المشاركة الأصلية كتبت بواسطة hos99 (المشاركة 778395)

بصراحة بقى المنتدى كويس جدا وفى معلومات جميلة جدا وقيمة فعلا وكلنا بنستفاد منها انا من تانية ثانوى وانا بستفاد منه والله سواء فى الدراسة والفضل للمدرسين الجدعان اللى هنا او فى الاجازة من المعلومات اللى بيقدموها الاعضاء والمشرفين والمدرسين بس المشكلة ان الايام ده فى مشاكل جامدة اوى فى الموقع وخناقات وبهدله وده اللى خلى الواحد زهق من المنتدى وعايز يسيبه ونرجو من استاذ اشرف انه يعيد حسباته قبل ما الاعضاء والمشرقين يسيبوا الموقع ويبقى خرابة
وشكراااااااااااااااااااااااااااا

المشاركة الأصلية كتبت بواسطة queen_dona (المشاركة 778433)

الصراحه انا لغايه دلوقتى مشوفتش حاجه وحشه من المنتدى والعكس انا حاسه انه حلو جدا وكمان بستفيد منه كتير اذا كان فى الدراسه او الاجازه برضه


يمكن علشان مش بدخل كل الاقسام

المشاركة الأصلية كتبت بواسطة أحمد2025 (المشاركة 778439)

بصوا
الأعضاء اللى فى المنتدى هما اللى حلوين
انما المنتدى نفسة بجد........
بس بنحب المنتدى قوى هنعمل ايه بقى

المشاركة الأصلية كتبت بواسطة dreamer (المشاركة 776923)

هو انت مستريح في المنتدى ده ؟؟

'طبعا مستريح هنا امال قاعد غصب عنى او قاعد وانا تعبان .
حاسس انك مبسوط انك عضو فيه ؟؟
اكيد مبسوط حضرتك ليه متخيل الى بادخل مُجبر

في تجاوب من الاعضاء ؟؟
اكيد بس مش كل الاعضاء
في مشرفين طيبين ؟؟
طبعا كتير جدا طيبين ,,,,,,,,,,,,,,,,,,,, بس فى كمان مشرفين يستاهلوا الحرق يعنى مش كل صوابعك زى بعضها
بيقدمولك النصيحه ؟؟هو انت بجد مستريح هنا ولا بيطلعلك كده عضو ينكد عليك ... ؟؟؟؟
الحمد لله انا مش محتاج نصيحه من حد تقريبا كده انا اكبرهم سننا
اما معظم المشرفين فهم مش بيعملوا اى حاجه غير نقل وحذف الموضوعات والمشاركات ( مش كلهم طبعا ) ولكن فئة منهم متخيلة ان هو ده واجب مهنه الاشراف تقدر تقول كده زى عساكر الامن المركزى
لا والله بتكلم جد ايه رأيك في منتدى الثانويه العامه ده ... اشمعنى احنا كأعضاء بنتقيم ( جديد – فعال – مجتهد – ممتاز – نشيط – قدوه ..............)
المنتدى عامة به فوائد كتير جدا ومتشعب وبه تقريبا كل ما تحتاجه من دين الى تعليم الى سياسة وبرامج وقرأن واخبار وتسليه
يعنى يعتبر متكامل الى حد ما

احنا كمان عاوزين نقيم المنتدى نفسه وننتقده كمان ونوصل الفكره للمشرفينيمكن يحاولوا التجديد والتطوير .... ويا ريت نلاقي تجاوب من المشرفين معانا في الموضوع ده ..المشرفين (الطيبين قوي قوي ) .... انا بس عاوزه اقول للاعضاء المتشددين و المتعصبين المتذمتين يا ريت عند التوجيه او الارشاد ان يعملوا بالايه الكريمه(وادع الى سبيل ربك بالحكمة والموعظة الحسنه ) .... بالحكمه ماشي والموعظه مش بالخناق والتهديد بالوقف !!!!
اوعدكم ان الموضوع هيوصل لاكبر عدد ممكن من المشرفين اللي احنا طبعا متأكدين انهم هيساعدونا ... مش كده ولا ايه .؟؟!!
وانا اوعدك ان الموضوع ده هايتنقل لما يشرف ابو رجل مسلوخه
ادخل وقول ايه رأيك في المنتدى ده بصراحه المره دي مفيش رقابه قول ايه اللي مش عاجبك مش يمكن اللي مش عاجبك ده يتصلح ؟؟؟؟
اقول لك
انت مش ساعات كده تلاقى فى قهاوى كتير خمس نجوم وفى قهوة تانيه متواضعه ؟
طيب ومش ساعات تشوف فى ناس قاعده فى القهوه المتواضعه رغم ان الخمس نجوم قريبه منها؟
مسألتش نفسك ليه الناس دى مش بتروح تقعد فى الخمس نجوم رغم انها بنفس الاسعار؟
اقول لك انها التعود والعاده بالظبط ده الى بيحصل معايه انا كتير بلاقى منتديات اكبر واشيك من هنا بكتير لكن الحكايه مش حكايه الاشيك او الاكبر حكايه الارتباط النفسى والعاطفى بالمكان
حبك للمكان يجعلك ترتبط به مثل رغم عيبوبه وسلبياته وكتير معانا هنا فى المنتدى مش قادرين يحسوا او يستوعبوا الحكايه دى
اما حكايه الرقابه ده شيئ لا يهمنى ولا يلفت نظرى على الاطلاق
تقريبا فى اجاباتى السابقة ذكرت ايه الى عاجبنى فى المنتدى نفسة والى مش عاجبنى
وعلى فكره لسه لحديثي بقيه بس مش هقدر اكمل الا لما الاقي منكم تجاوب معايا واعرف اراءكم وردودكم واوعدكم ساعتها بس هقدر اقول رأيي في المنتدى وفي المشرفين وفي الاعضاء كمان وهقول كل اللي في نفسي بس اما اشوف تفاعلكم مع الموضوع ....
ايه رأيكم ؟؟ قيموا المنتدى !!!!

عاوزه كلنا نتجاوب عشان نخلي المنتدى احسن ونعالج سلبياته ..... وزي ما قلت انا لسه هكمل لما تشاركوا ...

المشاركة الأصلية كتبت بواسطة dreamer (المشاركة 778446)

والله شكلك متعرفش من الاعضاء غير الحلوين دول بس عشان كده مش حاسس باي مشكله ...
بس المنتدى نفسه كويس ... مش كده ؟؟

المشاركة الأصلية كتبت بواسطة بورسعيدى (المشاركة 778448)

تكلمنا عن كل شيئ فى المنتدى سواء مشرفين او اعضاء وما نحب وما نكره وشبكه المنتدى وموضوعاته سلبياته وايجابياته ونسينا اهم شيئ

وهو ان اقدم لك الشكر والامتنان على تناولك هذا الموضوع

واحب ان ابشرك انه بنسبة 90% سوف يقوم احدهم بنقله

ربما تكون جملتى ذات اللون البرتقالى سبب فى عدم نقل الموضوع من باب العند فيه

بكرة نشوف ايه الى هايحصل

المشاركة الأصلية كتبت بواسطة dreamer (المشاركة 778421)

نتمنى ذلك ..... يارب ميكونش الكلام ده جبر خواطر !!!

المشاركة الأصلية كتبت بواسطة أحمد2025 (المشاركة 778454)

المشاركة الأصلية كتبت بواسطة queen_dona (المشاركة 778460)

طب وضحى انت ايه اللى مش عجبك بالظبط علشان نستفاد برضه