ايوة والله العظيم احنا كمدرسين صورنا الكتب على حسابنا وسألت المستشار الطلبة هنعمل معاهم ايه هنصورلهم احنا كمان على حسابنا!!! فكر شوية وقال قدامكم حل من اتنين يا تكتبوا ملخص للدرس على السبورة يا الطلبة يلموا فلوس ويصوروا عن طريق الجمعية بالمدرسة والغريب اللى سعادته ما يعرفوش ان مادة زى المحاسبة نازل فيها تمارين ضمن اعمال السنة المفروض تنحل فى الكتاب اللى مش هيظهر الا بعد شهر ونص على افضل تقدير وحسبنا الله ونعم الوكيل فيها وزارة تانى!!!!

ياعم ربنا يخلي لنا كتاب المعاصر
أنا أبتديت اشرح منه وامري لله خصوصا انه افتكرني وبعتلي كتاب لحد البيبت

مفيش تلميذ في اولي اعدادي استلم كتاب واحد واللي سامعه انهم راح يسلموهم بعد العيد
تهريييييييييييييييييييييج ماكانوا اجلوا الدراسه زي الكتب ولا ده اتاحه وتوسيع سكه للكتب الخارجيه
ربنا يرحمنا

:confused:حسبنا الله ونعم الوكيل(اللهم لاحول ولا قوة إلا بالله العلى العظيم)

هى دى مصر كله يكدب على كله وكله تمام يا سعادة الباشا
وحسبنا الله ونعم الوكيل

فى التغيير الوزارى القادم ممكن يمسكوا الجمل وزارة ( ياحبشتكه ياحبشتكه الواد من غلبه راح اشتكى )

وانتو زعلانين ليه طيب ما احنا كمان ( كمدرسين ) ماخدناش كتب للكادر نذاكر منها وربنا يخليلنا البوابة

لا للسخرية من معالي السيد الوزير

عادى بتحصل وهتحصل

لو دولة محترمة قبل ما تغير انظة التدريس وتغيير مناهج قبلها بعام تعطى المعلمين مناهج الجديدة وتعمل استبيان عن اراء المعلمين وتستفيد منها قبل تطيبق المنهج الجديد وتعطى المعلم كتب قيمة مراجع عن موضوعات المنهج الجديد ودورة فى اجازة ثم تنزل كتب بعد اخذ اراء المعلمين فيها
ولكن نظام يوليو يريد شعب جاهل ومعلم مقهور