوا يبقى لييه القرار يرجع ليكى انتى هتقدري تكملى معاه ولا تسيبيه وبعدين دكاتره المنتدى قالولك ان ده غلط انه يبدا بالكهربيه وان ده مش وقتها يبقى العيب مش فيكى
|
المشكلة انى مبعرفش احل مسائل والدروس بدات تتكوم عليا وميرسى على الرد ياندى
|
اقتباس:
معلش يا مروة قمت انبارح كدة من غير لاسلام ولاكلام:( بصى يا ستى الفصل العاشر كدة بإختصار:rolleyes: بيتكلم عن التأثير النغناطيسى للتيار الكهربى فى الأسلاك يعنى ببساطة....لما تمر كهرباء فى سلك السلك دة بيتولد حوالية مجال مغناطيسى.......المجال دة بيختلف باختلاف السلك اذا كان مستقيم أو دائرى أو حلزونى طبعا القوانين بتاعة تعين المجال بيبقى فيها تشابة الى حد كبيييييير بس تفريقهم سهل عن بعض:) طبعا اثباتاتهم هايفة وسهلة;) وبعدين بقى فى شوية قواعد كدة لتعيين اتجاة المجال والقوة وكدة القواعد دى بتتفهم:cool: ولو جت فى الأمتحان بيسأل عن استخداماتها مش أكتر:) بس مهمة عشان بتاحتجيها فى المسائل;) بعد كدة عندك القوة المغناطيسية وعزم الأزدواج القوة اثباتها سهل وقانونها عبيط:d الأزدواج بقى بفهم الإثبات بيبقى الإثبات عبيط جداااااااا بس مش ينفع يتحفظ وبس:) طبعا عزم الإزدواج بيبقى فية شوية عك كدة عشان فى فى بعض الأوقات بناخد العمودى وساعتها بناخد جيب الزاوية نيجى بقى لآخر جزئية الأجهزة الكهربية أهم واحد فيهم هو الجلفانومتر لو فهمتية مبروووووووووك عليكى فهم باقى الأجهزة التانية وبعدين بقى بتربطى الأجهوة ببعضها وطبعا النظرى فى الفصل دة كتير الى حد ما والمسائل مباشرة الى حد ما دة كدة يا ستى بأختصار الفصل العاشر يمكن تكونى مش فهمتى حاجة من كلامى:( بس أنتى اللى طلبتى:) وطلاباتك أوامر:) يا ترى عاوزة حاجة تانى يا قمر؟؟؟؟؟؟ |
| جميع الأوقات بتوقيت GMT +2. الساعة الآن 03:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.